என்ன விலை அழகே!

பசிபிக் பெருங்கடலில் உள்ள தீவுக் கூட்டங்களால் ஆன நாடு, நியூசிலாந்து. இது, புவியியல் ரீதியாக, மற்ற நாடுகளில் இருந்து, மிகவும் தனிமைப்படுத்தப்பட்டுள்ளது. நியூசிலாந்துக்கு அருகில் உள்ள நாடான ஆஸ்திரேலியாவுக்கு செல்ல வேண்டுமானால், 1,500 கி.மீ., பயணிக்க வேண்டும். பிஜி போன்ற தீவுகளுக்கு செல்ல வேண்டுமானால், 1,000 கி.மீ., பயணிக்க வேண்டும்.
மனிதன், கடைசியாக குடியேறிய பூமிப் பிரதேசம் இது தான். இதனால் தானோ என்னவோ, நியூசிலாந்தில் இன்னும் ஏராளமான இயற்கை வளங்கள், மனிதர்களால் அபகரிக்கப்படாமல் மிச்சம் உள்ளன.




இங்குள்ள வனகா என்ற சுற்றுலா தலம், சர்வதேச அளவில் பிரபலமானது. வனகா ஏரி, கலுதாஸ் ஆறு ஆகியவற்றின் மையப் பகுதியில், மலைச் சிகரங்களுக்கு இடையில் உள்ளது வனகா. சுற்றுலா பயணிகளின் உள்ளத்தை கொள்ளை கொண்ட இடமாக விளங்குகிறது. இந்த மலைச் சிகரங்கள் ஒவ்வொன்றும், 3,000 மீட்டர் உயரமுடையவை. இவற்றின் உச்சியிலிருந்து கீழே பார்த்தால், சொர்க்கத்தையே நேரில் பார்த்தது போன்ற பிரமை ஏற்படும்.

வனகா நகரத்தில் வசிக்கும் பெலிண்டாஸ், 27, என்ற பெண்ணுக்கு, இந்த மலைச் சிகரங்களின் உச்சியிலிருந்து, இயற்கையை பார்த்து ரசிக்க வேண்டும் என்ற ஆசை நீண்ட நாட்களாகவே இருந்தது. அதற்கான வாய்ப்பு அவருக்கு கிடைக்கவில்லை.
சமீபத்தில், கேம்பல் ஸ்டூவர்ட் என்ற இளைஞருடன், பெலிண்டாசுக்கு திருமணம் நடந்தது. திருமணத்துக்கு முன், 'திருமணம் முடிந்த அடுத்த நிமிடமே, மணக்கோலத்தில் இருவரும் ஜோடியாக, வனகா பகுதியில் உள்ள மலைச் சிகரத்தின் உச்சிக்கு சென்று, இயற்கையை ரசிக்க வேண்டும்...' என, தன்னுடைய விருப்பத்தை கூறினார். அவரின் விருப்பத்தை நிறைவேற்றுவதாக, உறுதி அளித்தார் கேம்பல்.

இதையடுத்து, திருமணம் முடிந்த அடுத்த நிமிடமே, புதுமணத் தம்பதியான இவர்கள், வனகா மலைச் சிகரத்துக்கு ஹெலிகாப்டரில் பயணித்தனர். புகைப்படக்காரர் ஒருவரும், அவர்களுடன் சென்றார். மலைச் சிகரத்தில் ஜோடியாக நின்று, ஒவ்வொரு நிமிடத்தையும் அனுபவித்து, ரசித்தனர்.

இதுகுறித்து பெலிண்டாஸ் கூறுகையில்,'என் வாழ்நாளில் மறக்க முடியாத நினைவாக, இது அமைந்து விட்டது. இதை விட, வேறு சந்தோஷம் எதுவுமே, இனி எனக்கு நிகழப் போவது இல்லை. மலை உச்சியில் நின்றபடி, கீழே கரை புரண்டோடும் ஆற்று நீரையும், இயற்கை அழகையும், என் வாழ்க்கை துணைவருடன் பார்த்து ரசித்த காட்சிகளை வர்ணிப்பதற்கு வார்த்தைகளே இல்லை. இதற்கு, என்ன விலை வேண்டுமானாலும் கொடுக்கலாம்...' என்றார்.

சி.எஸ்.சஞ்சனா

அழகிய ஒரு நாட்டை பற்றி கூறியிருக்கிறீர்கள். அடுத்த மே நான் ஆஸ்திரேலியா நியூ. செல்ல வேன்டும். இதை பார்த்த உடன் ஆசை அதிகரிக்கிறது

மனோரம்யமான நாடு

ரமணியன்

  

அசுரன் wrote:அழகிய ஒரு நாட்டை பற்றி கூறியிருக்கிறீர்கள். அடுத்த மே நான் ஆஸ்திரேலியா நியூ. செல்ல வேன்டும். இதை பார்த்த உடன் ஆசை அதிகரிக்கிறது

சூப்பர் அசுரன், போய்வந்து எங்களுக்கு விளக்கமாக ஒரு பயணக் கட்டுரை - படங்களுடன் போட்டுவிடுங்கள். நாங்களும் போய்வந்த மாதிரி இருக்கும் வாழ்த்துக்கள்

 

சி.எஸ்.சஞ்சனா, கிருஷ்ணாமா, அய்யாசாமி ராம் ஆகியோர்க்கு நன்றி !