பிரிக்ஸ் வங்கி - New Development Bank (NDB)

‘பிரிக்ஸ்’ எனப்படும் பிரேசில், ரஷியா, இந்தியா, சீனா மற்றும் தென்னாப்பிரிக்கா ஆகிய நாடுகளுக்கு தனி மூலதனத்துடன் பொது வங்கி அமைக்கப்பட வேண்டும் என்று பிரேசிலில் நடைபெற்று வரும் பிரிக்ஸ் மாநாட்டில் பிரதமர் நரேந்திர மோடி வலியுறுத்தி பேசினார்.

ஏற்கனவே, இவ்வமைப்பில் உள்ள இதர நாடுகளுக்கும் இதே எண்ணம் இருந்து வந்த நிலையில் 100 கோடி அமெரிக்க டாலர்களை ஆரம்ப முதலீடாக கொண்டு பிரிக்ஸ் மேம்பாட்டு வங்கியை தொடங்க இன்று முடிவு செய்யப்பட்டது.

இந்த வங்கியின் தலைமையகத்தை சீனாவில் அமைப்பது என்று ஒருமனதாக தீர்மானிக்கப்பட்டுள்ளது. இந்த வங்கியின் முதல் தலைவராக இந்தியாவும், முதல் ஆளுநர்கள் குழுவில் ரஷியாவும் இடம் பெறுகிறது.

பிரிக்ஸ் வங்கிக்கு பெயர் சூட்டிய நரேந்திர மோடி


போர்ட் எலிசா (பிரேசில்): இந்தியா, சீனா, பிரேசில், ரஷ்யா மற்றும் தென் ஆப்ரிக்கா ஆகிய 5 நாடுகள் (பிரிக்ஸ்) இணைந்து உருவாக்கியுள்ள வங்கிக்கு பிரதமர் நரேந்திர மோடி பரிந்துரை செய்த பிரிக்ஸ் புதிய வளர்ச்சி வங்கி என பெயர் சூட்டப்பட்டுள்ளது.பிரேசிலில் நடந்த 6வது பிரிக்ஸ் நாடுகள் உச்சி மாநாட்டின் ஒரு பகுதியாக, 100 பில்லியன் டாலர் முதலீட்டில் புதிய வளர்ச்சி வங்கி உருவாக்கப்பட்டுள்ளது. சர்வதேச அளவில் அமெரிக்கர்களும், ஐரோப்பியர்களும் மட்டுமே ஆதிக்கம் செலுத்தி வரும் பொருளாதார சூழ்நிலைகளில் மாற்றம் கொண்டு வரும் வகையில், இந்த புதிய வங்கி உருவாக்கப்பட்டுள்ளதாக பொருளாதார வல்லுநர்கள் தெரிவித்துள்ளனர். வளரும் நாடுகளில் உள்கட்டமைப்பு வசதிகளை மேம்படுத்த உதவும் நோக்கில் இந்த வளர்ச்சி வங்கி துவக்கப்பட்டுள்ளது. இந்த வங்கியின் தலைமையகம் சீனாவின் வர்த்தக நகரான ஷாங்காயில் இருந்து செயல்படும். வங்கியின் செயலாக்கம் முதல் 6 ஆண்டுகளுக்கு இந்தியாவின் வசம் இருக்கும். தொடர்ந்து பிரேசில், ரஷ்யா என மற்ற நாடுகள் இதன் செயலாக்கத்தை தலா 5 ஆண்டுகள் கவனிக்கும்.

முன்னதாக, இந்த வங்கியை துவங்குவது தொடர்பாக பிரிக்ஸ் நாடுகளிடையே ஒருமித்த கருத்து ஏற்படுவதில் சில சிக்கல்கள் இருந்தன. குறிப்பாக, உலகின் 2 வது பெரிய பொருளாதார நாடு என்ற அடிப்படையில் அதிக பணத்தை முதலீடு செய்வதுடன், வங்கியின் அதிக அதிகாரத்தை தங்களுக்கே தரவேண்டும் என சீனா அடம்பிடித்தது. எனினும் இந்தியா மற்றும் பிரேசில் உள்ளிட்ட நாடுகளின் எதிர்ப்பு காரணமாக, தனது பிடிவாதத்தை கைவிட்ட சீனா, தற்போது 5 நாடுகளும் சம அளவிலான தொகையை வங்கியில் முதலீடு செய்ய ஒப்புக்கொண்டுள்ளது.

பிரிக்ஸ் நாடுகளின் மாநாட்டில் இது தொடர்பாக பேசிய பிரதமர் நரேந்திர மோடி, கடந்த 2012ம் ஆண்டு டில்லியில் நடந்த வளர்ச்சி வங்கி துவங்குவது தொடர்பான நடைமுறைகள் விரைவுபடுத்தப்பட்டு, தற்போது வங்கி துவக்கப்பட்டுள்ளது தனக்கு மிகவும் மகிழ்ச்சி அளிப்பதாக தெரிவித்துள்ளார். மேலும் இந்த வங்கிக்கு பிரிக்ஸ் புதிய வளர்ச்சி வங்கி என பெயரிடுமாறு மோடி தெரிவித்த யோசனை ஏற்கப்பட்டு, அதன்படி புதிய வளர்ச்சி வங்கி என பெயரிடப்பட்டுள்ளது குறிப்பிடத்தக்கது.