மலருக்காக ஒரு மலர்..!

யாழவன் · யாழவன் Wed Nov 04, 2009 8:39 am

என் மலருக்காக
ஒரு மலர் தோட்டம்
அமைக்க நினைத்தேன் -அதை
ரோஜா தோட்டமாக அமைத்தேன்.

ஒவ்வொரு காலையும்
எழுந்ததுடன் மலர் இருக்கா
எனப் பார்ப்பேன் -ஒரு நாள்
மரத்தில் மலர் மொட்டுக்கள் எட்டி
தலை காட்டியது

அது மலராக விரியும் வரை
காத்திருக்க காத்திருக்க
சுகமான தென்றலாக
இருந்ததென்தன் இதயத்திற்கு
ஒரு நாள் காலையில்
ஒரு மலர் மொட்டு விரிந்து
மலராகக் காட்சியளித்தது..

அம்மலரை இன்றாவது
என் மலருக்குக் கொடுக்க
வேண்டுமென்ற அவாவில்
காலைப்பொழுது சூடேற -அதை
பறித்தெடுத்து வடிவாக
அலங்கரித்து எடுத்துச்சென்றேன்
முகாமுக்கு..

வீட்டில் என்றார்கள்..
மலருடன் சென்றபோது மலரின்
வீட்டு வாயிலில் மக்கள் கூட்டம்
உள்ளே கால் பதித்தேன்..
நான் செல்ல முன்பே
என் மலரை காலவன்
பறித்து சென்று விட்டான்..

அழகான அந்த முகம் வாடவில்லை
துயிலில்லாது அலைந்தவள் நன்றாக
துயில் கொள்கின்றாள்.. மார்பில்
துப்பாக்கி ரவையின் விதை..
வீரத்தின் வெளிப்பாடு..

கையிலிருந்த மலரை மலருக்கு
நெஞ்சில் சூடி அழகு பார்த்தேன்
யாருக்குத் தெரியும் என் மலருக்கு
மலர் கொண்டு வந்தேனென்று..

என்னையும்இ மலரையும் தவிர..
அந்த விதையை விதைக்க
நானும் கைகொடுத்து..
தூக்கிச் சென்றேன் வீரத்துடன்..
அதெவ்வளவு பாக்கியம் தெரியுமா?

இப்படி எத்தனையோ மலர்கள்
மண்ணில் விதையாகவுள்ளது..
என்னெமக்கொரு தேசமமையும் போது
அவைகள் முளையாகி மரமாகி
பூத்துக்குலுங்கும் -அப்போ அவை பூஜிக்கும்
மலர்களல்லவா மலரே என் மலரே!

தாமு · தாமு Wed Nov 04, 2009 8:59 am

இப்படி எத்தனையோ மலர்கள்
மண்ணில் விதையாகவுள்ளது..
என்னெமக்கொரு தேசமமையும் போது
அவைகள் முளையாகி மரமாகி
பூத்துக்குலுங்கும் -அப்போ அவை பூஜிக்கும்
மலர்களல்லவா மலரே என் மலரே!

அருமை அருமை யாழவன்... நல்ல கவிதை... மலருக்காக ஒரு மலர்..! 677196

kirupairajah · kirupairajah Wed Nov 04, 2009 10:36 am

அருமையான கவிதை பதிவிற்கு நன்றி யாழவன்!

Sponsored content · Sponsored content

மலருக்காக ஒரு மலர்..!

மலருக்காக ஒரு மலர்..!

Re: மலருக்காக ஒரு மலர்..!

Re: மலருக்காக ஒரு மலர்..!

Re: மலருக்காக ஒரு மலர்..!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக