'கயா' யாத்திரை !

First topic message reminder :

'கயா' யாத்திரை !


தம் வாழ்நாளில் ஒருமுறையேனும் ஒவ்வொருவரும் சென்று தங்கள் முன்னோர்களுக்கு ஸ்ரார்தம் அதாவது திதி கொடுத்துவிட்டு வரவேண்டும். இது நம் ஹிந்து தர்மம். இதில் வர்ணபேதமோ குல பேதமோ கிடையாது . எனவே, கண்டிப்பாக உங்களால் முடிந்த போது செய்துவிட்டு வாருங்கள். இது என்னுடைய அன்பான வேண்டுகோள்     

வெகுநாட்களாக எனக்கும் 'இவருக்கும்' ஒருமுறை கயா போய் ஸ்ரார்தம் செய்துவிட்டு வந்துவிடணும் என்று இருந்தது. ஆனால் என்னால் அது முடியுமா என்று ஒரு சந்தேகம் இருந்து வந்தது.ரொம்ப நேரம் பயணப்படவோ தொடர்ந்து உட்காரவோ முடியாது எனக்கு மேலும் 'இவருக்கும் ' கிருஷ்ணா வுக்கும் லீவு ப்ரோப்ளேம் வேறு.

எனவே நாங்கள் வாயில் பேசுவதோடு நிறுத்திக்கொண்டோம். நம்ம ராஜா சொன்ன 'வாஞ்சியம்' மட்டும் போய்வந்தோம் மனத்திருப்தி கொண்டோம். ( வாஞ்சியம் ட்ரிப் பற்றி இன்னும் எழுதலை நான் :P ) இப்படி இருக்கயில் ஒருநாள் என் மற்றொரு மாமா எங்களை போனில் தொடர்பு கொண்டு,

" சுந்தர் கயா போலாமாடா" ? என்றார்.

'இவர்' உடனே சுமதி எப்படி டா ? என்றார்.

"இல்லடா 10 நாள் ட்ரிப் எல்லாம் இல்லை ஜஸ்ட் 1 நாள் தான் கயாவில், போக 1 நாள் , வர 1 நாள் மொத்தம் 3 நாள் தான். எப்படியும் சமாளித்து விடுவாள், இல்லாவிட்டால் மாத்திரை இருக்கவே இருக்கு, 3 நாளும் போட்டுக்கட்டும். இன்னும் நாளை கடத்தினால் கஷ்டம்" என்றார். (அவர் மனைவிக்கு முட்டி வலி )

'இவர்' உடனே என்னைகேட்டார், எனக்கும் சரி என்றே பட்டது, என்றாலும் கலந்து பேசி முடிவு சொல்வதாக சொன்னோம். இரவு கிருஷ்ணா ஆர்த்தியுடன் பேசினோம். அவர்களுக்கு கொஞ்சம் பயம் தான் " அம்மா முடியுமா?" ஆசை இல் போய்விட்டு கஷ்டப்படப்போகிரீர்கள்; நாங்களும் உடன் இல்லை , பார்த்துக்கொள்ளுங்கள் " என்றார்கள்.

உடனே நானும் இவரும் சொன்னோம் பாட்னா அல்லது கயா வரை plane இல் போகிறோம் அப்போ ரொம்ப கஷ்டம் இல்லை தானே , மற்றபடி ஸ்ரார்தம் அன்று இங்கு செய்வது போலத்தானே ? என்றோம். அவர்களும் ஒப்புக்கொண்டார்கள். ஜூன் 26ம் தேதி அமாவாசை அன்று கயாவில் ஸ்ரார்தம் செய்யப்போவதாக ஏற்பாடு.

ரொம்ப சுலபமாக பிளேன் டிக்கெட் புக் செய்துவிடலாம் என்று உட்கார்ந்தவர்களுக்கு ரொம்ப ஷாக்...............   


பின் குறிப்பு : நான் இந்த கட்டுரை இல் எங்களுடைய கயா யாத்திரை பற்றி சொல்கிறேன். முதலில் கயா பற்றி தெரியதவர்களுக்கான சிறு குறிப்பும் சொல்கிறேன்.

தொடரும்....................

கோவிலின் மற்றும் ஒரு போட்டோ



தொடரும்................

நாம பக்கவாசல் வழியாக வந்து கோவிலுக்கு நேரே இருக்கும் ஒரு 20 -30 படிகளில் இறங்கி தான் கோவிலுக்குள் நுழைய முடியும். மேல் படி இலிருந்து பார்க்கும்போதே ரொம்ப அழகாக தெரிகிறது கோவிலின் உயர்ந்த கோபுரமும் உள்ளே இருக்கும் புத்தரும். சிவப்பு கம்பளம் விரித்திருக்கிறார்கள் வழி  நெடுக

அதில் நடந்து போய் தான் புத்த பகவானை தரிசித்தோம். அங்கும், வெளியே பிரகாரத்திலும் எத்தனை எத்தனையோ அற்ப்புத சிற்பங்கள். பார்க்க நிறைய நேரம் வேண்டும். நாங்கள் ரொம்பவும் களைத்து இருந்ததால் 'ஜஸ்ட்' கோவிலின் பிரகாரத்தை அப்படியே வலம் வந்தோம்.

உள்ளே இருக்கும் புத்தருக்கு நேர் பின்புறம் உள்ளது அந்த புனித அரச மரம். அதைப்பத்தி  ஒரு 'போர்டு' இல் எழுதியும் வைத்திருக்கிறார்கள். அந்த மரத்தின் அருகில் புத்தரின் காலடி சுவடுகள் பதிந்துள்ள கல்லை கண்ணாடி பெட்டிக்குள் வைத்துள்ளார்கள். அதன் போட்டோ இதோ



தொடரும்.....................

புத்தகயா பற்றின அழகான விளக்கத்திற்கும்,  கோவிலின் உயர்ந்த கோபுர தரிசனத்திற்கும் நன்றி கிருஷ்ணாம்மா.  

@விமந்தனி wrote:புத்தகயா பற்றின அழகான விளக்கத்திற்கும்,  கோவிலின் உயர்ந்த கோபுர தரிசனத்திற்கும் நன்றி கிருஷ்ணாம்மா.  

மேற்கோள் செய்த பதிவு: 1077463

நன்றி  விமந்தினி

80 அடி புத்தர் என்று போட்டு அம்புக்குறி போட்டிருந்தார்கள், சரி வந்ததோ வந்தோம் அவரையும் பார்க்கலாம் என்று போனோம். ஆனால் மூடி விட்டார்கள். கதவு வழியாக எடுத்த வீடியோ முன்பே போட்டு விட்டேன். அதன் போடோக்கள் இங்கே அங்கு நிறைய 'புத்த விஹாரங்கள்' இருக்கு. தாய்லாந்து ஸ்டைல் , ஜப்பான் ஸ்டைல் என்று நிறைய இருந்தன.

தொடரும்.......................

படித்துகொண்டு இருக்கிறேன் அம்மா
அருமை தொடருங்கள்

vishwajee wrote:படித்துகொண்டு இருக்கிறேன் அம்மா
அருமை தொடருங்கள்

மேற்கோள் செய்த பதிவு: 1077866

பொறுமையாக படியுங்கள் விஸ்வா அம்மா எப்படி இருக்காங்க? இப்போ தேவலாமா?

அங்கிருந்து புறப்பட்டும் போது, கடையை மூடிக்கொண்டிருந்த ஒரு கரும்பு ஜூஸ் ஆளிடம் கடையை மீண்டும் திறக்க சொல்லி எல்லோரும் ஜூஸ் குடித்தோம். அப்படியே ஹோட்டல் வந்து சேர்ந்தோம். வெறும் பழம் சாப்பிட்டு விட்டு தூங்கினோம். மறுநாள் காலை 4 மணிக்கு என் மச்சினருக்கும் ஒர்படிக்கும் train . எனவே, காலை 2 - 2.30 க்கு அலாரம் வைத்து படுத்தோம். டிரைவரிடம் தயாராக இருக்க சொன்னோம். ஹோட்டல் மானேஜரிடமும் காலை கதவை திறந்து விட ஏற்பாடு செய்தோம்.

So , விடிகாலம்பற அவா கிளம்பிப்போனா , நாங்க கொஞ்சம் நிதானமாய் எழுந்து, குளித்து டிபன் சாப்பிட்டு விட்டு கிளம்பினோம். எங்களுக்கு மாலை 6.35 க்கு தான் flight . நாங்கள் காலை சுமார் 10.30 ----11க்கு கிளம்பிட்டோம். மதியம் 2 மணிக்கெலாம் பாட்னா வந்தாச்சு. ஒரு 4 மணி நேரம் சும்மாவே உட்கார்ந்து இருந்து விட்டு flight ஐ பிடித்து இரவு சுமார் 12 மணிக்கு பெங்களூர் வந்தோம். ஆத்துக்கு வர 1.30 - 2 மணியாகிவிட்டது.

அவ்வளவுதான் கயா ட்ரிப். நல்ல படியாக முடிந்தது என்று பெருமாளை சேவித்தோம்.        

ஏதேனும் சொல்வதற்கு விட்டுப் போயிருந்தால்   .....மறுபடி பதிவு போடுகிறேன். அது வரை     
மற்றபடி பொறுமையாக படித்ததற்கு ரொம்ப நன்றி நண்பர்களே !

எல்லாம் நல்லபடியா முடிஞ்சுடுத்து , சந்தோஷம் .
எல்லாம் பெருமாள் அருள் !  

ரமணியன்

சந்தோஷம் கிருஷ்ணாம்மா. நானும் உங்களுடனே வந்தது போலிருந்தது. அதுசரி... வெந்நீரூற்று பற்றி சொல்கிறேன் என்றீர்களே மறந்து விட்டீர்களா..?

@விமந்தனி wrote:சந்தோஷம் கிருஷ்ணாம்மா. நானும் உங்களுடனே வந்தது போலிருந்தது. அதுசரி... வெந்நீரூற்று பற்றி சொல்கிறேன் என்றீர்களே மறந்து விட்டீர்களா..?

மேற்கோள் செய்த பதிவு: 1077961

சாரி விமந்தினி , இதைப்பற்றி சுத்தமாக மறந்து விட்டேன்...............இதோ போடுகிறேன்

கோடை காலத்தில், வீட்டின் மேல் உள்ள ஓவர் டாங்குகளில் இருந்து தண்ணீர் வரும் குழாய்களும் சூடேறி விடும். இதனால் செலவு இல்லாமல், ஹீட்டர் இல்லாமலேயே வெந்நீர் வரும். ஆனால் குளிர் காலத்திலும் ஏன் ஆண்டு முழுவதுமே தண்ணீருக்குப் பதிலாக, வெந்நீர் வரும் ஊற்றுக்கள் பீகாரில் ராஜ்கிர் என்ற இடத்தில் இருக்காம். இதை கேள்விப்பட்டும் எங்களால் அங்கு போக முடியலை நேரம் இல்லாதாதால் வந்துவிட்டோம் என்றுள் இதோ அதன் விவரங்கள்.

நாங்கள் கேட்டது மற்றும் படித்தது

புத்தர் தனது மழைக்கால தவத்தை செய்த இடமாக ராஜ்கிர் கருதப்படுகிறது. நாலந்தா பல்கலைக்கழகம் ராஜ்கிருக்கு அருகில் தான் உள்ளது. புத்தகயா, மகாவீரரோடு தொடர்புடைய வைஷாலி போன்ற வற்றுக்கு வரும் சுற்றுலாப் பயணிகளும் ராஜ்கிர் வருகின்றனர். ராஜ்கிரில் வெந்நீர் ஊற்று, மிகச் சிறந்த சுற்றுலாத் தலமாக உள்ளது. வெயில் காலத்தில் பீகாரின் கடுமையான வெப்பத்தை விட, வெந்நீரின் வெப்ப நிலை குறைவாக இருப்பதால், வெயில் காலத்திலும் இங்கு மக்கள் நீராடுகின்றனர்.

மேலும், பிரம்மகுந்த் என்றழைக்கப்படும் வெந்நீர் ஊற்று வைபவ மலையடிவாரத்தில் அமைந்துள்ளது. இந்த ஊற்றில் இருந்து வரும் வெந்நீர் சப்டதாரா என்ற ஏழு ஓடைகளில் இருந்து வரும் நீராகும். இந்த ஊற்றில் அதிக வெப்பத்துடன் வரும் நீர் 45 டிகிரி சென்டிக்ரேட் வரை இருக்கும். ஆண்கள் மற்றும் பெண்கள் குளிக்க தனித் தனி குளங்கள் உள்ளது. இந்த ஓடையில் சரும வியாதிகளை குணமாக்க பல அபூர்வ மருத்துவ குணங்கள் அடங்கியுள்ளது.

யாராவது போய்வந்தால் மேலும் விவரங்கள் சொல்லுங்கள் போட்டோ போடுங்கள் !

வெந்நீர் ஊற்றுக்கு நீங்கள் போகவில்லையா... இருந்தாலும், அந்த ஊற்றினை பற்றிய சில விவரங்களுக்கு நன்றி கிருஷ்ணாம்மா.