கேரள நதிகளை தமிழகத்துடன் இணைக்க விடமாட்டோம்: உம்மன் சாண்டி

**ayyasamy ram** · **ayyasamy ram** Fri 18 Jul 2014 - 8:33

திருவனந்தபுரம்:
கேரள நதிகளை தமிழ்நாட்டுடன் இணைக்கும்
திட்டத்தை அனுமதிக்க மாட்டோம் என்று அம்
மாநில முதல்வர் உம்மன் சாண்டி தெரிவித்துள்ளார்.
-
மக்களவையில் இன்று கேள்வி நேரத்தின் போது
பேசிய மத்திய நீர்வளத்துறை அமைச்சர் உமாபாரதி,
தேசிய நதிகளை இணைத்தால் விவசாய நிலங்கள்
பாசன வசதி பெறும் என்றும், மின்சார உற்பத்திக்கு
வழிவகுக்கும் என்றும் கூறினார்.
-
இது குறித்து கருத்து தெரிவித்துள்ள கேரள முதல்வர்
உம்மன் சாண்டி, "தேசிய நதிகள் இணைக்கும் திட்டத்தை
மத்திய அரசு கூறி வருகிறது. தேசிய நதிகளை
இணைப்பதன் மூலம் மாநிலத்திற்கு மாநிலம் கருத்து
வேறுபாடுகள் ஏற்படும். குறிப்பாக கேரளாவில் உள்ள
நதிகளை தமிழகத்துடன் இணைத்தால் அதற்கு கேரளா
அரசு ஒரு போதும் சம்மதிக்காது.
-
தமிழகத்துடன் கேரள நதிகளை இணைத்தால் சுற்றுச்
சூழல் மாசு ஏற்படும். இதனால் மண்வளம் பாதிக்கப்படும்.
கேரளாவில் ஓடும் ஆறுகளான பம்பா, அச்சன் கோவில்
ஆறுகள் தண்ணீரின்றி வறண்டு காணப்படும்.
-
இந்த நதிகளை இணைத்தால் வரும் காலத்தில்
கேரளாவில் தண்ணீர் பற்றாக்குறை ஏற்படும். மேலும்
கேரளாவில் விவசாயம் அடியோடு பாதிக்கபடும்
நிலை ஏற்படும். காடுகள் வறண்டு பாலைவனம் போல்
காட்சி அளிக்கும்.

அரசி கிண்ணம் என்று அழைக்கப்படும் கேரளா
நதிகளை இணைப்பதன் மூலம் தண்ணீரின்றி வறண்டு
காணப்படும். நதிகளை இணைக்க திட்டத்திற்கு எதிராக,
2003ஆம் ஆண்டு கேரள சட்டமன்றத்தில் ஒருமனதாக
தீர்மானம் நிறைவேற்றபட்டுள்ளது" என்று கூறியுள்ளார்.
-
-----------------------------------
ஆனந்தவிகடன் - செய்திகள்
_

கேரள நதிகளை தமிழகத்துடன் இணைக்க விடமாட்டோம்: உம்மன் சாண்டி

கேரள நதிகளை தமிழகத்துடன் இணைக்க விடமாட்டோம்: உம்மன் சாண்டி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக