ஆபாச படங்களை காண ரீசார்ஜ் :(

by **krishnaamma** Mon Jun 23, 2014 11:09 am

ஆபாச படங்களை காண ரீசார்ஜ்: ஆசீர்வதிக்கும் 'போலி'சார்!

ஆபாச படங்களை காண ரீசார்ஜ் :( 24QV62r9QrKldw9Iyd90+Tamil_News_large_1002631

பொள்ளாச்சி: நாம் பயன்படுத்தும் 'ப்ரீபெய்டு' மொபைல் போனுக்கு, 'ரீசார்ஜ்' செய்வது குறித்து அறிந்திருப்பீர்கள்...ஏன், நீங்களே பணம் செலுத்தி உங்கள் போனுக்கு ரீசார்ஜ் செய்திருப்பீர்கள். மொபைல் போனில் புதிது, புதிதாக ஆபாச படங்களை காணவும், ரீசார்ஜ் செய்து கொள்ளும் வசதி வந்து விட்டது தெரியுமா? வேறெங்கு...? குற்ற செயல்கள் நடந்து முடிந்த பின், 'அப்படியா...?' என்று கேட்கும், போலீசார் பணிபுரியும் பொள்ளாச்சியில்தான்!

இ-மெயில், பேஸ்புக், டுவிட்டர் போன்ற நவீன தகவல் பரிமாற்றங்கள் வந்தபோது மகிழ்ந்த பெற்றோரில் பலர், இன்று இவற்றின் பெயரைக் கேட்டாலே அலறி ஓடுகின்றனர். இளைய தலைமுறையினரை தவறான பாதைக்கு இவை அழைத்துச் செல்வதே காரணம். இளைய தலைமுறையினரை சீரழிப்பதில் மொபைல் போனுக்கு முக்கிய பங்குள்ளது.

தகவல் பரிமாற்றம் செய்வதற்கு பயன்படுத்தப்பட்ட மொபைல் போன் இன்று, 'அனைத்துக்கும்' பயன்படுகிறது. இதன் தவறான பயன்பாடு காரணமாக, இன்று குற்ற செயல்களை அதிகரிக்கும் கருவியாக மாறி விட்டது. இன்டெர்நெட் வசதியுள்ள மொபைல் போன் வைத்துள்ளவர்களால் 'எதை வேண்டுமானாலும்' பார்க்க முடியும். 'இன்டெர்நெட் வசதி இல்லாவிட்டால் என்ன...இதோ இருக்கிறது மெமரி கார்டு' என்று இளசுகளின் ஏக்கத்தை இப்போது லேசாக்கி விட்டனர். எந்த குற்ற செயல்களையும் கண்டு கொள்ளாத போலீசார் பணிபுரியும் பொள்ளாச்சியில், இந்த ஆபாச படங்கள் அடங்கிய மெமரி கார்டுகள், 'சிடி'க்களின் விற்பனை, சக்கைபோடு போடுகிறது. இங்குள்ள ஒரு சில கடைகளில், புதிய 'மெமரி கார்டு' களில், 300 முதல் 400 படங்கள் வரை ஏற்றி விற்பனை செய்யப்படுகிறது. இது போன்ற ஒரு மெமரி கார்டு, 250 ரூபாய் வரை விற்பனை செய்யப்படுகிறது. ஒரு சில கடைகளில், தள்ளுபடி மற்றும் சலுகைகளும் வழங்கப்படுகிறது(!).

இதில் '?ஹலைட்' ஆன தகவல் என்னவென்றால், முதல் முறை 150 ரூபாய் செலுத்தினால் போதும். அடுத்த முறை ரூ.50 அல்லது ரூ.100 செலுத்தி தேவைக்கேற்ப படங்களை 'ரீசார்ஜ்' செய்து கொள்ளலாம். டெக்னாலஜி எப்படியெல்லாம் தவறாக பயன்படுத்தப்படுகிறது பாருங்கள். நாடி வரும் இளைஞர்களையும், நடவடிக்கை எடுக்காத போலீசாரையும் நம்பியே, இந்த 'ஹாட்' பிசினஸ் நடக்கிறது. இளைஞர்கள் மட்டுமின்றி, இப்போது பள்ளி மாணவர்களும் மொபைல் போனில் ஆபாச படங்களை பார்ப்பதால், வக்கிர புத்தி தலைக்கேறி, பச்சிளங் குழந்தைகளைக் கூட நாசம் செய்யும் மனநிலைக்கு தள்ளப்படுகின்றனர். இது ஒருபுறம் என்றால், கடைகளில் ஆபாச 'சிடி' விற்பனையும் வழக்கம்போல் அமோகமாக உள்ளது. இந்த 'சிடி'க்கள் 30 ரூபாய் வரை விற்பனை செய்யப்படுகிறது.

போலீசாரா...'போலி'சாரா?

இவற்றையெல்லாம் கண்காணித்து கட்டுப்படுத்த வேண்டிய போலீசார், எதையும் கண்டுகொள்வதில்லை. இதனால் இதன் விற்பனையை போலவே, குற்ற செயல்களும் நாளுக்கு நாள் அதிகரித்து வருகிறது. ஏற்கனவே கஞ்சா உள்ளிட்ட போதை வஸ்துக்கள் பயன்படுத்துவோர் அதிகமுள்ள பொள்ளாச்சியில், இப்போது ஆபாச பட ரீசார்ஜ் திட்டமும் வந்து விட்டதால், பெண் குழந்தைகளின் பாதுகாப்பு கேள்விக்குறியாகி வருகிறது. தங்களுக்கும் பெண் குழந்தைகள் உள்ளனர் என்பதை மறந்து விடாமல், ஆபாச பட ரீசார்ஜ் கடைகள் மீது 'சார்ஜ்' நடத்தி, தங்களைப் போன்ற பிற பெற்றோருக்கு தைரியமூட்ட வேண்டிய கடமை போலீசாருக்கு உள்ளது.
dinamalar