டூத் பேஸ்ட்

by **சிவா** Fri Jul 18, 2014 1:14 am

நாம் காலையில் விழிப்பதே டூத் பேஸ்ட் முன்னால் தான். டூத் பேஸ்ட் பற்களை வெண்மையாக்கும். வாய் துர்நாற்றம் போக்கும். ஈறுகளை பலப்படுத்தும் என்பது போன்ற பயன்கள் நாம் அறிந்ததே.

நாம் அறியாதது அல்லது அறிய வேண்டியது:-

1. பூச்சிக்கடியினால் ஏற்படும் எரிச்சல், வீக்கம், கொப்புளங்கள், அரிப்பு போன்றவற்றை போக்க சிறிது டூத் பேஸ்ட்டை தடவுங்கள். வீக்கம் குறைவதுடன் சீக்கிரம் குணமாகும்.

2. சிறிய தீக்காயங்களுக்கு டூத் பேஸ்ட் தற்காலிகமாக கூலிங் எபெக்ட் கொடுக்கும்.

3. முகப்பருக்கள் வேகமாக மறைய தூங்க போகும் முன் பருவின் மேல் ஒரு புள்ளி அளவுக்கு பேஸ்டை வைத்தால் இரண்டு மூன்று நாட்களில் பரு மறையும். காலையில் எழுந்தவுடன் முகம் கழுதவல் அவசியம்.

4. பற்களுக்கு எனாமல் கோட்டிங் உண்டு. பற்கள் பளிச்சிட நாம் டூத் பேஸ்ட் உபயோகிக்கிறோம். அதே போல் நகங்களுக்கும் எனாமல் கோட்டிங் உண்டு. நகங்கள் சுத்தமாகவும் பளிச்சிடவும் பற்களை சுத்தம் செய்வது போல் மேல்புறமும் இடுக்குகளிலும் பேஸ்ட் பிரஷ்ஷால் தேய்த்தால் நல்ல பலன் தெரியும். இது நகங்களை வலுப்படுத்தவும் செய்யும்.

5. பூண்டு, வெங்காயம், மீன் இவற்றை கையாளும் பொழுது கைகளில் இருந்து ஒரு வித வாடை வரும். சிறிது டூத் பேஸ்ட் எடுத்து தேய்த்து விட்டு கழுவினால் வாடை நீங்கும்.

6. துணிகளிலும், கார் பெட்களிலும் படிந்த கனமான கறைகளை டூத் பேஸ்ட் மூலம் நீக்க முடியும். பேஸ்ட்டை கறை படிந்த இடங்களில் தடவி நன்றாக தேய்த்தால் கறைகள் நீங்கும்.

7. குழந்தைகள், வீட்டுச் சுவர்களில் கிரேயான் கொண்டு கோடுகள் கிறுக்குவது, சகஜம். ஈரத்துணியில் பேஸ்ட் தடவி, கிரேயான் கோடுகளின் மீது தேய்த்தால் மறைந்து விடும்.

8. வெள்ளி பாத்திரங்கள், ஆபரணங்கள் பளிச்சிட ஒரு மெல்லிய காட்டன் துணியில் டூத் பேஸ்ட் தடவி மெதுவாக பாலீஷ் செய்வது போல் தேய்த்தால் புதிதுபோல் இருக்கும். இது வைர நகைகளுக்கும் பொருந்தும்.

9. சி.டி./ டி.வி.டி.களில் கோடுகள் விழுந்தால் ஒரு துளி டூத் பேஸ்ட் கோட்டிங் கொடுத்து மெல்லிய துணியால் துடைத்து விடுங்கள்.

10. குழந்தைகளில் பால் பாட்டில் ஒரு வித வாடை வீசும். சிறிது டூத் பேஸ்ட் விட்டு நன்றாக அலசினால் வாடை போகும்.

11. வீடுகளில் இஸ்திரி பெட்டி உபயோகிக்கும்போது நாளடைவில் துரு பிடித்தது போல் ஒருவித கருமை நிற கோட்டிங் படிந்து இருக்கும். டூத் பேஸ்டில் உள்ள சிலிக்கா இந்த துருவை நீக்கி விடும்.

12. நமது மூக்கு கண்ணாடியை துடைப்பதற்கு டூத் பேஸ்டை விட சிறந்தது ஒன்றுமில்லை. சிறிது பேஸ்ட் தடவி நன்றாக கழுவினால் பளிச்சென்று மாறிவிடும்.

- மங்கையர் மலர்

by **ஜாஹீதாபானு** Fri Jul 18, 2014 12:05 pm

பயனுள்ள தகவல் நன்றி தம்பி டூத் பேஸ்ட் 3838410834

by **மாணிக்கம் நடேசன்** Fri Jul 18, 2014 12:49 pm

மாமா அங்கள் பேச்ச கேட்டு நடந்தால் எல்லாம் சரியா நடக்கும்.

by **தமிழ்நேசன்1981** Fri Aug 29, 2014 10:18 pm

நல்ல தகவல்குறிப்புகள் அவசரத்துக்கு உதவும்..நன்றி சிவா அண்ணா...

by **விஸ்வாஜீ** Sat Aug 30, 2014 11:19 am

நல்ல பதிவு தல, பேஸ்ட்டுக்கு பின்னால் பச்சை,சிகப்பு,கருப்பு கலர்கள்
எதற்காக என கூறுங்கள் தல

by soplangi Sat Aug 30, 2014 1:27 pm

vishwajee wrote:நல்ல பதிவு தல, பேஸ்ட்டுக்கு பின்னால் பச்சை,சிகப்பு,கருப்பு கலர்கள்
எதற்காக என கூறுங்கள் தல

மேற்கோள் செய்த பதிவு: 1083658

டூத் பேஸ்ட் Color-stripes

by **Dr.S.Soundarapandian** Sat Aug 30, 2014 1:44 pm

மங்கையர் மலருக்கும் சிவாவுக்கும் நன்றி !

டூத் பேஸ்ட் 103459460

by உமேரா Sat Aug 30, 2014 1:59 pm

by பாலாஜி Sat Aug 30, 2014 2:08 pm

soplangi wrote:
vishwajee wrote:நல்ல பதிவு தல, பேஸ்ட்டுக்கு பின்னால் பச்சை,சிகப்பு,கருப்பு கலர்கள்
எதற்காக என கூறுங்கள் தல
மேற்கோள் செய்த பதிவு: 1083658

மேற்கோள் செய்த பதிவு: 1083694

சூப்பருங்க