6 வயது பள்ளிக்குழந்தை கற்பழிப்பு: பற்றி எரிகிறது பெங்களூரு நகரம்

பெங்களூரு: பெங்களூருவில் உள்ள ஒரு பள்ளியில் 6 வயது பள்ளிக் குழந்தை பாலியல் பலாத்காரத்திற்கு உட்படுத்தப்பட்ட சம்பவம் பெற்றோர் மத்தியில் பெரும் கொந்தளிப்பை ஏற்படுத்தி உள்ளது. நகரின் பல்வேறு இடங்களில், கற்பழித்த கயவர்கள் மீது நடவடிக்கை கோரி, பெற்றோர்கள் போராட்டத்தில் ஈடுபட்டு வருகின்றனர்.

பெங்களூரு நகரில் உள்ள விப்ஜியார் பள்ளியில் ஒன்றாம் வகுப்பு படித்து வந்த 6 வயது குழந்தையை, பள்ளி ஊழியர்கள் சிலரே கற்பழித்துள்ளனர். இந்த தகவல் கிடைத்ததும் பள்ளி முன் பெற்றோர்கள் குவிந்தனர். கூட்டம் திரளாக வந்ததை பார்த்து அச்சம் அடைந்த பள்ளி நிர்வாகம் அவசர அவசரமாக பள்ளி கதவுகளை பூட்டியது. இதையடுத்து, ஆத்திரம் அடைந்த பெற்றோர், கதவுகளை உடைத்துக் கொண்டு பள்ளி உள்ளே புகுந்து, நிர்வாகத்தினரை சந்திக்க வேண்டும் என்று கோரிக்கை விடுத்தனர்.

இது குறித்து பெற்றோர் சிலர் கூறுகையில், 'சில நாட்களுக்கு முன் இந்த கற்பழிப்பு சம்பவம் நடந்துள்ளது. இதை, நிர்வாகம் மறைத்து, குற்றவாளிகளை காப்பாற்றும் முயற்சியில் இறங்கி உள்ளது,' என்று புகார் கூறினர். மேலும், இந்த சம்பவம் குறித்து விசாரித்து வருவதாகவும், குற்றவாளிகள் யாராக இருந்தாலும் நடவடிக்கை எடுக்கப்படும் என்று போலீசார் உறுதி அளித்துள்ளதாகவும் பெற்றோர்கள் கூறினர்.

கற்பழிப்பு சம்பவம் குறித்து கருத்து தெரிவித்துள்ள பள்ளி நிறுவனர் ருஸ்தம் கேரவல்லா, 'துரதிஷ்டவசமாக இந்த சம்பவம் நடந்துள்ளது. இதில் சம்பந்தப்பட்டவர்களை தூக்கிலிட வேண்டும். நாங்கள் விசாரணை அதிகாரிகளுக்கு முழு ஒத்துழைப்பு கொடுத்து வருகிறோம், குற்றவாளிகளை அடையாளம் காண, சிசி டிவி காட்சிகளை போலீசாரிடம் ஒப்படைத்துள்ளோம். குழந்தைகள் பாதுகாப்பு விஷயத்தில் நாங்கள் சமரசம் செய்து கொள்வதாக இல்லை. இந்த விஷயத்தில் நீதி கிடைக்க வேண்டும் என்பதில் நாங்களும் உறுதியாக இருக்கிறோம். குற்றவாளிகள் நிச்சயம் தண்டிக்கப்படுவார்கள்,' என்றார்.

பெங்களூரு நகர கூடுதல் போலீஸ் கமிஷனர் கமல்பந்த் கூறுகையில், 'கற்பழிப்பு சம்பவம் பள்ளி வளாகத்திற்குள் தான் நடந்துள்ளது. போலீஸ் தேவையான நடவடிக்கை எடுத்து வருகிறது. இந்த சம்பவத்திற்கு பள்ளி நிர்வாகத்தின் அலட்சியமே காரணம் என்று போலீஸ் கருதுகிறது,' என்றார்.

இந்நிலையில், நகரில் உள்ள பெரும்பாலான பள்ளிகள், தங்கள் குழந்தைகளுக்கு எந்த பாதிப்பு ஏற்பட்டாலும் பள்ளி நிர்வாகத்திற்கு பொறுப்பில்லை என்று கோரும் ஒரு விண்ணப்பத்தில், பெற்றோர் கையெழுத்திட வேண்டும் என வற்புறுத்தின. இதனால் ஆத்திரமடைந்த பெற்றோர்கள், பள்ளிகளின் முன் கூடி ஆர்ப்பாட்டம் நடத்தினர். இதனால், ஒட்டு மொத்த பெங்களூரு நகரத்தில் பதற்றம் ஏற்பட்டுள்ளது.

இந்த பிசாசுகளை நடு ரோட்டில் வைத்து காறி துப்பி வெட்ட வேண்டியதை வெட்டி, பின்னர் கல்லால் அடித்து கொல்ல வேண்டும்.

மீடியாக்கள் எங்க போச்சு ?

இது போன்ற ஆட்களை வெளிச்சமிட்டு காட்டவேண்டும். பிக்பாக்கெட் ஜாக்கிரதை என்று போட்டோ ஒட்டி ரயில்வே ஸ்டேஷனில் ஒட்டுவதை விட்டு இது போன்றோர்களின் போட்டோ ஒட்ட வேண்டும்.

ஈனப் பிறவிகள்  

பெங்களூரில் சிறுமியை கற்பழித்த காமுகனின் லேப்-டாப்பில் சிறுமிகள் கற்பழிப்பு வீடியோ

பெங்களூரில் உள்ள பிரபல பள்ளியில் கடந்த திங்களன்று அடையாளம் தெரியாத நபர் 6 வயது மாணவியை கற்பழித்த சம்பவம் அங்கு பெரும் பரபரப்பை ஏற்படுத்தியது. அப்பெண்ணின் பெற்றோர் உள்பட பலர் பள்ளியை முற்றுகையிட்டு கடந்த மூன்று நாட்களாக போராட்டம் நடத்தினர்.

இந்நிலையில் மூன்றாவது நாளான இன்று பெங்களூர் நகர காவல் ஆணையரை முற்றுகையிட்டு பெற்றோர்கள் போராட்டம் நடத்தினர். நிலைமை மேலும் மேலும் சிக்கிலாவதை உணர்ந்த போலீசார் மாணவியை கற்பழித்த ஸ்கேட்டிங் பயிற்சியாளரான முஸ்தபா என்ற முன்னாவை கைது செய்தனர். பீகாரை சேர்ந்த 32 வயதான முன்னா கடந்த 20 வருடங்களாக அப்பள்ளியில் வேலை செய்து வருவதாக பெங்களூர் போலீஸ் கமிஷனரான ராகவேந்திர ஆராட்கர் கூறினார்.

அவனிடமிருந்து லேப்-டாப் மற்றும் மொபைல் போன் ஆகியவை கைப்பற்றப்பட்டன. அவையிரண்டிலும் ஆபாச படங்கள் காணப்பட்டதாகவும், குறிப்பாக லேப்-டாப்பில் இண்டர்நெட்டில் டவுன்லோடு செய்யப்பட்ட பள்ளிக்குழந்தைகள் கற்பழிக்கப்படும் காட்சிகள் உள்ளதாக காவல்துறையினர் தெரிவித்துள்ளனர். இதனால் சிறுமியை முன்னா தான் கற்பழித்தான் என்பது உறுதி செய்யப்பட்டுள்ளது. நாளை நீதிமன்றத்தில் ஆஜர்படுத்தப்பட்டு போலீஸ் காவலில் அவனை எடுத்து விசாரித்தால் மேலும் பல உண்மைகள் வெளியாகக்கூடும் என்று எதிர்பார்க்கப்படுகிறது.

இந்த கயவனை அடித்தே கொள்ள வேண்டும்.!

6 வயது சிறுமி பலாத்காரம் செய்யப்பட்ட சம்பவத்தில் திடுக்கிடும் திருப்பம்

பெங்களூர்: பெங்களூர் தனியார் பள்ளியில் 6 வயது சிறுமி பலாத்காரம் செய்யப்பட்ட சம்பவத்தில் திடுக்கிடும் திருப்பம் ஏற்பட்டுள்ளது. சிறுமியை பலாத்காரம் செய்ததாக கைது செய்யப்பட்டுள்ள பள்ளியின் ஸ்கேட்டிங் பயிற்சியாளர் முஸ்தப்பா அதே பள்ளியில் படிக்கும் மேலும் 4 சிறுமிகளை பலாத்காரம் செய்திருப்பதாக புகார் எழுந்துள்ளது. இதற்கு முன் பணிபுரிந்த பள்ளியிலும் சிறுமிகளிடம் அத்துமீறி நடந்த அவன் சிறுமிகளை புகைப்படம் எடுப்பதையும் வாடிக்கையாக கொண்டிருந்தது தெரியவந்துள்ளது முஸ்தப்பாவிடம் இருந்து கைப்பற்றப்பட்ட லேப்டாப்பில் பள்ளி சீருடை அணிந்த குழந்தைகள் பாலியல் வன்கொடுமைக்கு உள்ளாக்கப்படுவது போன்ற ஏராளமான காட்சிகளும் பதிவாகியிருப்பது போலீசாரை அதிர்ச்சி அடைய வைத்துள்ளது. மாத சம்பளமாக ரூ.18,000 பெரும் முஸ்தப்பா விலை உயர்ந்த செல்போன்கள், லேப்டாப்கள் என ஏராளமான பொருட்களை வாங்கி குவித்திருப்பதால் குழந்தைகளை வன்கொடுமை செய்து ஆபாச படம் எடுக்கும் கும்பலுடன் அவனுக்கு தொடர்பு உள்ளதா என போலீசார் விசாரணை நடத்தி வருகின்றனர்.

இதனிடையே சம்பவம் நடந்த பள்ளி முன்பு பாரதிய ஜனதாவின் மாணவர் அணி ஏ.பி.வி.பி அமைப்பை சேர்ந்தவர்கள் ஆர்பாட்டத்தில் ஈடுபட்டனர். தடுப்புகளை தாண்டி பள்ளி வளாகத்திற்குள் நுழைய முயன்ற அவர்களை போலீசார் தடுத்து நிறுத்தியதால் தள்ளுமுள்ளு ஏற்பட்டது, இதனால் போலீசார் தடியடி நடத்தி மாணவர்களை விரட்டினர். பலாத்கார சம்பவத்தில் பள்ளி காலவரையின்றி மூடப்பட்டுள்ளதால் அப்பள்ளியில் படிக்கும் மாணவர்களின் கல்வி பாதிக்கப்பட்டுள்ளதாக பெற்றோர்கள் கவலை தெரிவித்துள்ளனர். பள்ளிக்கூடத்தின் அங்கீகாரத்தை ரத்து செய்வது மட்டும் தீர்வாகாது எனக் கூறியுள்ள அவர்கள் பள்ளி நிர்வாகிகள் மீதும் கடுமையான நடவடிக்கை எடுக்க வேண்டும் என்று வலியுறுத்தியுள்ளனர்.

இவர்களையெல்லாம் ஓட விட்டு கொளுத்தனும்