ரூ. 2 லடசத்தில் எடுக்கபட்டு வெறறி பெற்ற ராம்கோபால்வர்மாவின் ஐஸ்கிரீம்

செல்வமூர்த்தி · 07/06/2014

ராம்கோபால் வர்மா இயக்கத்தில் கடந்த வெள்ளியன்று ஆந்திராவில் வெளியான "ஐஸ்க்ரீம்" திரைப்படம் வசூலில் சக்கைபோடு போட்டுக்கொண்டிருக்கும் நேரத்தில் இந்த படத்தின் பட்ஜெட் குறித்து இயக்குனர் ராம்கோபால் வர்மா நேற்று பேட்டியளித்தார். இந்த படத்தின் மொத்த பட்ஜெட் வெறும் ரூ.2 லட்சம் மட்டுமே என்று அவர் கூறிய தகவலை கேட்டு அனைவரும் அதிர்ச்சி அடைந்தனர்.

ராம்கோபால் வர்மா கூறியபோது, "சஸ்பென்ஸ், த்ரில், காமெடி மற்றும் காதல் காட்சிகள் அடங்கிய இந்த "ஐஸ்க்ரீம்:" திரைப்படத்தின் பட்ஜெட் ரூ.2,11,832 ஆகும். இந்த படத்தில் நடித்த நவ்திப், தேஜஸ்வி, சந்தீப்தி உள்பட எந்த நடிகர், நடிகைகளுக்கும் சம்பளம் கொடுக்கப்படவில்லை. உடைகள் கூட நடிகர்களே அவர்களது வீட்டில் இருந்துதான் எடுத்துக்கொண்டு வந்தார்கள். நடிகர்களை போலவே அனைத்து தொழில்நுட்ப கலைஞர்களுக்கும் சம்பளம் கொடுக்கப்படவில்லை.

இந்த படத்திற்காக செலவு செய்தது ஒரே ஒரு வீட்டை நாங்கள் வாடகைக்கு எடுத்தவகையில் ஆன செலவுதான். மிக சாதாரண கேமிராவை கொண்டு, எந்த ஒரு லைட்டிங்ஸ் எபெக்ட் இன்றி எடுக்கப்பட்டதுதான் இந்த திரைப்படம். படம் முடிவடைந்ததும் ஒரே ஒரு நபர் கம்ப்யூட்டரில் சில தொழில்நுட்ப வேலைகள் செய்தார்.

தற்போது இந்த படம் வெற்றி பெற்று மாபெரும் வசூலை குவித்து வருவதால் இந்த படத்திற்கு ஒத்துழைப்பு கொடுத்த அனைவருக்கும் கைநிறைய சம்பளம் கொடுக்க முடிவு செய்யப்பட்டுள்ளது. இந்த படத்தின் வெற்றி விழாவில் இந்த படத்தில் நடித்த நடிகர், நடிகைகளுக்கும் தொழில்நுட்ப கலைஞர்களுக்கு சம்பளம் கொடுக்கப்படும் என்று கூறியுள்ளார். யூடியூபில் பதிவு செய்ய ஒரு குறும்படம் எடுப்பதற்கே லட்சக்கணக்கில் செலவு செய்ய வேண்டிய நிலையில் உள்ள இந்த காலத்தில் வெறும் இரண்டு லட்ச ரூபாய் பட்ஜெட்டில் ஒரு முழு நீள திரைப்படத்தை எடுத்து ரிலீஸ் செய்து சாதனை செய்த ராம்கோபால் வர்மாவை ஆந்திர சினிமாயுலக பிரமுகர்கள் பாராட்டி வருகின்றனர்.

ரூ. 2 லடசத்தில் எடுக்கபட்டு வெறறி பெற்ற ராம்கோபால்வர்மாவின் ஐஸ்கிரீம்

ரூ. 2 லடசத்தில் எடுக்கபட்டு வெறறி பெற்ற ராம்கோபால்வர்மாவின் ஐஸ்கிரீம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக