அம்மா மருந்தகங்கள் இன்று தமிழகம் முழுவதும் ஆரம்பம்

**சிவா** · **சிவா** Wed Jun 25, 2014 4:12 am

தமிழகம் முழுவதும் அம்மா மருந்தகங்களை முதல்-அமைச்சர் ஜெயலலிதா இன்றுதொடங்கி வைக்கிறார்.

தமிழகம் முழுவதும் அம்மா உணவகங்களை அரசு தொடங்கியுள்ளது. குறைந்த விலையில் தரமான உணவை வழங்கும் இந்த உணவகங்கள், மக்களிடையே பெரும் வரவேற்பைப் பெற்றுள்ளன. அந்த வரிசையில் அம்மா குடிநீர், அம்மா உப்பு ஆகியவை இடம்பிடித்துள்ளன.

தற்போது மக்களுக்குத் தேவையான மருந்துகளை மலிவான விலையில் வழங்குவதற்காக, அம்மா மருந்தகங்கள் தொடங்கப்படும் என்று நிதித்துறை அமைச்சர் ஓ.பன்னீர்செல்வம் கடந்த பிப்ரவரி 13-ந் தேதி தாக்கல் செய்த பட்ஜெட்டில் அறிவித்தார்.

அதில், ‘விலைவாசியைக் கட்டுப்படுத்துவதற்காக 297 அம்மா உணவகங்களைத் தொடங்கி நடத்துவதுடன், அம்மா குடிநீர்த் திட்டமும் தொடங்கப்பட்டுள்ளது. இதுதவிர, மேலும் ஒரு முன்முயற்சியாக ஏற்கெனவே கூட்டுறவுத் துறையால் நடத்தப்படும் 210 மருந்தகங்களுடன் கூடுதலாக 100 அம்மா மருந்தகங்கள் புதிதாகத் தொடங்கப்படும். இதற்கென ரூ.20 கோடி செலவிடப்படும்“ என்று கூறினார்.

கூட்டுறவுத் துறையால் நடத்தப்படும் மருந்தகங்களில் ஆங்கில மருந்துகள் ஏற்கனவே விற்பனை வரி நீங்கலாக விற்பனை செய்யப்படுகின்றன. அதுபோல் அம்மா மருந்தகங்கள் மூலம் விற்கப்படும் மருந்துகளுக்கு 10 சதவீத விலை தள்ளுபடி அளிக்கப்படவுள்ளது.

அம்மா மருந்தகங்களை இன்று(26-ந் தேதி) முதல்- அமைச்சர் ஜெயலலிதா, தலைமைச் செயலகத்தில் இருந்து காணொலிக் காட்சி மூலம் திறந்து வைக்கிறார்.

முதன்முதலாக சென்னையில் நங்கநல்லூர் உட்பட 20 இடங்களிலும், தமிழகத்தின் மற்ற பகுதிகளில் 80 இடங்களிலும் அம்மா மருந்தகங்களை அவர் தொடங்கி வைக்கிறார். இதற்கான ஏற்பாடுகளை அரசு அதிகாரிகள் முழு வீச்சில் செய்து வருகின்றனர்.

**ayyasamy ram** · **ayyasamy ram** Wed Jun 25, 2014 11:55 am

சென்னையில் அநேக இடங்களில் தனியார்
மருந்தகங்களில் அனைத்து மக்களுக்கும்
10 சதவீத தள்ளுபடி அளிக்கப்பட்டு
வருகிறது.
-
கூட்டுறவு மருந்தகங்களில் மட்டும் மூத்த
குடிமக்கள் என்றால் 12 சதம் தள்ளுபடி
-
எனவே அம்மா மருந்தகங்களில் விலையில்
பத்து சதம் மட்டுமே தள்ளுபடி
என்பது எந்த வகையில்
சிறப்பு என்பது புரியவில்லை
-

**M.M.SENTHIL** · **M.M.SENTHIL** Wed Jun 25, 2014 12:02 pm

எல்லாம் அம்மா மயம், வேறு ஒன்றும் இல்லை.

**ஜாஹீதாபானு** · **ஜாஹீதாபானு** Wed Jun 25, 2014 5:16 pm

M.M.SENTHIL wrote:எல்லாம் அம்மா மயம், வேறு ஒன்றும் இல்லை.

மேற்கோள் செய்த பதிவு: 1070796

அருமையிருக்கு

Sponsored content · Sponsored content

அம்மா மருந்தகங்கள் இன்று தமிழகம் முழுவதும் ஆரம்பம்

அம்மா மருந்தகங்கள் இன்று தமிழகம் முழுவதும் ஆரம்பம்

Re: அம்மா மருந்தகங்கள் இன்று தமிழகம் முழுவதும் ஆரம்பம்

Re: அம்மா மருந்தகங்கள் இன்று தமிழகம் முழுவதும் ஆரம்பம்

Re: அம்மா மருந்தகங்கள் இன்று தமிழகம் முழுவதும் ஆரம்பம்

Re: அம்மா மருந்தகங்கள் இன்று தமிழகம் முழுவதும் ஆரம்பம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக