2014 காமன்வெல்த் போட்டிகள்

**சிவா** · **சிவா** Sat Jul 12, 2014 1:55 am

First topic message reminder :

2014 காமன்வெல்த் போட்டிக்கு 224 விளையாட்டு வீரர்களை களமிறக்குகிறது இந்தியா

2014 காமன்வெல்த் போட்டிகள் - Page 4 Glasgow2014CommonwealthGames

2014 காமன்வெல்த் போட்டிகள் வரும் 23 ஆம் தேதி முதல் ஆகஸ்டு 3 வரை கிளாஸ்கோவில் நடைபெற உள்ளது.

இந்த போட்டிக்கு 14 வெவ்வேறு விளையாட்டுக்களில் இருந்து 224 இந்திய விளையாட்டு வீரர்களை அரசின் சொந்த செலவில் அனுப்ப விளையாட்டு அமைச்சகம் அனுமதியளித்துள்ளது.

கிளாஸ்கோ காமன்வெல்த் போட்டியில் 17 விளையாட்டுகள் அடங்கிய 261 பதக்கங்கள் உள்ளன. ஆனால், இந்தியாவிலிருந்து நெட்பால், ரக்பி செவன்ஸ் மற்றும் ட்ரையத்லான் விளையாட்டுகளுக்கு மட்டும் வீரர்கள் தேர்வு செய்யப்படவில்லை.

இந்திய வீரர்களுக்கு பிரபல பால் உற்பத்தி நிறுவனமான 'அமுல்' ரூ.1 கோடி ஸ்பான்சர் செய்துள்ளது. சென்ற 2010 காமன்வெல்த் போட்டியில், இந்தியா 38 தங்கப் பதக்கம், 27 வெள்ளி பதக்கம், 36 வெண்கல பதக்கம் என மொத்தம் 101 பதக்கங்களை வென்றது குறிப்பிடத்தக்கது.

**சிவா** · **சிவா** Mon Jul 28, 2014 3:17 am

முஹம்மது ஆசாத் வெண்கல பதக்கம் வென்றார்

2014 காமன்வெல்த் விளையாட்டுப் போட்டிகள் ஸ்காட்லாந்தில் நடைபெற்று வருகின்றது. இன்று நடைபெற்ற துப்பாக்கி சுடுதல் போட்டியில் மகளிருக்கான டபுள் டிராப் பிரிவில் இந்திய வீராங்கனை ஸ்ரேயாஷி சிங் 92 புள்ளிகளுடன் வெள்ளிப்பதக்கத்தை தட்டிச்சென்றார்.

இதையடுத்து, கிளாஸ்கோவில் உள்ள பேரி பட்டன் மையத்தில் நடந்த ஆண்களுக்கான டபுள் டிராப் சூட்டிங் பிரிவில் இந்திய வீரர் முஹமது ஆசாப் மற்றும் அன்கூர் மிட்டல் அரையிறுதில் போட்டியிட்டனர்.

இதையடுத்து நடந்த இறுதிப்போட்டியில் முஹமது ஆசாப் மால்டாவின் நாதன் சூரப்பை எதிர்த்து போட்டியிட்டார் அதில் ஆசாப் அதிக புள்ளிகள் பெற்று வெண்கல பதக்கத்தை தட்டிச்சென்றார். இதன்மூலம் இந்தியாவின் பதக்கங்களின் எண்ணிக்கை 19 ஆக உயர்ந்தது. தொடர்ந்து துப்பாக்கி சுடுதல் போட்டியில் இந்திய வீரர்கள் அசத்தி வருவது குறிப்பிடத்தக்கது.

**சிவா** · **சிவா** Mon Jul 28, 2014 3:18 am

10 மீ. ஏர் ரைபிள்: இந்தியாவுக்கு 2 பதக்கங்கள்

காமன்வெல்த் துப்பாக்கி சுடுதல் போட்டியின் 10 மீ. ஏர் ரைபிள் பிரிவில் இந்தியாவுக்கு ஒரு தங்கம், ஒரு வெள்ளி என இரு பதக்கங்கள் கிடைத்தன.

இந்தியாவின் அபூர்வி சான்டிலா தங்கப் பதக்கமும், அயோனிகா பால் வெள்ளிப் பதக்கமும் வென்றனர். அபூர்வி சான்டிலா 206.7 புள்ளிகளுடன் தங்கப் பதக்கத்தை வென்றதோடு மட்டுமல்லாமல், புதிய காமன்வெல்த் சாதனையையும் படைத்துள்ளார். அயோனிகா பால் 204.9 புள்ளிகளுடன் 2-வது இடத்தைப் பிடித்தார்.

தகுதிச்சுற்றில் 415.6 புள்ளிகளுடன் முதலிடத்தைப் பிடித்த சான்டிலா, இறுதிச்சுற்றில் ஒவ்வொரு ரவுண்டி லும் சராசரியாக 10.2 புள்ளிகள் முதல் 10.7 புள்ளிகள் வரை பெற்றார். அயோனிகா முதல் 10 ரவுண்டுகள் வரை பதக்கம் வெல்வதற்கான போட்டியிலேயே இல்லை. ஆனால் அடுத்த 10 ரவுண்டுகளில் அபாரமாக செயல்பட்ட அயோனிகா, வெள்ளிப் பதக்கத்தைத் தட்டிச் சென்றார். இதே பிரிவில் மலேசியாவின் முகமது தைபி 184.4 புள்ளிகளுடன் வெண் கலப் பதக்கம் வென்றார்.

**சிவா** · **சிவா** Mon Jul 28, 2014 3:19 am

காமன்வெல்த் போட்டி: 5 தங்கம் வென்ற கனடா வீராங்கனை

காமன்வெல்த் போட்டியின் ஜிம்னாஸ்டிக் ரித்மிக் பிரிவில் கனடா வீராங்கனை பேட்ரிசியா பெஸாவ்பெங்கோ 5 தங்கப் பதக்கங்களைக் குவித்துள்ளார்.

ஜிம்னாஸ்டிக் அணி பிரிவில் 2 தங்கப் பதக்கங்களை வென்ற பேட்ரிசியா, கிளப் பிரிவு, பால் மற்றும் ஹூப் தனிநபர் பிரிவுகளில் 3 தங்கப் பதக்கங்களைக் கைப்பற்றியுள்ளார். இதுதவிர ரிப்பன் பிரிவு ஜிம்னாஸ்டிக்கில் ஒரு வெண்கலப் பதக்கத்தையும் வென்றுள்ளார்.

ஒருவேளை ரிப்பன் பிரிவில் பேட்ரிசியா தங்கப் பதக்கம் வென்றிருந்தால், காமன் வெல்த் போட்டியில் அதிக தங்கப் பதக்கம் (6 பதக்கம்) வென்றவரான சகநாட்டு ஜிம்னாஸ்டிக் வீராங்கனை அலெக்சாண்ட்ரா ஆர்லேன்டோ வின் சாதனையை சமன் செய்திருப்பார்.

**சிவா** · **சிவா** Mon Jul 28, 2014 3:21 am

பதக்கம் வென்ற இந்திய வீரர்களுக்கு ஜனாதிபதி பிரனாப் முகர்ஜி வாழ்த்து

கிளாஸ்கோவில் நடந்து வரும் காமன்வெல்த் போட்டியில் இந்திய வீரர், வீராங்கனைகள் பதக்கங்களை குவித்து வரும் நிலையில் ஜனாதிபதி பிரனாப் முகர்ஜி அவர்களுக்கு வாழ்த்துக்களை தெரிவித்துள்ளார்.

இதுகுறித்த வாழ்த்துச் செய்தியில், காமன்வெல்த் போட்டியில் பதக்கங்களை வென்று இந்தியாவுக்கு பெருமை சேர்த்த ராகி செர்னாபாட், அனிஷா செய்யது, அபூர்வி சந்தெலா, அயோனிகா பால், ராஜ்வீந்தர் கவுர், பிரகாஷ் நஞ்சப்பா, ஓம்கார் ஒட்டாரி ஆகியோருக்கு எனது மனமார்ந்த வாழ்த்துக்கள்! இது ஒரு மிகச்சிறந்த சாதனை. உலக அரங்கில் இந்தியாவுக்கு பெருமை சேர்த்துள்ளீர்கள். உங்கள் எதிர்காலம் சிறப்பாக அமைய எனது வாழ்த்துக்கள் என்று குறிப்பிடப்பட்டுள்ளது.

இதுவரை இந்தியா 5 தங்கப்பதக்கங்கள், 8 வெள்ளி, 6 வெண்கல பதக்கங்கள் என மொத்தம் 19 பதக்கங்களுடன் பட்டியலில் 5-வது இடத்தில் உள்ளது.

**சிவா** · **சிவா** Mon Jul 28, 2014 3:49 am

இந்தியாவுக்கு 6வது தங்கம் - சதீஷ் சிவலிங்கம் தங்கப் பதக்கம் வென்றுள்ளார்

20-வது காமன்வெல்த் விளையாட்டுப் போட்டியில் 77 கிலோ ஆண்கள் பிரிவிற்கான பளு தூக்கும் போட்டியில் இந்திய வீரர் சதீஷ் சிவலிங்கம் தங்கப் பதக்கம் வென்றுள்ளார். இதே போட்டியில் இந்தியாவை சேர்ந்த மற்றொரு வீரரான ரவி கட்டுலு வெள்ளிப் பதக்கத்தை வென்றார். இதன் மூலம் பளு தூக்கும் போட்டியில் மட்டும் இந்திய அணி ஒன்பதாவது பதக்கத்தை வென்றுள்ளது.

இந்திய அணி இதுவரை 6 தங்கப் பதக்கங்களையும், 9 வெள்ளிப் பதக்கங்களையும், 7 வெண்கலப் பதக்கங்களையும் வென்று மொத்தம் 20 பதக்கங்களை கைப்பற்றி பதக்கப் பட்டியலில் ஐந்தாவது இடத்தில் உள்ளது.

பாலாஜி · பாலாஜி Mon Jul 28, 2014 12:28 pm

வாழ்த்துகள் சதீஷ் சிவலிங்கம் மகிழ்ச்சி

**Dr.S.Soundarapandian** · **Dr.S.Soundarapandian** Mon Jul 28, 2014 1:14 pm

ஈகரையன் · ஈகரையன் Mon Jul 28, 2014 1:35 pm

சபாஷ் சதீஷ்

ஈகரையன் · ஈகரையன் Mon Jul 28, 2014 5:28 pm

கிளாஸ்கோ: காமன்வெல்த் விளையாட்டு போட்டிகளில் 50 மீட்டர் ஏர் பிஸ்டல் துப்பாக்கி சுடுதல் பிரிவில் இந்தியாவின் ஜித்து ராய் தங்க பதக்கத்தை வென்றார். இதே பிரிவில் குர்பால்சிங் வௌ்ளி பதக்கம் பெற்றார். இந்தியாவிற்கு இது 7வது தங்க பதக்கமாகும்.

**ayyasamy ram** · **ayyasamy ram** Mon Jul 28, 2014 7:26 pm

ஐந்தாம் இடத்தில் இருந்து நான்காம் இடத்திற்கு
இந்தியா முன்னேறியுள்ளது.
-

Sponsored content · Sponsored content

2014 காமன்வெல்த் போட்டிகள்

2014 காமன்வெல்த் போட்டிகள்

Re: 2014 காமன்வெல்த் போட்டிகள்

Re: 2014 காமன்வெல்த் போட்டிகள்

Re: 2014 காமன்வெல்த் போட்டிகள்

Re: 2014 காமன்வெல்த் போட்டிகள்

Re: 2014 காமன்வெல்த் போட்டிகள்

Re: 2014 காமன்வெல்த் போட்டிகள்

Re: 2014 காமன்வெல்த் போட்டிகள்

Re: 2014 காமன்வெல்த் போட்டிகள்

Re: 2014 காமன்வெல்த் போட்டிகள்

Re: 2014 காமன்வெல்த் போட்டிகள்

Re: 2014 காமன்வெல்த் போட்டிகள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக