வெங்காயம்..

**ayyasamy ram** · **ayyasamy ram** Sat 12 Jul 2014 - 14:16

-

செந்நிறம் பார்க்க அழகுடனே
சிரிப்பது போல தெரிந்திடுமாம்!
கண்ணீர் விடாத கண்களையும்
கண்ணீர் சொட்டிட வைத்திடுமாம்!
-
எந்தக் குழம்பாய் இருந்தாலும்
இதுவும் அதிலே கலந்திடுமாம்!
வெந்தயத்தோடு வதங்கியுமே
வெந்தே சுவையைத் தந்திடுமாம்!
-
கட்டித் தயிருடன் சோற்றுக்குக்
கடித்துத் தின்ன தனிச்சுவையாம்!
மட்டில் லாத நன்மைகளாம்
மருத்துவ குணமும் உள்ளதுவாம்!
-
உரித்தால் தோலும் வந்திடுமாம்
உரித்திட உரித்திடத் தோல் வருமாம்!
உரித்து முடித்துப் பார்த்தாலோ
ஒன்றுமில்லை, “வெங்காயம்’!
-
இருந்த தெல்லாம் உரிந்தபின்னே
ஏது மில்லா வெங்காயமாய்
இருப்போர் தம்மைப் போற்றிடுவோம்
எல்லாம் கொடுத்த கர்ணனென்றே!
-
—————————————
>புலேந்திரன் – சிறுவர் மணி