பஹ்ரைனில் தீவிரவாத தாக்குதல்: 3 இந்தியர்கள் படுகாயம்

**சிவா** · **சிவா** Sat Jun 28, 2014 8:06 pm

பஹ்ரைனில் தீவிரவாதிகள் நடத்திய தீ வைப்பு போராட்டத்தின் விளைவாக பற்றி எரிந்த தீயை அணைக்க முயன்ற 3 இந்தியர்கள் கியாஸ் சிலிண்டர் வெடித்து, படுகாயமடைந்தனர்.

பஹ்ரைன் தலைநகர் மனாமாவில் பணியாற்றி வரும் அவர்கள் 3 பேரும் கடந்த வியாழக்கிழமை இரவு வேலை முடித்து வீடு திரும்பிக் கொண்டிருந்தனர். அப்போது, அந்நாட்டு அரசால் தடை செய்யப்பட்டுள்ள தீவிரவாத அமைப்பை சேர்ந்த சிலர், வழியில் சாலையை மறித்து போராட்டம் நடத்திக் கொண்டிருந்தனர்.

சமீபத்தில் அந்த இயக்கத்தை சேர்ந்த ஒருவர் விபத்தில் தலைக் காயம் ஏற்பட்டு ஆஸ்பத்திரியில் மரணம் அடைந்தார். அவரது பிரேதத்தை வழங்க ஆஸ்பத்திரி நிர்வாகம் தாமதம் செய்வதற்கு எதிர்ப்பு தெரிவித்து, சாலை மறியல் செய்த தீவிரவாதிகள் வழியில் டயர்களை போட்டு கொளுத்தி அட்டூழியத்தில் ஈடுபட்டுக் கொடிருந்தனர்.

இதை பார்த்த 3 இந்திய தொழிலாளர்களும் நெருப்பை அணைக்க முயன்றுக் கொண்டிருந்த போது, திடீரென்று தீக்குள் இருந்து ஒரு சிலிண்டர் வெடித்து சிதறியது. இதில் பினோய் பேபி(30), ஜெயபாலன் மார்கோஸ்(47), அனில் எப்ரஹம்(33) ஆகியோருக்கு பலத்த தீக்காயம் ஏற்பட்டது.

மூவரும் மனாமாவில் உள்ள ஆஸ்பத்திரியில் அனுமதிக்கப்பட்டு சிகிச்சை பெற்று வருகின்றனர். இச்சம்பவத்துக்கு பிறகு தீவிரவாதிகள் வெளியிட்ட வீடியோவில் இந்த சம்பவம் அரசுக்கு விடுக்கப்பட்ட எச்சரிக்கை என்று தெரிவித்துள்ளனர். முன்னதாக, எரித்த டயருக்குள் ஒரு கியாஸ் சிலிண்டரை தீவிரவாதிகள் வைக்கும் காட்சியும் அந்த வீடியோவில் பதிவாகியுள்ளது.

பஹ்ரைனில் தீவிரவாத தாக்குதல்: 3 இந்தியர்கள் படுகாயம்

பஹ்ரைனில் தீவிரவாத தாக்குதல்: 3 இந்தியர்கள் படுகாயம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக