முதல்வரின் வார்த்தைக்கு மதிப்பளித்து வேட்டிக்கான தடையை விலக்க தயார்: சீனிவாசன் :))

சென்னை : தமிழக முதல்வர் ஜெயலலிதாவின் வார்த்தைக்கு மதிப்பளித்து தமிழக கிரிக்கெட் கிளப் வளாகத்திற்குள் வேட்டி அணிந்து வருவதற்கு விதிக்கப்பட்டுள்ள தடையை விலக்கிக் கொள்ள தயாராக இருப்பதாக சர்வதேச கிரிக்கெட் சங்க தலைவர் சீனிவாசன் அறிவித்துள்ளார். சென்னையில் செய்தியாளர்களிடம் பேசிய அவர் இவ்வாறு தெரிவித்துள்ளார்.

தமிழக கிரிக்கெட் சங்க கிளப்பிற்குள் வேட்டி அணிந்து சென்ற சென்னை ஐகோர்ட் நீதிபதி ஹரிபரந்தாமனுக்கு கடந்த வாரம் அனுமதி அளிக்க மறுத்தது. இது நாடு முழுவதும் பெரும் சர்ச்சையை ஏற்படுத்தியது. மேலும் கிளப்பிற்கு வரும் உறுப்பினர்கள் அல்லது விருந்தினர்கள் பேண்ட், காலருடனான ஷர்ட் அல்லது டி-ஷர்ட் மற்றும் லெதர் ஷூக்களை மட்டுமே அணிந்து வர வேண்டும் என புதிய விதிமுறையை அறிவித்தது. இருப்பினும் தான் கிளப்பில் நடைபெறும்

புத்தக வெளியீட்டு விழாவில் கலந்து கொள்வதற்காகவே வந்துள்ளதாக நீதிபதி ஹரிபரந்தாமன் கூறியும் கிரிக்கெட் சங்கத்தினர் அவரை உள்ளே செல்ல அனுமதிக்கவில்லை. இதனால் அதிருப்தி அடைந்த நீதிபதி ஹரிபரந்தாமன், சுதந்திரம் அடைந்து 60 ஆண்டுகள் ஆன பின்னர் இப்படி ஒரு விதிமுறை கடைபிடிப்பதை தன்னால் ஏற்றுக் கொள்ள முடியவில்லை

எனவும், இது போன்றதொரு விதிமுறைகளை அவர்கள் சங்கத்தில் உள்ள உறுப்பினர்களுக்கு விதிக்கலாம். ஆனால் சிறப்பு அழைப்பின் பேரில் அழைப்பிதழுடன் வரும் விருந்தினர்களுக்கு கடைபிடிக்க வேண்டிய அவசியமில்லை என செய்தியாளர்களிடம் தெரிவித்தார்.

நீதிபதி ஹரிபரந்தாமனுக்கு வேட்டி அணிந்து செல்வதற்கு அனுமதி மறுக்கப்பட்டதற்கு தமிழக அரசியல் கட்சிகள் கடும் எதிர்ப்பும் கண்டனமும் தெரிவித்தன. இது தொடர்பாக தடையை எதிர்த்து சென்னை ஐகோர்ட்டில் மனு ஒன்றும் தாக்கல் செய்யப்பட்டது. இந்நிலையில் வேட்டி விவகாரம் தமிழக சட்டசபையிலும் எதிரொலித்தது. வேட்டி, தமிழர்களின் பாரம்பரிய உடை எனவும், அதற்கு தடை விதிப்பது முறையானது அல்ல எனவும் அவை உறுப்பினர்கள் தெரிவித்தனர். மானிய கோரிக்கை மீதான விவாதத்தின் போது விதிஎண் 110ன் கீழ் பேசிய முதல்வர் ஜெயலலிதா, சங்க வளாகத்திற்குள் வேட்டி அணிந்து செல்ல கூடாது என தடை விதிக்க தமிழகத்தில் உள்ள எந்தவொரு மனமகிழ் மன்றத்திற்கோ அல்லது சங்கத்திற்கோ உரிமை கிடையாது; அவ்வாறு தடை விதிக்கும் சங்கங்களின் உரிமங்கள் ரத்து செய்யப்படும்;

இது தொடர்பாக தமிழக சட்டசபையின் பட்ஜெட் கூட்டத்தொடர் முடிவடைவதற்குள் சட்ட வரைவு ஒன்று கொண்டு வரப்படும். இவ்வாறு முதல்வர் ஜெயலலிதா தெரிவித்தார். இதற்கு அனைத்து கட்சிகளும் ஆதரவும், பாராட்டும் தெரிவித்தன. திமுக உறுப்பினர் ஸ்டாலின் பேசுகையில், தமிழக கிரிக்கெட் கிளப் மட்டுமின்றி மேலும் பல தனியார் கிளப்புகளிலும் இது போன்ற தடை நடைமுறையில் உள்ளது எனவும், பிரிட்டிஷார் நாட்டை விட்டு சென்ற பிறகும் 67 ஆண்டுகளாக இன்னும் இது போன்ற விதிமுறைகள் மாற்றப்படாமல் உள்ளதாகவும் தெரிவித்தார்.

இந்நிலையில் சர்வதேச கிரிக்கெட் சங்க தலைவராக தேர்ந்தெடுக்கப்பட்டதற்காக தமிழக கிரிக்கெட் சங்கம் சார்பில் சீனிவாசனுக்கு நேற்று மாலை பாராட்டு விழா நடத்தப்பட்டது. இதில் பேசிய சீனிவாசன், முதல்வர் ஜெயலலிதாவின் அறிவுறுத்தலை ஏற்ற தயாராக உள்ளோம்; தமிழக கிரிக்கெட் சங்கம் எப்போதும் கட்டுப்பாடுகளின் படியே நடந்து வருகிறது;

இருப்பினும் சில சமயங்களில் இது போன்று நிகழ்வுகள் ஏற்படுகின்றன; இருப்பினும் முதல்வரின் வார்த்தைக்கு நாங்கள் மதிப்பளிப்போம்; அவரின் அறிவுறுத்தலை ஏற்று வேட்டி அணிந்து செல்வற்கு விதிக்கப்பட்டிருந்த தடையை விலக்கிக் கொள்ள தயாராக உள்ளோம். இவ்வாறு அவர் தெரிவித்துள்ளார்.

[thanks]தினமலர்[/thanks]

அட மதிப்பளித்து விளக்கிட்டாராமே

அம்மா உம்ம கோட்ட கழட்டி ஓட ஓட விரட்டிடுமைய்யா விரட்டிடும் - இது அம்மா ஆட்சி - உம்ம டம்மி கிரிக்கெட் போர்டு இல்ல

ஏற்கனவே பதிந்துள்ள எனது கவிதையினைப் படித்து பாருங்கள் நண்பர்களே..