கிழங்கு வகை சமையல்கள்!

by **சிவா** Tue Jul 08, 2014 4:50 pm

First topic message reminder :

உருளைக்கிழங்கு அல்வா

கிழங்கு வகை சமையல்கள்! - Page 3 P103

தேவையானவை: உருளைக்கிழங்கு பெரியதாக - 2, சர்க்கரை - அரை கப், நெய் - 4 டேபிள்ஸ்பூன், குங்குமப்பூ - 1 சிட்டிகை, பாதாம் எசன்ஸ் - 5 சொட்டு.

செய்முறை: உருளைக்கிழங்கை நன்கு வேகவைத்து, தோல் உரித்து, கட்டி இல்லாமல் கைகளால் பிசையவும். சர்க்கரையில் மூழ்கும் அளவு நீர் விட்டு அடுப்பை குறைந்த தணலில் வைத்துக் கொண்டு, கம்பிப்பாகாக காய்ச்சி, பிசைந்துள்ள கிழங்கையும் அதில் சேர்த்து அடிப்பிடிக்காமல் கிளறவும். கெட்டியானதும் சிறிது, சிறிதாக நெய்யை சேர்த்து கிளறி, கடைசியில் சிறிது குங்குமப்பூ சேர்க்கவும். பின்னர் சிறிது ஆறியதும் பாதாம் எசன்ஸ் விட்டு கிளறவும். இது பாதாம் அல்வாவின் ருசியைக் கொடுக்கும்.

by **சிவா** Tue Jul 08, 2014 5:11 pm

மினி ஆலு மசாலா

கிழங்கு வகை சமையல்கள்! - Page 3 P122

தேவையானவை:[noguest] சின்ன உருளைக்கிழங்கு - 12, பெரிய வெங்காயம் - 2, தக்காளி - 1, பட்டை - சிறிது, ஏலக்காய் - 1, கிராம்பு - 1 (மூன்றும் சேர்ந்து பொடித்தது) - கால் டீஸ்பூன், சீரகம் - அரை டீஸ்பூன், மஞ்சள்தூள் - 1 சிட்டிகை, வேகவைத்த சின்ன உருளை - 2, மிளகாய்தூள் - ஒன்றரை டீஸ்பூன், புளி - அரை நெல்லிக்காய் அளவு, உப்பு - தேவையான அளவு, எண்ணெய் - கால் டம்ளர், பொடித்த வெல்லம் - 2 டீஸ்பூன்.

செய்முறை: உருளைக்கிழங்கை வேகவைத்து தோலுரித்து இரண்டாக நறுக்கிக் கொள்ளவும். வெங்காயத்தையும், தக்காளியையும் பொடியாக நறுக்கவும். பட்டை, ஏலக்காய், கிராம்பு மூன்றையும் சேர்த்து பொடித்த பொடி, சீரகம், மஞ்சள்தூள், வேகவைத்த 2 உருளைக்கிழங்கு (தோல் உரித்தது), வெங்காயம் ஆகியவற்றை மிக்ஸியில் போட்டு அரைத்தெடுக்கவும். புளி + உப்பை 1 டம்ளர் தண்ணீர் சேர்த்து கரைத்து வடிகட்டி வெல்லம் சேர்த்து கரைக்கவும். வாணலியில் எண்ணெய் விட்டு சூடானதும் அரைத்த விழுதை சேர்த்து பச்சை வாடை போக வதக்கி, தக்காளியையும் சேர்த்து உருத்தெரியாமல் வதக்கவும். பின் மிளகாய்தூள் சேர்த்து 5 நிமிடங்கள் கிளறி பிறகு புளிக் கரைசலை விட்டு கொதிக்கவிடவும். வேகவைத்த கிழங்கை அத்துடன் சேர்த்து கிளறி சற்று கெட்டியானதும் இறக்கி, பொடியாக அரிந்த வெங்காயம் + மல்லித்தழை தூவி பரிமாறவும். இது சப்பாத்தி, பரோட்டா ஆகியவற்றுக்கு ஏற்ற சைட்-டிஷ் ஆகும்.[/noguest]

by **சிவா** Tue Jul 08, 2014 5:11 pm

உருளைக்கிழங்கு-தேங்காய்ப்பால் சொதி

கிழங்கு வகை சமையல்கள்! - Page 3 P123

தேவையானவை: [noguest]பெரிய உருளைக்கிழங்கு - 2, முருங்கைக்காய் (சிறியதாக) - 1, பச்சை மிளகாய் - 7, வறுத்த பாசிப்பருப்பு - கால் கப், தேங்காய் - 1 மூடி, எலுமிச்சம்பழம் - பாதி மூடி, மல்லித்தழை நறுக்கியது - 3 டீஸ்பூன், இஞ்சி - சிறு துண்டு, சீரகம் - அரை டீஸ்பூன், உப்பு - ருசிக்கேற்ப.

தாளிக்க: எண்ணெய் - 4 டீஸ்பூன், கடுகு - அரை டீஸ்பூன், கறிவேப்பிலை - 1 ஆர்க்கு.

செய்முறை: தேங்காயைத் துருவி மிக்ஸியில் போட்டு முதல், இரண்டாம், மூன்றாம் பால் என வடிகட்டி எடுக்கவும். முதல் பால் ஒரு டம்ளரை தனியாக வைத்துக் கொள்ளவும். பாசிப்பருப்பை வறுத்து மலர வேகவைத்துக் கொள்ளவும். உருளைக்கிழங்கையும், முருங்கைக்காயையும் நீளவாட்டில் நறுக்கிக் கொள்ளவும். சிறிது இஞ்சி, பச்சை மிளகாய் + சீரகத்தை உப்பு சேர்த்து அரைக்கவும். காயை மூன்றாம் பாலில் வேகவிடவும். காய் வெந்ததும் இரண்டாம் பால், வெந்த பாசிப்பருப்பு, அரைத்த விழுது சேர்த்து வேகவிடவும்.

சற்று கெட்டியானதும் வாணலியில் எண்ணெய் விட்டு தாளித்து, பொடியாக நறுக்கிய வெங்காயம் சேர்த்து வதக்கி அத்துடன் சேர்க்கவும். எல்லாம் ஒன்று சேர்ந்து சிறிது கெட்டியானதும் முதல் பாலை விட்டு நுரை கூடியதும் (கொதிக்கக் கூடாது) இறக்கி எலுமிச்சம்பழச்சாறு பிழிந்து கலக்கிவிடவும்.[/noguest]

by **சிவா** Tue Jul 08, 2014 5:12 pm

உருளைக்கிழங்கு ரோஸ்ட்

கிழங்கு வகை சமையல்கள்! - Page 3 P124

தேவையானவை: [noguest]பெரிய உருளைக் கிழங்கு - 3.

அரைப்பதற்கு: மிளகாய்தூள் - 3 டீஸ்பூன், தேங்காய் துருவல் - 1 டீஸ்பூன், சோம்பு - கால் டீஸ்பூன், பூண்டு - 1 பல், பொட்டுக்கடலை - 2 டீஸ்பூன், உப்பு - தேவைக்கேற்ப.

தாளிக்க: எண்ணெய் - கால் கப், கடுகு - அரை டீஸ்பூன், சோம்பு - கால் டீஸ்பூன், உளுத்தம்பருப்பு - 1 டீஸ்பூன்.

செய்முறை: உருளையை தோலுடன் கழுவி, நீளவாட்டில் சற்று கனமான துண்டுகளாக நறுக்கவும். அதில் அரைத்தவற்றை பிசறவும். வாணலியில் எண்ணெய்விட்டு தாளித்து அதில் பிசறிய துண்டுகளை போட்டு நன்கு சுருள வேகவைத்து எடுக்கவும் (இது பார்ப்பதற்கு ஃபிஷ் ஃப்ரை மாதிரி இருக்கும்). அடுப்பை குறைந்த தணலில் வைத்து வேக வைக்கவும்.[/noguest]

by **சிவா** Tue Jul 08, 2014 5:13 pm

சிறுகிழங்கு ரோஸ்ட்

கிழங்கு வகை சமையல்கள்! - Page 3 P125

தேவையானவை: [noguest]சிறுகிழங்கு - கால் கிலோ.

அரைப்பதற்கு: காய்ந்த மிளகாய் - 7 லிருந்து 8, சீரகம் - அரை டீஸ்பூன், பெருங்காயம் - 1 சிட்டிகை, சின்ன வெங்காயம் - 2.

பிசறுவதற்கு: பச்சரிசி மாவு - 2 டீஸ்பூன், உப்பு - தேவைக்கேற்ப.

பொரிக்க: எண்ணெய் - ஒன்றரை கப்

செய்முறை: அரைக்கக் கொடுத்துள்ள பொருட்களை விழுதாக அரைத்தெடுக்கவும். சிறுகிழங்கை மண் போகக் கழுவி குக்கரில் 10 நிமிடங்கள் வேகவைத்து, தோலை உரித்து நான்காக நறுக்கவும். அரைத்த விழுதையும் அரிசி மாவு, உப்பையும் கிழங்கு துண்டுகளில் சேர்த்துப் பிசறவும். 10 நிமிடங்கள் கழித்து வாணலியில் எண்ணெய் விட்டு சூடானதும் அதில் மொறுமொறுவென பொரித்து எடுக்கவும்.[/noguest]

by **சிவா** Tue Jul 08, 2014 5:14 pm

சேப்பங்கிழங்கு மசாலா

கிழங்கு வகை சமையல்கள்! - Page 3 P126

தேவையானவை: [noguest]சேப்பங்கிழங்கு - 15, பெரிய வெங்காயம் - 1, பூண்டு - 10 பல், மிளகாய்தூள் - 2 டீஸ்பூன், தூள் உப்பு - தேவைக்கேற்ப.

தாளிக்க: கடுகு - அரை டீஸ்பூன், சோம்பு - கால் டீஸ்பூன், உளுத்தம்பருப்பு - 1 டீஸ்பூன்.

செய்முறை: சேப்பங்கிழங்கை கழுவி வேகவைத்து தோலை நீக்கவும். பின் அதை சற்று கனமான வளையங்களாக நறுக்கவும். பூண்டை தோல் உரித்துக் கொள்ளவும். வெங்காயத்தை தோல் நீக்கி நீளவாட்டில் மெல்லிய தகடுகளாக நறுக்கிக் கொள்ளவும். வாணலியில் எண்ணெய் விட்டு சூடானதும் தாளிப்பவற்றைப் போட்டு, வெங்காயம், பூண்டு சேர்த்து வதக்கி, மிளகாய்தூள், உப்பு சேர்த்து கிளறவும். பின்னர் வேகவைத்த கிழங்குத் துண்டுகளையும் சேர்த்து நன்கு சுருள வேகவிட்டு எடுக்கவும்.[/noguest]

by **சிவா** Tue Jul 08, 2014 5:15 pm

உருளைக்கிழங்கு கட்லட்

கிழங்கு வகை சமையல்கள்! - Page 3 P126a

தேவையானவை: [noguest]பெரிய உருளைக்கிழங்கு - 3, பெரிய வெங்காயம் - 1, நறுக்கிய மல்லித்தழை - கால் கப், மிளகாய்தூள் - 2 டீஸ்பூன், தூள் உப்பு - தேவைக்கேற்ப, மைதா மாவு - 1 டீஸ்பூன், பொட்டுக்கடலை பொடித்தது - அரை கப், எண்ணெய் - 2 கப்.

செய்முறை: உருளைக்கிழங்கை வேகவைத்து, தோலுரித்து மசித்து மல்லித்தழை, மிளகாய்தூள், தூள்உப்பு சேர்த்து பிசையவும். வாணலியில் 2 டீஸ்பூன் எண்ணெய்விட்டு பொடியாக நறுக்கிய வெங்காயத்தைப் போட்டு வதக்கி, அதில் மசாலாவையும் போட்டு சூடு வரக் கிளறி ஆற வைக்கவும்.

மைதாவை ஒரு கரண்டி நீர் விட்டு கரைத்து கொள்ளவும். மசாலாவை வேண்டிய வடிவில் செய்து, கரைத்த மாவில் நனைத்து பொட்டுக்கடலை மாவில் புரட்டி வாணலியில் எண்ணெயை சுடவைத்து நன்கு சூடானதும் அதில் போட்டு பொரித்தெடுக்கவும்.[/noguest]

by **சிவா** Tue Jul 08, 2014 5:16 pm

சேப்பங்கிழங்கு மோர்க்குழம்பு

கிழங்கு வகை சமையல்கள்! - Page 3 P127

தேவையானவை[noguest]: சேப்பங்கிழங்கு - 5-லிருந்து 6, சின்ன வெங்காயம் - 10.

விழுதாக அரைப்பதற்கு: தேங்காய் - 4 டீஸ்பூன், பச்சை மிளகாய் - 7-லிருந்து 8, சீரகம் - அரை டீஸ்பூன், உப்பு - தேவைக்கேற்ப, ஊறவைத்த பச்சரிசி + கடலைப்பருப்பு - தலா 1 டீஸ்பூன்.

தாளிக்க: எ ண்ணெய் - 5 டீஸ்பூன், மிளகு - 10, வெந்தயம் - கால் டீஸ்பூன், கடுகு - அரை டீஸ்பூன், கறிவேப்பிலை - 1 ஆர்க்கு, கெட்டி மோர் - ஒன்றரை கப் (தேவைப்பட்டால் மஞ்சள்தூள் 1 சிட்டிகை சேர்க்கலாம்)

செய்முறை: சேப்பங்கிழங்கை வேகவைத்து, தோல் உரித்து நீளவாட்டில் நறுக்கவும். அரைப்பவற்றை அரைத்தெடுக்கவும். வெங்காயத்தை பொடியாக நறுக்கவும். சட்டியில் எண்ணெய் விட்டு தாளித்து, சிவந்ததும் வெங்காயம் சேர்த்து வதக்கி கிழங்கையும் சேர்த்து கிளறவும். கடைந்த கெட்டி மோரில் உப்பையும் அரைத்த விழுதையும் கலந்து, வதக்கியதில் ஊற்றி நன்றாக கலக்கி விடவும். அனைத்தும் ஒன்று சேர்ந்து நுரை கூடி வரும்போது இறக்கி விடவும். (மோர் குழம்பை கொதிக்க விடக்கூடாது).[/noguest]

by **சிவா** Tue Jul 08, 2014 5:19 pm

பொட்டேடோ சாப்ஸ்

கிழங்கு வகை சமையல்கள்! - Page 3 P128

தேவையானவை: [noguest]பெரிய உருளைக்கிழங்கு - 2, துருவிய தேங்காய் - அரை கப், மிளகாய் - 10, பூண்டு - 2 பல், பெரிய வெங்காயம் - 2, சோம்பு - கால் டீஸ்பூன், உப்பு - தேவைக்கேற்ப, எண்ணெய் - தேவைக்கேற்ப.

செய்முறை: உருளைக்கிழங்கை தோல் நீக்கி சற்று கனமான வளையங்களாக நறுக்கவும். தேங்காய், பூண்டு, வெங்காயம், மிளகாய், சோம்பு, உப்பு இவற்றை விழுதாக அரைக்கவும். உருளையை அரைப்பதமாக உப்பு சேர்த்து வேகவைக்கவும். பின் அரைத்ததை கிழங்கின் இருபுறமும் நன்கு தடவவும். அடுப்பில் தோசைக்கல்லை சூடு செய்து அதில் 4 அல்லது 5 துண்டுகளாக பரப்பி அதைச் சுற்றி எண்ணெய் விட்டு ஒருபுறம் வெந்ததும், மறுபுறமும் திருப்பிவிட்டு ரோஸ்டாக வேகவைத்து எடுக்கவும். இவ்வாறு எல்லாத் துண்டுகளையும் வேகவைத்து எடுக்கவும். சூடான சாப்ஸ் ரெடி.[/noguest]

by **சிவா** Tue Jul 08, 2014 5:24 pm

கருணைக்கிழங்கு லைம் மசியல்

கிழங்கு வகை சமையல்கள்! - Page 3 P129

தேவையானவை: [noguest]கருணைக்கிழங்கு - 4 (நடுத்தர அளவு), பெரிய வெங்காயம் - 1, எலுமிச்சம்பழம் - பாதி மூடி, பச்சை மிளகாய் - 4, மஞ்சள்தூள் - 1 சிட்டிகை.

தாளிக்க: கடுகு - அரை டீஸ்பூன், உளுத்தம்பருப்பு - அரை டீஸ்பூன், சோம்பு - சிறிது, கறிவேப்பிலை - 1 ஆர்க்கு, எண்ணெய் - கால் கப், காய்ந்த மிளகாய் - 1.

செய்முறை: கருணைக்கிழங்கை வேகவைத்து தோல் உரித்து மசிக்கவும். வெங்காயத்தை பொடியாக நறுக்கவும். பச்சை மிளகாயை இரண்டாக நறுக்கவும். எலுமிச்சம்பழத்துடன் மஞ்சள் தூள், 1 டம்ளர் தண்ணீர் கலந்து, அதில் மசித்த கிழங்கை சேர்க்கவும். வாணலியில் எண்ணெய்விட்டு தாளிப்பவற்றை தாளித்து வெங்காயம், பச்சை மிளகாய் வதக்கி கரைத்த கிழங்கு மசாலாவை அதில் ஊற்றி உப்பு சேர்த்து நன்கு வேகவிடவும். கிழங்கு வெந்து அடிப்பிடிக்காமல் சுருள வெந்ததும் இறக்கி பரிமாறவும். செட்டிநாட்டில் மிக பிரபலமான அயிட்டம் இது.[/noguest]

by **சிவா** Tue Jul 08, 2014 5:26 pm

சேப்பங்கிழங்கு ரோஸ்ட்

கிழங்கு வகை சமையல்கள்! - Page 3 P130

தேவையானவை: [noguest]சேப்பங்கிழங்கு - 15, மிளகாய்தூள் - ஒன்றரை டீஸ்பூன், உப்பு - தேவைக்கேற்ப.

தாளிக்க: எண்ணெய் - 2 கப், கடுகு - அரை டீஸ்பூன், உளுத்தம்பருப்பு - 1 டீஸ்பூன், சோம்பு - கால் டீஸ்பூன்.

செய்முறை: சேப்பங்கிழங்கை வேகவைத்து நீரை வடித்து விடவும். பின் தோலை நீக்கி, நீளவாட்டில் நான்காக நறுக்கவும். வாணலியில் எண்ணெய் விட்டு சூடானதும், இந்தக் கிழங்குத் துண்டுகளை சிறிது சிறிதாக சேர்த்து அரைவேக்காடாக பொரித்தெடுக்கவும். பின் எண்ணெயை வடித்துவிட்டு, வாணலியில் 4 டீஸ்பூன் எண்ணெய் விட்டு, தாளிதங்களைப் போட்டு தாளித்து வறுத்த கிழங்கு, தூள் உப்பு, மிளகாய்தூள், கறிவேப்பிலை சேர்த்து மொறுமொறுப்பாக வேக வைத்து எடுக்கவும்.
[/noguest]
[thanks]விகடன்[/thanks]