2014 காமன்வெல்த் போட்டிகள்

**சிவா** · **சிவா** Sat Jul 12, 2014 1:55 am

First topic message reminder :

2014 காமன்வெல்த் போட்டிக்கு 224 விளையாட்டு வீரர்களை களமிறக்குகிறது இந்தியா

2014 காமன்வெல்த் போட்டிகள் - Page 3 Glasgow2014CommonwealthGames

2014 காமன்வெல்த் போட்டிகள் வரும் 23 ஆம் தேதி முதல் ஆகஸ்டு 3 வரை கிளாஸ்கோவில் நடைபெற உள்ளது.

இந்த போட்டிக்கு 14 வெவ்வேறு விளையாட்டுக்களில் இருந்து 224 இந்திய விளையாட்டு வீரர்களை அரசின் சொந்த செலவில் அனுப்ப விளையாட்டு அமைச்சகம் அனுமதியளித்துள்ளது.

கிளாஸ்கோ காமன்வெல்த் போட்டியில் 17 விளையாட்டுகள் அடங்கிய 261 பதக்கங்கள் உள்ளன. ஆனால், இந்தியாவிலிருந்து நெட்பால், ரக்பி செவன்ஸ் மற்றும் ட்ரையத்லான் விளையாட்டுகளுக்கு மட்டும் வீரர்கள் தேர்வு செய்யப்படவில்லை.

இந்திய வீரர்களுக்கு பிரபல பால் உற்பத்தி நிறுவனமான 'அமுல்' ரூ.1 கோடி ஸ்பான்சர் செய்துள்ளது. சென்ற 2010 காமன்வெல்த் போட்டியில், இந்தியா 38 தங்கப் பதக்கம், 27 வெள்ளி பதக்கம், 36 வெண்கல பதக்கம் என மொத்தம் 101 பதக்கங்களை வென்றது குறிப்பிடத்தக்கது.

**சிவா** · **சிவா** Sat Jul 26, 2014 1:22 am

காமன்வெல்த் போட்டியில் இந்தியாவுக்கு மேலும் ஒரு தங்கம்: அபினவ் பிந்த்ரா அசத்தல்

காமன்வெல்த் விளையாட்டுப் போட்டியில் இன்று நடைபெற்ற 10 மீட்டர் ஏர் ரைபிள் துப்பாக்கி சுடும் போட்டியில் இந்திய வீரர் அபினவ் பிந்த்ரா தங்கம் வென்றார். அபினவ் இறுதிச்சுற்றில் 205.3 புள்ளிகள் பெற்றார். 202.1 புள்ளிகள் பெற்ற வங்காளதேச வீரர் பாகி வெள்ளிப்பதக்கம் வென்றார். தங்கம் வென்ற அபினவ் பிந்த்ரா இது தனக்கு கடைசி காமன்வெல்த் போட்டி என்று கூறியது குறிப்பிடத்தக்கது.

இதன்மூலம் இந்தியாவுக்கு இன்று இரண்டு பதக்கங்கள் கிடைத்துள்ளன. 3 தங்கம், 4 வெள்ளி 2 வெண்கலம் என 9 பதக்கங்களை பெற்றுள்ள இந்தியா பதக்க பட்டியலில் 4-வது இடத்தில் நீடிக்கிறது.

17 பதக்கங்களுடன் இங்கிலாந்து முதலிடத்திலும், 15 பதக்கங்களுடன் ஆஸ்திரேலியா 2-வது இடத்திலும், 10 பதக்கங்களுடன் ஸ்காட்லாந்து 3-வது இடத்திலும் உள்ளன.

**சிவா** · **சிவா** Sat Jul 26, 2014 1:24 am

மகளிர் பளு தூக்கும் போட்டியில் இந்தியாவுக்கு மேலும் ஒரு பதக்கம்

காமன்வெல்த் விளையாட்டுப் போட்டியில் இன்று நடைபெற்ற மகளிருக்கான பளு தூக்கும் போட்டியில் இந்திய வீராங்கனை சந்தோஷி மட்சா வெண்கலப் பதக்கம் வென்றார்.

53 கிலோ பிரிவினருக்கான இந்த போட்டியில் பங்கேற்ற நைஜீரியாவை சேர்ந்த 16 வயது பள்ளி மாணவி சிக்கா அமலஹா 196 கிலோ எடையை தூக்கி தங்கப் பதக்கத்தையும், பப்புவா மற்றும் நியூ குனியா நாட்டை சேர்ந்த 2 குழந்தைக்கு தாயான டிக்கா டுவா 193 கிலோ எடையை தூக்கி வெள்ளிப் பதக்கத்தையும், இந்தியாவின் ஆந்திர மாநிலத்தை சேர்ந்த சந்தோஷி மட்சா(20) 188 கிலோ எடையை தூக்கி வெண்கலப் பதக்கத்தையும் வென்றனர்.

இதன்மூலம் இந்தியாவுக்கு இன்று இது வரை மூன்று பதக்கங்கள் கிடைத்துள்ளன. 3 தங்கம், 4 வெள்ளி, 3 வெண்கலம் என 10 பதக்கங்களை பெற்றுள்ள இந்தியா பதக்க பட்டியலில் 4-வது இடத்தில் நீடிக்கிறது.

**சிவா** · **சிவா** Sat Jul 26, 2014 1:25 am

துப்பாக்கி சுடும் போட்டியில் இந்திய வீராங்கனை மலைக்கா கோயல் வெள்ளி வென்றார்

காமன்வெல்த் விளையாட்டுப் போட்டியின் 2-வது நாளான இன்று இந்தியாவுக்கு மேலும் ஒரு வெள்ளிப் பதக்கம் கிடைத்துள்ளது.

பெண்களுக்கான 10 மீட்டர் ஏர் பிஸ்டல் துப்பாக்கி சுடும் போட்டியில் இந்தியாவின் முதல்நிலை வீராங்கனை ஹீனா சித்து, மலைக்கா கோயல் ஆகியோர் இறுதிச் சுற்றுக்கு முன்னேறினர். விறுவிறுப்பாக நடைபெற்ற இறுதிச்சுற்றில் மலைக்கா கோயல் இரண்டாவது இடத்தைப் பிடித்து வெள்ளிப் பதக்கம் வென்றார். ஹீனா சித்து 7-வது இடத்திற்கு பின்தங்கினார்.

இதேபோல் ஆண்களுக்கான 10 மீட்டர் ஏர் ரைபிள் இறுதிச்சுற்றில் அபினவ் பிந்த்ரா, ரவிக்குமார் ஆகியோர் இறுதிச்சுற்றுக்கு முன்னேறியுள்ளனர். இவர்களும் விரைவில் தங்கள் பதக்க வேட்டையை ஆரம்பிக்க உள்ளனர்.

முதல் நாளில் இந்தியாவுக்கு 7 பதக்கம் கிடைத்தது குறிப்பிடத்தக்கது.

**சிவா** · **சிவா** Sat Jul 26, 2014 1:26 am

இந்திய டேபிள் டென்னிஸ் அணிகள் அபாரம்

காமன்வெல்த் விளையாட்டுப்போட்டியின் இரண்டாவது நாளான இன்று இந்திய டேபிள் டென்னிஸ் அணிகள் அபாரமாக விளையாடி முன்னேறியிருக்கின்றன.

முதல் நாளில் நடைபெற்ற லீக் சுற்றில் வனுவாட்டு அணியை 3-0 என்ற கணக்கில் வீழ்த்திய இந்திய ஆடவர் அணி இன்று இரண்டாவது சுற்றில் கயானாவை 3-0 என்ற கணக்கில் வென்றது. ஒற்றையர் பிரிவில் அந்தோணி அமல்ராஜ் கயானா வீரர் ஷாமார் பிரிட்டனை 11-4, 11-3, 11-3 என்ற செட்கணக்கில் வீழ்த்தினார். மற்றொரு ஆட்டத்தில் இளம் வீரர் சவும்யஜித் கோஷ் 11-8, 11-5, 11-9 என்ற செட்கணக்கில் கிறிஸ்டோபர் பிராங்ளினை வென்றார்.

இரட்டையர் ஆட்டத்தில் சனில் சங்கர் ஷெட்டி-அமல்ராஜ் ஜோடி, பால் டேவிட்-பிராங்ளின் ஜோடியை 11-8, 11-6, 11-4 என்ற செட்கணக்கில் வீழ்த்தியது.

இதேபோல் இந்திய மகளிர் அணி 3-0 என்ற கணக்கில் கென்யாவை வென்றது. பலோமி கட்டாக், மனிகா பத்ரா ஆகியோர் ஒற்றையர் பிரிவுகளிலும், அங்கிதா தாஸ்-பலோமி கட்டாக் ஜோடி இரட்டையர் பிரிவிலும் வெற்றி பெற்றனர்.

**சிவா** · **சிவா** Sat Jul 26, 2014 1:28 am

இந்திய ஹாக்கி அணி லீக் ஆட்டத்தில் வெற்றி

காமன்வெல்த் விளையாட்டுப் போட்டியின் இரண்டாவது நாளான இன்று இந்திய ஆடவர் ஹாக்கி அணி வெற்றிக் கணக்கை இன்று தொடங்கியது. ஏ பிரிவில் இடம்பெற்றுள்ள இந்திய அணி இன்று நடைபெற்ற லீக் ஆட்டத்தில் வேல்ஸ் அணியை 3-1 என்ற கோல் கணக்கில் எளிதில் வென்றது.

உலகத் தரநிலையில் 9-வது இடத்தில் இருக்கும் இந்திய அணி, துவக்கம் முதலே பந்தை தனது கட்டுப்பாட்டில் வைத்திருந்தது. வேல்ஸ் வீரர்களின் தடுப்பாட்டத்தை தவிடுபொடியாக்கிய இந்திய வீரர்கள் காமன்வெல்த் போட்டியில் முதல் புள்ளியை பெற்றுள்ளனர்.

பெனால்டி கார்னர் வாய்ப்புகளில் இந்திய வீரர் ரகுநாத் (20-வது நிமிடம்), ரூபிந்தர் பால் சிங் (42-வது நிமிடம்) ஆகியோர் கோல் அடித்தனர். 47வது நிமிடத்தில் குர்வீந்தர் சிங் பீல்டுகோல் அடித்தார். வேல்ஸ் தரப்பில் ஆண்ட்ரூ கார்னிக் 23-வது நிமிடத்தில் பீல்டு கோல் அடித்து அணிக்கு ஆறுதல் அளித்தார்.

**சிவா** · **சிவா** Sat Jul 26, 2014 10:25 pm

கிளாஸ்கோ: காமன்வெல்த் போட்டிகளில் இன்று இந்தியாவுக்கு 3 பதக்கங்கள் கிடைத்துள்ளன. துப்பாக்கி சுடுதலில் மட்டும் இன்று இந்தியாவுக்கு 3 பதக்கங்கள் கிடைத்துள்ளது.

ஸ்காட்லாந்தில் உள்ள கிளாஸ்கோ நகரில் 20வது காமன்வெல்த் விளையாட்டு போட்டிகள் நடைபெறுகிறது. இந்த போட்டியில், இந்திய அணிக்கு பதக்க வேட்டையில் ஈடுபட்டுள்ளது. இரண்டாவதுநாள் முடிவில் இந்திய அணி 3 தங்கம், 4 வெள்ளி மற்றும் 3 வெண்கலம் என 10 பதக்கங்கள் பெற்று 5வது இடத்தில் இருந்தது.

மூன்றாம் நாளான இன்று இந்தியாவுக்கு ஒரு தங்கம் மற்றும் இரண்டு வெள்ளி என மேலும் 3 பதக்கங்கள் கிடைத்தது. ஆண்கள் பிரிவு 10 மீட்டர் ஏர் ரைபிள்பிரிவில் பிரகாஷ் நஞ்சப்பா,198.2 புள்ளிகளுடன் இரண்டாம் இடம் பிடித்து வெள்ளிப்பதக்கம் வென்றார். ஆஸ்திரேலியாவின் டேனியல் ரெபாசோலி தங்கப்பதக்கம் வென்றார். இங்கிலாந்தின் மைக்கேல் கால்ட் வெள்ளிப்பதக்கம் வென்றார்

பெண்களுக்கான 10 மீ., ஏர் ரைபிள் பிரிவு துப்பாக்கி சுடுதலில், இந்தியாவின் அபுர்வி சண்டேலா மற்றும் அயோனிகா பால் ஆகியோர் பங்கேற்றனர். இதில், சண்டேலா,206.7 புள்ளிகளுடன் முதலிடம் பிடித்து தங்கப்பதக்கம் வென்றார். அயோனிகா பால் 204.9 புள்ளிகளுடன் இரண்டாவது இடம் பிடித்து வெள்ளிப்பதக்கத்தை வென்றார்.

சண்டேலா தங்கப்பதக்கம் வென்றதன் மூலம், துப்பாக்கிசுடுதலில் இந்தியாவுக்கு 2வது தங்கம் கிடைத்துள்ளது. ஆண்களுக்கான 10 மீ., ஏர் ரைபிள் தனி நபர் பிரிவில் இந்தியாவின் அபினவ் பிந்த்ரா தங்கம் வென்றது குறிப்பிடத்தக்கது. மேலும் துப்பாக்கி சுடுதலில் இந்தியாவுக்கு 4 பதக்கங்கள் கிடைத்துள்ளது.

**சிவா** · **சிவா** Sat Jul 26, 2014 10:29 pm

2014 காமன்வெல்த் போட்டிகள் - Page 3 10552640_710420135697753_3393868518602291110_n

**சிவா** · **சிவா** Sat Jul 26, 2014 10:30 pm

2014 காமன்வெல்த் போட்டிகள் - Page 3 1620801_710420129031087_3667326828841945219_n

**சிவா** · **சிவா** Sat Jul 26, 2014 11:10 pm

ஹாக்கியில் இந்தியா அபார வெற்றி

கிளாஸ்கோ: காமன்வெல்த் போட்டிகளில் ஹாக்கியில் இந்திய அணியும், ஸ்காட்லாந்து அணியும் மோதின. இந்த போட்டியில் இந்திய அணி 6 - 2 என்ற கோல்கணக்கில் வெற்றி பெற்றது.

**சிவா** · **சிவா** Sat Jul 26, 2014 11:17 pm

துப்பாக்கி சுடுதலில் இந்தியாவுக்கு 5வது தங்கம்

கிளாஸ்கோ: காமன்வெல்த் போட்டியில், மகளிர் பிரிவு துப்பாக்கி சுடுதலில் 25 மீட்டர் பிஸ்டல் பிரிவில் இந்தியாவுக்கு தங்கம் மற்றும் வெள்ளிப்பதக்கம் கிடைத்துள்ளது. ராகி சொர்னாபாட், 8 புள்ளிகள் பெற்று தங்கப்பதக்கம் வென்றார். அனிசா சயத், 2 புள்ளிகள் பெற்று வெள்ளிப்பதக்கம் வென்றார்.

Sponsored content · Sponsored content

2014 காமன்வெல்த் போட்டிகள்

2014 காமன்வெல்த் போட்டிகள்

Re: 2014 காமன்வெல்த் போட்டிகள்

Re: 2014 காமன்வெல்த் போட்டிகள்

Re: 2014 காமன்வெல்த் போட்டிகள்

Re: 2014 காமன்வெல்த் போட்டிகள்

Re: 2014 காமன்வெல்த் போட்டிகள்

Re: 2014 காமன்வெல்த் போட்டிகள்

Re: 2014 காமன்வெல்த் போட்டிகள்

Re: 2014 காமன்வெல்த் போட்டிகள்

Re: 2014 காமன்வெல்த் போட்டிகள்

Re: 2014 காமன்வெல்த் போட்டிகள்

Re: 2014 காமன்வெல்த் போட்டிகள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக