மனதோடுதான் பேசுவேன்!

**சிவா** · **சிவா** Tue Jun 24, 2014 5:00 pm

அகிலா பெட்ரூமில் பேசும் குரல் கேட்டது. இந்த நள்ளிரவில் யாரோடு பேசுகிறாள்? சந்தேகத்தோடு எழுந்து பார்த்த அம்மா பார்வதிக்கு தூக்கிவாரிப் போட்டது.

நான் வரமுடியாது என்னை ஏன் கூப்பிடுறே முடியாது' இப்படி அகிலா ஜன்னலை நோக்கிப் பேசிக் கொண்டிருந்தாள். ஆனால் ஜன்னல் பக்கம் யாரும் இல்லை.

பார்வதி கணவரை எழுப்பிச் சொல்ல இரவு முழுக்க தூக்கமின்றித் தவித்தார்கள்.

மகளுக்கு என்ன ஆயிற்று? யாருடனாவது காதல் கீதல் என்று மகள் சோரம் போய்விட்டாளோ என்று பயந்தார்கள். மருத்துவரிடம் சென்றார்கள். அகிலாவின் நடவடிக்கைகளைக் கொண்டு ஒரு முடிவுக்கு வந்தனர்.

அகிலா ஒருவித மனச்சிதறல் நோய்க்கு ஆட்பட்டிருக்கிறாள். அதன் அறிகுறியாகத்தான் இந்த மாயக் குரல்களும், மாயத் தோற்றமும் அடிக்கடி வந்து அகிலாவைத் துன்புறுத்துகின்றன.

ஏன் மாயக் குரல்களும் மாயத் தோற்றமும்?

புலன் உணர்வுகளில் ஏற்படும் தவறான புலப்பாடுகளால் தோன்றுபவை இவை. இவை உண்மைக்குப் புறம்பான புலன் உணர்வுகளாகும். இவர்களின் காதுகளில் சில மாயக் குரல்கள் கட்டளை இட்டுக்கொண்டே இருக்கும். இக்கட்டளைகளால் இவர்கள் படும் துன்பங்கள் சொல்லி மாளாதவை. இவை சில சமயம் நோயாளிகளை மிரட்டும். அவர்களை தவறாக விமர்சனம் செய்யும். தவறான செயல்களில் ஈடுபட வைக்கும். சில சமயம் இக்குரல்களுக்கு இவர்கள் பதில் அளிக்கவும் செய்வார்கள். இம்மாயக் குரல்கள் இவர்களை சில சமயம் தற்கொலை அல்லது கொலை செய்யவும் தூண்டும்.

யாருக்கு வரும்?

1. பரம்பரையில் யாருக்காவது மனச் சிதைவு நோய் வந்திருந்தால் அவர்களின் சந்ததியினருக்கு இது வர வாய்ப்புண்டு.

2. மூளையில் உள்ள டோப்பமைன் என்கிற ரசாயணப் பொருளில் ஏற்படும் மாற்றங்கள்கூட இந்நோய் வரக் காரணமாகலாம்.

3. அதிகக் கூச்சப்படுதல் ஒதுங்கியிருப்பதை அதிகம் விரும்புதல் கற்பனை உலகில் அடிக்கடி மூழ்கிப் போகிறவர்கள், எதற்கெடுத்தாலும் ஈகோ பார்ப்பவர்கள் ஆகியோரை இந்நோய் தாக்கக்கூடும்.

4. பாலியல் பலாத்காரம், பாலியல் உறவு ஏமற்றம், வறுமை, அடிக்கடி சண்டை போட்டுக் கொள்ளும் பெற்றோர் மத்தியில் வாழும் டீன் ஏஜ் குழந்தைகள் ஆகியோருக்கு வரும்.

இதிலிருந்து விடுபட சில வழிகள்:

1. மாய உணர்வு தோன்றுவதாக கூறப்படும் நபரின் குடும்பத்தார் அல்லது உறவினர்கள் அவரோடு நெரங்கிப் பேசிப் பழகவேண்டும். அவரது பாதுகாப்புக்கு நாம்தான் உறுதுணை என்று நோயாளி நம்பும்படி தைரியம் கொடுக்க வேண்டும்.

2. இந்நோயால் பாதிக்கப்பட்டவர்களை கேலி, கிண்டல் செய்யக்கூடாது. அவர்களின் பேச்சை அலட்சியப்படுத்தக்கூடாது. அவர்களை நம்பவேண்டும். சந்தேகக் கண்ணோட்டத்துடன் பார்க்கக்கூடாது.

3. அவர்களை எந்த விஷயத்திலும் ஒதுக்கி வைக்கக்கூடாது. குறிப்பாக நண்பர்களின் வட்டத்தில்.

4. குடும்ப நண்பர்களின் எந்த நிகழ்ச்சிக்கும் தவறாது இவர்களையும் அழைத்துச் செல்ல வேண்டும்.

5. நாடகம், சினிமா, இசை நிகழ்ச்சி என்று அழைத்துச் செல்ல வேண்டும். கடல் மலை பகுதிகளுக்கு சுற்றுலா சென்று வரலாம்.

6. நிறைய மருத்துவ சிகிச்சைகள் வந்துவிட்டன. சிறந்த மருத்துவரின் சிகிச்சை இவர்களை எளிதில் குணப்படுத்தும்.

செல்வமூர்த்தி · 07/06/2014

மனதோடுதான் பேசுவேன்!

மனதோடுதான் பேசுவேன்!

Re: மனதோடுதான் பேசுவேன்!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக