ஆபரேஷன் பண்ணிக்கிறவருக்கு ரோஜாப்பூ மாலை...!

by **ayyasamy ram** Tue Jul 15, 2014 10:00 am

-
"அவரு ஏன் தேர்தல்ல நிக்கறாரு?''

"நாற்காலியில உட்காரத்தான்!''
-
-------------------------------
-
"நம்ம பையன் தொடர்ந்து பரீட்சையிலே
முட்டை வாங்கி வர்றானே?''
-
"நீங்க தொடர்கதை எழுதரவங்க! உங்க மாதிரிதானே
உங்க பையனும் இருப்பான்?''
-
-----------------------------------------
-
"எங்க டாக்டர், பேஷன்ட் ஆபரேஷன் தியேட்டருக்கு
போவதற்கு முன்னதாகவே ரோஜாப்பூ மாலையைக்
கழுத்திலே போட்டுடுவார்!''
-
-------------------------------------
-
"இந்தப் புலி ரொம்ப அழகா இருக்கு!''
-
""நான் சுட்ட புலி சம்பந்தி! வைக்கோலை அடச்சு
வச்சிருக்கேன்!''
-
"குட்டி போட்டா ஒண்ணு குடுங்க!''
-
"இது எப்படி சம்பந்தி குட்டி போடும்?''
-
"அட, போட்டா ஒண்ணு குடுய்யா?''
-
-------------------------------------
-
"அப்பா! நம்ம நெலத்தை ஏலம் போடறாங்க!''
-
"அட போடா! நெல்லு போட்டேன் விளையல,
கொள்ளு போட்டேன் விளையல, ஏலம் போட்டா
விளையப் போவுது?''
-
----------------------------------------
-
"ஏம்பா? நீ பசுமாட்டைத் திருடினதா கம்ப்ளைண்ட்
குடுத்திருக்கிறாரே!''

"எஜமான் நான் ஒரு பாவமும் அறியேனுங்க!
நான் ஒரு முழம் கயித்தை திருடினேனுங்க! அதன்
நுனியிலே ஒரு பசுமாடு இருந்ததை நான்
கவனிக்கலேங்க!''
-
-----------------------------------------
-
திருடன் முதன்முதலில் தன் பிள்ளையை ரயிலேற்றி
விடும்போது:
-
"எதுவும் ஆபத்துன்னா செயினைப் புடுச்சி இழு!''
-
""யாரு கழுத்துல கெடக்கிற செயினை அப்பா?''
-
---------------------------------------
-
"ரூபாய் பத்தாயிரம் கொடுத்து இரண்டு வருஷம்
ஆவுது! எப்பதான் குடுக்கப் போறீங்க?''
-
"அதற்குத்தான் புளியாங்கொட்டை போட்டிருக்கேன்.
முதல் புளி உங்களுக்குத்தான்...''
-
"அது சரி! ராமசாமிகிட்டே வாங்கிய முப்பதாயிரம்?''
-
"ஏன் பேசமாட்டீங்க? உங்க கடனுக்குதான் வழி
பொறந்திடுச்சே!''
-
-------------------------------------
--தாமரை (தினமணி)