அவிழ்ந்து விழும் அழகு...

by **ரா.ரா3275** Sun Jul 20, 2014 12:17 am

First topic message reminder :

உறவுகளே...

கடந்த செவ்வாய்க் கிழமை இரவு முதல் கொச்சி நகரின் குளிரில் குதூகலத்தை இழுத்துப் போர்த்தியபடி வெள்ளிக்கிழமை காலை வரை.அடடா அடடா...

அழகின் அழகை அப்படி ஓர் அழகிய அழகுடன் இயல்பாய் உடுத்தியிருக்கும் நகரம் அந்த ஊர்ப் பெண்களைப் போலவே.

மூச்சு விடவே முடியவில்லை மூச்சு விட்டும் முடியவில்லை அவ்வளவு அழகு.

அதுவும் ஃபோர்ட் கொச்சி இருக்கிறதே...புராதனக் கட்டிடங்களைப் புடவையாகக் கட்டியிருக்கும் பழையப் பொழிவை இன்றும் புதிதாகவேச் சுற்றியிருக்கிறது தன்னகத்தே.

சற்றே ஒரு பெரிய படகில் கார்களையும் மோட்டார் சைக்கிள்களையும் மக்களையும் சுமந்து தண்ணீரில் மிதந்து செல்லும் அழகில் சத்தியமாய் நாமும் மிதந்தே ஆக வேண்டும்.

இடியாப்பத்திற்கு,வேகவைத்து தாளித்த சுண்டலைத் தொட்டுக்கொள்ளத் தருகிறார்கள் பாருங்கள்.இன்னும் அந்த சுவை இயல்பை இழக்காமல் இருந்துகொண்டே இருக்கிறது.

அதுமட்டுமில்லை...வருகிற வழியில் கர்நாடக எல்லைவரை மிதமான-மிதமிஞ்சிய மழையில் நிர்வாணக் குளியல் நடத்திக்கொண்டிருந்த பசுமை தேசம் தன் தேகத்தின் மீது மேகத்தையும் பனிமூட்டத்தையும் அப்பிக்கொண்டிருந்த அழகில் நம் மனசின் மர்ம முடிச்சுகள் கூட அவிழ்ந்து விடுகின்றன.

அங்கிருந்து அப்படியே பெங்களூரு வந்தால் கேரளக் குளிரின் கிறக்கம் கிஞ்சிற்றும் குறையவில்லை.

அய்யோ...அய்யய்யோ...அந்த அழகை எழுதிக்கொண்டே செல்லலாம்.
ஆகவே இத்தோடு நிறுத்துகிறேன்.

by **Aathira** Thu Jul 24, 2014 8:42 pm

\//பசுமை தேசம் தன் தேகத்தின் மீது மேகத்தையும் பனிமூட்டத்தையும் அப்பிக்கொண்டிருந்த அழகில் நம் மனசின் மர்ம முடிச்சுகள் கூட அவிழ்ந்து விடுகின்றன.//

தேசத்திற்கு மேகத்தின் மீது மோகம்; தங்கள் நடையில் தமிழின் மீது மோகம்.
எங்களது தாகம் தீர்க்கும் உங்கள் தமிழுக்குத் தலை வணங்குகிறோம் ரா.ரா

by யினியவன் Thu Jul 24, 2014 10:12 pm

T.N.Balasubramanian wrote:என்ன இனியவன் , இன்னும் தெரியவில்லையா அவிழ்ந்தது என்னவென்று ?
அவிழ்ந்த அழகும் புரியவில்லையா ?

அவிழ்ந்தது ,
அழகிய கற்பனை ,
அழகிய தமிழ்
அழகிய நடை (மொழி நடை )

ரமணியன்

உங்க அழகு பதிலால் நம்புகிறேன் அய்யா புன்னகை