காமன்வெல்த் போட்டியில் வேலூர் வீரர் தங்கம்: 8 ஆண்டு பயிற்சிக்கு கிடைத்த வெற்றி

செல்வமூர்த்தி · 07/06/2014

வேலூர், ஜூலை.28–

[size=16][size=14]
வேலூர் சத்துவாச்சாரி புதுதெருவை சேர்ந்தவர் சதீஷ்குமார் சிவலிங்கம். காமன்வெல்த் போட்டியில் சதீஷ்குமார் தங்கம் வென்றதை கேள்விபட்ட அவரது குடும்பத்தினர் மகிழ்ச்சியில் ஆழ்ந்துள்ளனர்.

சதீஷ்குமார் தந்தை சிவலிங்கம்(48) முன்னாள் ராணுவவீரர். இவர் தற்போது விஐடி பல்கலைக்கழகத்தில் காவலாளியாக வேலை பார்த்து வருகிறார். தாய் தெய்வானை(42) பிரதீப்குமார் என்ற சகோதரர் உள்ளார். சதீஷ்குமாரின் தந்தை சிவலிங்கம் 1985 முதல் 2001 வரை ராணுவத்தில் பணியாற்றி உள்ளார். அவரும் பளுதூக்கும் வீரர் 1985 முதல் 87 வரை நடந்த தேசிய பளுதூக்கும் போட்டிகளில் பங்கேற்றுள்ளார்.

ராணுவத்தின் சார்பில் பங்கேற்ற சிவலிங்கம் ஜெபல்பூரில் நடந்த போட்டியில் தங்க பதக்கம் வென்றுள்ளார். பின்னர் ராணுவத்தில் இருந்து ஓய்வுபெற்றார். தந்தை சிவலிங்கத்தை ரோல்மாடலாக ஏற்று தானும் ஒரு பளுதூக்கும் வீரராக வரவேண்டும் என்பதில் சதீஷ்குமார் உறுதியாக இருந்தார்.

சதீஷ்குமார் சத்துவாச்சாரியில் உள்ள அரசு (மாநகராட்சி) உயர்நிலைப்பள்ளியில் 10–ம் வகுப்பு படித்த போது அந்த பகுதியில் உள்ள தனியார் உடற்பயிற்சி கூடத்தில் பளுதூக்க ஆரம்பித்தார். அப்போது பளுதூக்குவதில் திறமையாக செயல்பட்டுள்ளார். அவரது திறமையை கண்டு வியந்த உடற்பயிற்சி கூட நிர்வாகிகள் சதீஷ்குமாரை வேலூர் சத்துவாச்சாரி மலை அடிவாரத்தில் உள்ள தமிழ்நாடு விளையாட்டு மேம்பாட்டு ஆணைய பளுதூக்கும் பயிற்சி கூடத்தில் சேர்த்தனர். அங்கிருந்து பல்வேறு போட்டிகளில் பங்கேற்று வெற்றி பெற்றார்.

பள்ளி மாணவர்கள் அளவிலான தேசிய பளுதூக்கும் போட்டியில் தங்க பதக்கம் வென்றார். அதன் பின்னர் மேல்விஷாரத்தில் உள்ள அப்துல்ஹக்கீம் கல்லூரியில் பி.ஏ. பட்டப்படிப்பில் சேர்ந்தார். படித்து கொண்டே பல்வேறு இடங்களில் நடந்த போட்டிகளில் பங்கேற்று வெற்றி பெற்றார். அவரின் திறமையின் மூலம் 3–ம் ஆண்டு பட்டபடிப்பை படித்த போது தென்னக ரெயில்வேயில் வேலை கிடைத்தது. தொடர்ந்து தென்னக ரெயில்வே அணி வீரராக களத்தில் இறங்கினார்.

தேசிய அளவிலான போட்டிகளில் பங்கேற்று பல பதக்கங்களை வென்றார். இதன் மூலம் இந்தியா சார்பில் வெளிநாடுகளில் நடந்த போட்டிகளில் பங்கேற்க வாய்ப்பு வந்தது. 2010–ம் ஆண்டு பல்கோரியாவிலும், 2011–ம் ஆண்டு தென்கொரியாவிலும் நடந்த ஆசிய போட்டிகளில் கலந்து கொண்டார். 2012ம் ஆண்டு அபியாவில் நடந்த பளுதூக்கும் போட்டியிலும், 2013–ம் ஆண்டு நடந்த பளுதூக்கும் போட்டியில் தங்கம் வென்றார்.

கடும் பயிற்சியில் ஈடுபட்டு வந்த சதீஷ்குமார் நேற்று காமன்வெல்த் போட்டியில் 77 கிலோ எடை பிரிவில் 149 கிலோ எடை தூக்கி தங்க பதக்கம் வென்றுள்ளார். காமன்வெல்த் போட்டிகளில் இந்த பிரிவில் 148 எடை இதுவரை தூக்கியுள்ளனர். சதீஷ்குமார் 149 கிலோ தூக்கி சாதனை படைத்துள்ளார். அடுத்ததாக வருகிற அக்டோபர் மாதம் தென்கொரியாவில் நடைபெற உள்ள பளுதூக்கும் போட்டியில் பங்கேற்கிறார். சதீஷ்குமார் வென்ற பதக்கங்கள் வெற்றி பெற்ற போட்டிகள் எங்களால் கணக்கிட முடியாத அளவுக்கு உள்ளது. அவரின் 8 ஆண்டு கடும் பயிற்சியால் வெற்றி கிடைத்துள்ளது. ஒலிம்பிக் போட்டியிலும் சதீஷ்குமார் தங்கம் வெல்வார் என்ற நம்பிக்கை ஏற்பட்டுள்ளது என அவரின் பெற்றோர் நம்பிக்கையுடன் மகிழ்ச்சி ததும்ப கூறினர்.

வேலூர் புரட்சியின் மூலம் சுதந்திர போராட்டத்துக்கு வித்திட்ட வேலூரின் வீரத்தை மீண்டும் வரலாற்றில் பதிவு செய்திருக்கிறார் சதீஷ்குமார்...

[/size][/size]

**ayyasamy ram** · **ayyasamy ram** Mon Jul 28, 2014 7:27 pm

காமன்வெல்த் போட்டியில் வேலூர் வீரர் தங்கம்: 8 ஆண்டு பயிற்சிக்கு கிடைத்த வெற்றி 3838410834

**M.M.SENTHIL** · **M.M.SENTHIL** Mon Jul 28, 2014 10:11 pm

அருமை, அருமை வாழ்த்துக்கள். வாழ்வில் இதுபோல் இன்னும் வெற்றி பெற ஆண்டவன் நல்ல உடல் நலத்தை தரட்டும்.

அசுரன் · அசுரன் Mon Jul 28, 2014 10:38 pm

தமிழகத்தை சேர்ந்த ஒருவர் தங்கம் வெல்வது மனதுக்கு மகிழச்சியை அளிக்கிறது. தாய் தந்தையரின் நம்பிக்கை வீண்போகவில்லை

**T.N.Balasubramanian** · **T.N.Balasubramanian** Tue Jul 29, 2014 12:26 am

வாழ்த்துகள் சதீஷ்குமார்
தங்க மெடல்கள்
தங்க வேண்டும் உங்கள் வீட்டில் அதிகம்

ரமணியன்

Sponsored content · Sponsored content

காமன்வெல்த் போட்டியில் வேலூர் வீரர் தங்கம்: 8 ஆண்டு பயிற்சிக்கு கிடைத்த வெற்றி

காமன்வெல்த் போட்டியில் வேலூர் வீரர் தங்கம்: 8 ஆண்டு பயிற்சிக்கு கிடைத்த வெற்றி

Re: காமன்வெல்த் போட்டியில் வேலூர் வீரர் தங்கம்: 8 ஆண்டு பயிற்சிக்கு கிடைத்த வெற்றி

Re: காமன்வெல்த் போட்டியில் வேலூர் வீரர் தங்கம்: 8 ஆண்டு பயிற்சிக்கு கிடைத்த வெற்றி

Re: காமன்வெல்த் போட்டியில் வேலூர் வீரர் தங்கம்: 8 ஆண்டு பயிற்சிக்கு கிடைத்த வெற்றி

Re: காமன்வெல்த் போட்டியில் வேலூர் வீரர் தங்கம்: 8 ஆண்டு பயிற்சிக்கு கிடைத்த வெற்றி

Re: காமன்வெல்த் போட்டியில் வேலூர் வீரர் தங்கம்: 8 ஆண்டு பயிற்சிக்கு கிடைத்த வெற்றி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக