நல்லது..! - ஒரு பக்க கதை

**ayyasamy ram** · **ayyasamy ram** Wed Jul 23, 2014 6:37 pm

-
ஆட்டோ வருமா ஆட்டோ வருமா ..என்று கேட்டுக்
கேட்டு தொண்டைத் தண்ணீர் வற்றியது பள்ளி
ஆசிரியர் பத்மநாபனுக்கு.
-
சவாரி ஏத்தப்போறேன்...
-
ரேட் கட்டுப்படியாகாது...!
-
அடடா..எத்தனை சாக்குப் போக்குகள்! நாற்பது ரூபாய்
வரை பேரம் பேச ...கூசாமல் ஐம்பது கேட்டது ஒரு
ஆட்டோ. ஒன்பது ஆட்டோக்களில் ஒன்று கூட
படியவில்லையே என்கிற எரிச்சல் பத்மநாபனுக்கு.
-
காலியாப் போனாலும் போவானுக...சவாரி ஏத்த
மாட்டானுக போலிருக்கு!- பத்மநாபனின் மனம் குமுறியது
-
சட்டென்று அவருக்குள் ஒரு ஐடியா மின்னல்!
-
ஒட்ட வெட்டிய தலையும்...பெரிய தொப்பையும் ...அவரின்
பெரிய ப்ளஸ் என்பது அவருக்கே புரிந்தது. அடுத்து
வந்த ஆட்டோவை அதட்டலோடு நிறுத்தினார்.
-
யூனிஃபார்ம் எங்கே ?- குரலில் கடுமை.
-
ஸாரி சார்...ஸ்டாண்ட்ல மறந்து வச்சிட்டேன்...
-
இதெல்லாம் சொல்லக்கூடாது...சரி வண்டி எந்த ரூட்ல
போகுது? கண்களால் மிரட்டினார்
-
பட்டினப்பாக்கம் சார்...
-
கச்சேரி ரோடு கடைசியில இறக்கி விட்டிட்டுப்போ..
பதிலுக்கு காத்திருக்காமல் பத்மநாபன் ஏறி
உட்கார, சீறிப் பாய்ந்த வண்டிக்குள், 'நல்லதுக்கு
காலமில்லை' என்பது போல் குலுங்கியது அவரின் தொந்தி.
-
----------------------------------
>கே.எம்.சம்சுதீன்
நன்றி: குங்குமம்