அல்ஜீரிய விமானம் விழுந்து நொறுங்கியது: விமானி உள்பட 116 பேர் பலி

**ராஜா** · **ராஜா** Thu Jul 24, 2014 6:11 pm

அல்ஜீரியாவில் இருந்து புறப்பட்ட விமானம் நைஜரில் விழுந்து நொறுங்கியதில் விமானி உள்பட 116 பேரும் பலியாகினர்.

ஏர் அல்ஜீரியாவின் ஏஎச்-5017 என்ற விமானம் இன்று மேற்கு ஆப்பிரிக்க நாடான பர்கினா பாசோவின் தலைநகர் ஒகடாகோவில் இருந்து அல்ஜியர்ஸ் நோக்கிச் சென்றது. இதில் 110 பயணிகளும், 6 ஊழியர்களும் இருந்தனர்.

இந்த விமானம் கிளம்பிய 50 நிமிடத்தில் ரேடாரில் இருந்து விமானம் மறைந்துவிட்டது. இதை அடுத்து அவசரகால நடவடிக்கைகள் முடுக்கி விடப்பட்டு, விமானத்தை தேடும் பணியில் அதிகாரிகள் ஈடுபட்டனர்.

இந்நிலையில், மாயமான விமானம் நைஜரில் விழுந்து நொறுங்கியது கண்டுபிடிக்கப்பட்டது. விமானத்தில் பயணம் செய்த 116 பேரும் இறந்துவிட்டதாக தகவல்கள் தெரிவிக்கின்றன.

சமீபத்தில் போர் நடைபெற்று வரும் உக்ரைனில் மலேசிய விமானம் ஒன்று சுட்டு வீழ்த்தப்பட்டது. அதில் பயணித்த 298 பேரும் இறந்தனர். இதேபோல் அதே நிறுவனத்தின் மற்றொரு விமானம் கடந்த மார்ச் மாதம் நடுவானில் மாயமானது. அது இதுவரை கண்டுபிடிக்கப்படாத நிலையில், இப்போது அல்ஜீரிய விமானம் விபத்துக்குள்ளானது குறிப்பிடத்தக்கது.

-maalaimalar

**T.N.Balasubramanian** · **T.N.Balasubramanian** Thu Jul 24, 2014 9:58 pm

விமானங்கள் விழும் மா --த ---ம் ------------

வருத்தமாக உள்ளது .
ரமணியன்

**சிவா** · **சிவா** Fri Jul 25, 2014 12:51 am

பாலைவனப் பகுதியில் அல்ஜீரிய விமானத்தின் பாகங்கள் கண்டுபிடிப்பு!

110 பயணிகள், 6 விமானப் பணியாளர்களுடம் மாயமான ஏர் அல்ஜெரி விமானம், மாலி நாட்டின், திலெம்சி என்ற இடத்தில் விழுந்து நொறுங்கிக் கிடப்பதாக பிரான்ஸ் இராணும் கூறியுள்ளது.

கிடல் மற்றும் காவோவிற்கு இடையிலான பாலைவனப் பகுதியில் விமானத்தை பாகங்கள் கிடப்பதை பிரான்ஸ் இராணுவ விமானங்கள் கண்டறிந்துள்ளதாகவும் முன்னணி இணைய செய்தி நிறுவனங்கள் தெரிவிக்கின்றன.

இந்த தகவலை பிரான்ஸ் வெளியுறவுத்துறை அமைச்சர் லாரண்ட் பேபியசும் உறுதிப்படுத்தியுள்ளார்.

**சிவா** · **சிவா** Fri Jul 25, 2014 12:51 am

அல்ஜீரிய விமானம் விபத்தா? சுட்டு வீழ்த்தப்பட்டதா?

அல்ஜீரிய விமானம் ரேடார் தொடர்பில் இருந்து விடுபட்டது மாலி என்ற இடமாகும். அந்த இடத்தில் தான் கடந்த ஜனவரி மாதம் பிரான்ஸ் தனது இராணுவ பயிற்சிகளை தொடங்கியது.

அதன் பின்னர், ஏர் அல்ஜெரி விமானங்கள் வடக்கு மாலி வழியாகப் பறப்பதை தவிர்த்து வந்தன என்று அல்ஜீரிய நாட்டைச் சேர்ந்த முன்னணி செய்தியாளர் ஃபெய்கால் மெட்டாவுய் தெரிவித்துள்ளார்.

அதே நேரத்தில், மாலியைச் சேர்ந்த கிளர்ச்சியாளர்கள் ஏற்கனவே ஏர் அல்ஜெரி விமான நிறுவனத்தின் தலைவர்களுக்கு தாக்குதல் எச்சரிக்கை கொடுத்திருந்ததாகவும் ஃபெய்கால் தெரிவித்துள்ளார்.

**சிவா** · **சிவா** Fri Jul 25, 2014 1:48 am

விபத்திற்குள்ளான விமானத்தில் பயணம் செய்த பயணிகளின் பட்டியலை ஏர் அல்ஜெரி நிறுவனம் தங்களது அதிகாரப்பூர்வ டிவிட்டர் பக்கத்தில் வெளியிட்டுள்ளது.

அதில் 110 பயணிகளில், 50 பயணிகள் பிரான்ஸ், 4 புர்கினா ஃபாசோ, 8 லெபானீஸ், 6 அல்ஜீரியா, 5 கனடா, 4 ஜெர்மன், 2 லக்ஸெம்பர்க் மற்றும் 1 மாலி ஆகிய நாடுகளைச் சேர்ந்தவர்கள் என்று கூறப்பட்டுள்ளது.

அதே வேளையில், 1 நைஜீரியா, 1 கேமரூன், 1 பெல்ஜியன், 1 உக்ரைன், 1 ரோமானியன், 1 சுவிஸ் பயணிகளும் இருந்ததாகவும் தெரிவிக்கப்பட்டுள்ளது.

**Dr.S.Soundarapandian** · **Dr.S.Soundarapandian** Fri Jul 25, 2014 9:57 am

விமானம் மேல் நோக்கிப் பறக்கிறது ! மனித மனம் கீழ்நோக்கிச் செல்கிறது !

**ayyasamy ram** · **ayyasamy ram** Fri Jul 25, 2014 10:28 am

விமானம் புறப்படும் முன் பயணிகளுக்கு நெருக்கடி
ஏற்பட்டால், முன்னெச்சரிக்கையாக
எமர்ஜென்ஸி கதவுகளை பயன்படுத்தும் விதம்,
சீட்டுக்கடியில் பாராசூட் இருப்பதை எப்படி பயன்படுத்துவது
முதலான விபரங்களை ஒப்புவிப்பார்கள்...!
-
இனி அவை தேவையில்லை...!!
-
புறப்படும் முன் கூட்டுப் பிரார்த்தனை முறையை அமுலுக்கு
கொண்டு வரலாம்...!!!
-
-----------

**ஜாஹீதாபானு** · 16/04/2011

தொடர் விபத்தா இருக்கே சோகம்

பாலாஜி · பாலாஜி Fri Jul 25, 2014 2:39 pm

அழ்ந்த இரங்கல்கள்

Sponsored content · Sponsored content

அல்ஜீரிய விமானம் விழுந்து நொறுங்கியது: விமானி உள்பட 116 பேர் பலி

அல்ஜீரிய விமானம் விழுந்து நொறுங்கியது: விமானி உள்பட 116 பேர் பலி

Re: அல்ஜீரிய விமானம் விழுந்து நொறுங்கியது: விமானி உள்பட 116 பேர் பலி

Re: அல்ஜீரிய விமானம் விழுந்து நொறுங்கியது: விமானி உள்பட 116 பேர் பலி

Re: அல்ஜீரிய விமானம் விழுந்து நொறுங்கியது: விமானி உள்பட 116 பேர் பலி

Re: அல்ஜீரிய விமானம் விழுந்து நொறுங்கியது: விமானி உள்பட 116 பேர் பலி

Re: அல்ஜீரிய விமானம் விழுந்து நொறுங்கியது: விமானி உள்பட 116 பேர் பலி

Re: அல்ஜீரிய விமானம் விழுந்து நொறுங்கியது: விமானி உள்பட 116 பேர் பலி

Re: அல்ஜீரிய விமானம் விழுந்து நொறுங்கியது: விமானி உள்பட 116 பேர் பலி

Re: அல்ஜீரிய விமானம் விழுந்து நொறுங்கியது: விமானி உள்பட 116 பேர் பலி

Re: அல்ஜீரிய விமானம் விழுந்து நொறுங்கியது: விமானி உள்பட 116 பேர் பலி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக