வியட்நாம் இரண்டாகப் பிரிக்கப்பட்டது - 21-7-1954

வியாட்நாமின் தியான் பியான் பூ பிரதேசத்தை பாரிஸ் 1953-ம் ஆண்டு ஆக்கிரமித்து ராணுவத்தளத்தை அமைத்திருந்தது. வியட்நாமை பிரெஞ்சு காலணித்துவத்திலிருந்து விடுவிப்பதற்கான விடுதலைப்போராட்டத்தை வியட்நாமிய சுதந்திர போராட்ட ஒன்றியம் என்ற பல்வேறு அமைப்புகளின் கூட்டமைப்பு அப்போது நடத்தி வந்தது.

அந்த அமைப்பின் விடுதலை ராணுவமாக வியட்மின் என்ற அமைப்பு செயற்பட்டது. பிரெஞ்சு படைகளுக்கு ஜெனரல் கஸ்த்திரி என்பவர் பொறுப்பாக இருந்தார். அந்த பிரதேசம் 6-க்கும் மேற்பட்ட மலைக் குன்றுகளால் சூழப்பட்டிருந்து. எல்லா மலைக்குன்றுகளிலும் பாதுகாப்பு முகாங்களும் பாதுகாப்பு அரண்களும் அமைக்கப்பட்ட நிலையில் சமதரையில் பாரிஸ் படைத்தளமும் அதை ஒட்டிய விமானப்படைத் தளமுமாக ஒரு வலிமைமிக்க பாதுகாப்பு பிரதேசமாக அது இருந்தது.

தங்களது அந்தத் தளத்தின் மீது வியட்மின் படைகள் தாக்குதல் நடத்துவார்கள் என்பதை பிரெஞ்சு படை தளபதி ஜெனரல் கஸ்த்திரி முன்கூட்டியே அறிந்திருந்த போதிலும் தங்களடமுள்ள பலத்தாலும் விமானப்படையின் பலத்தாலும் அதை முறியடித்துவிடலாம் என்று அவர் நம்பிக்கை கொண்டிருந்தார். முதல் சண்டை தென்கான் என்ற பகுதியில் இருந்த முகாமில் மாலை 5 மணிக்கு ஆரம்பித்து. சண்டை தொடங்கிய ஒரு மணி நேரத்துக்குள் முகாமக்குள் ஆயிரக்கணக்கில் வந்து விழுந்த குண்டுகளை கண்டு பிரெஞ்சுப்படைகள் திகைத்துப் போய்விட்டன. அந்த முகாமை சுதந்திர போராட்ட ஒன்றியம் கைப்பற்றியது.

அதன்பின் பிரெஞ்சு படை பிரிவுக்கு பொறுப்பேற்ற கர்னல் பிரொத் பிரெஞ்சு படைகளுக்கு தைரிய மூட்டி ஒன்று திரட்டி வியட்மின் படைகளை தோற்கடித்துக்காட்டுவதாய் சபதம் செய்கிறார். ஆனால் வியட்னாமின் வேறொரு படைபிரிவு முகாமை தரை மட்டமாக்கி வெற்றிகொள்கிறது. இந்த தோல்வியால் மனமுடைந்த பிரெஞ்சு படை கர்னல் பிரொத் தற்கொலை செய்து கொள்கிறார்.

அதன்பின் நடந்த சண்டையில் சுதந்திர போராட்ட பிரிவினர் பல பகுதிகளை கைப்பற்றி பிரெஞ்சு படையை திணறடித்தனர். இந்த சம்பவத்திற்குப் பிறகு 1954-ம் ஆன்டு ஜுலை மாதம் 21-ந்தேதி ஜெனீவாவில் செய்துகொள்ளப்பட்ட உடன்படிக்கைக்கு இணங்க பிரான்ஸ் வியட்நாமை விட்டு வெளியேறியது. சுதந்திர மடைந்த வியட்நாம் வடக்கு தெற்கு வியட்நாம் என்று இரண்டாக பிரிந்தது. தெற்கு வியட்நாமை அமெரிக்காதனக்கு சார்பான நாடாக வைத்துக்கொண்டது.