2020-ல் திரைக்கு வருகிறது உலகின் மிக நீ......ளமான திரைப்படம்!

உலகின் மிக நீளமான திரைப்படத்தை உருவாக்கிவருகிறார் ஸ்வீடனைச் சேர்ந்த ஆண்டர்ஸ் வெபெர்க் (Anders Weberg). 2020-ஆம் ஆண்டு டிசம்பர் 31-ஆம் தேதி திரையிடப்பட இருக்கும் இந்தப் படத்தின் பெயர் 'Ambiancé'. கடந்த வாரம் வெளியிடப்பட்ட இந்தப் படத்தின் டீஸருடைய நீளம் மட்டும் 72 நிமிடங்கள்! இந்த டீஸர் ஜூலை 20-ஆம் தேதி வரைதான் ஆன்லைனில் இருக்கும்.

தற்போது உலகில் திரையிடப்பட்ட நீளமான படமாக கருதப்படுவது 240 மணிநேரம், அதாவது 10 நாட்கள் தொடர்ந்து ஓடும்  'Modern Times Forever' என்ற திரைப்படம். ஆனால், ஆண்டர்ஸ் வெபெர்க்-ன் Ambiancé, தொடர்ந்து 720 மணிநேரம் ஓடக்கூடிய படம். அதாவது 30 நாட்கள். (ஆத்தாடி..!)

2016-ஆம் ஆண்டு இந்தப் படத்தின் டிரெய்லர் வெளியிட இருக்கிறாராம் ஆண்டர்ஸ் வெபெர்க். இதன் நீளம் 7 மணிநேரம், 20 நிமிடங்கள். 2018-ஆம் ஆண்டு தொடர்ந்து 72 மணிநேரம் ஓடக்கூடிய முழுநீள(!) டிரெய்லரை வெளியிடுகிறார் இவர். இன்றைய நிலவரப்படி 720 மணிநேரப் படத்தில், 280 மணிநேரத்துக்கான வேலைகள் முடிந்துவிட்டதாம். Ambiancé படத்திற்கு இசையமைத்திருப்பது ஜெர்மனியைச் சேர்ந்த Marsen Juhls என்ற கம்போஸர். 6 மாதங்களுக்கு முன், தன்னுடைய  21-வயது மகனான André, மருந்துகளை அதிகம் உட்கொண்டதால் ஓவர்டோஸ் ஆகி மரணமடைந்துவிட்டார். எனவே, அவருக்கு இந்தப் படத்தை அர்ப்பணிக்கிறார் ஆண்டர்ஸ் வெபெர்க். 'Nonlinear narrative' வகை படங்களுக்குள் வருகிறது இந்த Ambiance திரைப்படம். இந்தப் படத்துடன் தன்னுடைய 20 வருட (300 படங்கள்) கலை வாழ்க்கையை நிறுத்திக்கொள்ள இருப்பதாக ஆண்டர்ஸ் வெபெர்க் கூறியிருக்கிறார்.

ஆண்டர்ஸ் வெபெர்க்-தான் 'p2p-art' கான்செப்ட்டை உருவாக்கியவர். peer-to-peer கான்செப்ட்டை கலைகளுக்காக பயன்படுத்துகிறார் இவர்.  'p2p-art' கான்செப்ட்டின்படி, இவர் தான் உருவாக்கும் படத்தை, ஏதேனும் ஒரு Torrent வலைதளத்தில் பதிவேற்றிவிடுவார். அதை இன்னொருவர்  Torrent முறையில் பதிவிறக்கம் செய்ததுடன், படத்தின் முதல் ஒரிஜினல் பதிப்பை அழித்துவிடுவார்.  அதற்குப் பிறகு ஒவ்வொருத்தராக அதை பகிர பகிர அந்தத் திரைப்படம் வாழும். என்றாவது பகிர்தல் நின்றுவிட்டால், அதற்குப்பின் அந்தப் படம், இன்னொருவர் பகிர நினைக்கும்வரை இணையத்தில் கிடைக்காது. எனவே, படத்தின் 'மதிப்பைப்' பொறுத்தே அதன் வாழ்க்கை. ”There’s no original”

இதுவரை ஆண்டர்ஸ் வெபெர்க் 8 படங்களை, இந்த முறையில் பகிர்ந்திருக்கிறார். பகிர்தல் துவங்கியதும் ஒரிஜினலை அழித்துவிட்டார். இன்று அவரிடமே அவர் உருவாக்கிய படங்களின் காப்பி கிடையாது. உலகின் மிக நீளமான திரைப்படமாக வரவிருக்கும்  Ambiancé திரைப்படத்தையும், உலகம் முழுக்க ஒரே சமயத்தில், ஒரு ஒரு முறை மட்டுமே காட்டிவிட்டு, அதன் ஒரிஜினலை அழிக்க இருக்கிறார்  ஆண்டர்ஸ் வெபெர்க்.

Ambiance திரைப்படத்தைப் பற்றி ஆண்டர்ஸ் வெபெர்க், அவர் இணையதளத்தில் எழுதியிருப்பது இது. " In the piece Ambiancé space and time is intertwined into a surreal dream-like journey beyond places and is an abstract nonlinear narrative summary of the artist’s time spent with the moving image. A sort of memoir movie. (Film memoir)"

உலகின் மிக நீளமான திரைப்படம் - Ambiance -

[url=

Ambiancé - the 720 hour long film [short 72 min teaser] by Anders Weberg from Anders Weberg on Vimeo.

]video[/url]

விகடன்

படிக்கிறப்பயே தலைசுத்துதே............ எப்படிதான் அந்த படத்தை எடுக்குறாரோ...... வாழ்த்துகள் ஆண்டர்சன்..........

வித விதமா ரூம் போட்டு யோசிக்கறாங்கப்பா