75 மணிநேர தொடர் சாதனைக் கவியரங்கம் !

**Dr.சுந்தரராஜ் தயாளன்** · 03/09/2011

ஈகரை உறவுகள் அனைவருக்கும் என் அன்பு வணக்கங்கள்.

தமிழகக் கவிஞர் கலை இலக்கிய சங்கம் மற்றும் தென்றல் சமூகநல அறக்கட்டளை இணைந்து உலக சாதனைக்கான 75 மணிநேரத் தொடர் கவியரங்கம் மே மாதம் 22, 23, 24, 25 திகதிகளில் சென்னையில், அண்ணாநகரில்(மேற்கு) அமைந்துள்ள மீனாட்சி மேல்நிலை பள்ளி வளாகத்தில் நடைபெற்றது. கவியரங்க அமைப்பாளர் கவிஞர் கா சா கலையரசன் அவர்கள் என்னையும் அழைத்திருந்தார். ஆயினும் நான் திருவனந்தபுரம், நாக்பூர், புது தில்லி என்று வேலை நிமித்தமாக அலைந்துகொண்டு இருந்ததால் இதில் கலந்துகொள்வது கேள்விக்குறியாக இருந்தது. ஆயினும் கடைசி நாளான 25 ம் திகதி பெங்களூர் மற்றும் இதர மாநிலங்களுக்காக ஒதுக்கப்பட்டுள்ளது என்று கலையரசன் அவர்கள் ஈ-மெயிலில் தெரிவித்தார்கள். அவ்வமயம் நான் நாக்பூரில் இருந்து பெங்களூர் வந்து சேர்ந்திருந்தேன். எனவே, கடைசி நேரத்தில் நானும் சென்னை வந்து இந்த வைபவத்தில் கலந்துகொண்டு கவிதைகளை வாசித்தேன். நேரமின்மையால் புதிய கவிதைகள் எழுதவில்ல என்றாலும் நமது ஈகரையில் முன்பே பதிந்திருந்த கவிதைகளை வாசித்து பலரின் பாராட்டுகளைப் பெற்றேன். பெங்களூரில் இருந்து ஐந்து, புதுதில்லியில் இருந்து இரண்டு மற்றும் வேறு சில மாநிலத்தில் இருந்தும் கலந்துகொண்டார்கள். நிறைய கவிஞர்களை சந்திக்கும் வாய்ப்பு கிடைத்தது.

“கவிஞர் .க.ச.கலையரசன் அவர்களின் அரிய முயற்சியாலும் அயராத உழைப்பாலும், தமிழக கவிஞர் கலை இலக்கிய சங்கத்து கவிஞர்களின் அளப்பறிய பங்களிப்பாலும், நடந்த உலகசாதானைக்கான கவியரங்கம்,”ஆசிஸ்ட் வேல்டு ரெகார்டு” மூலம் கண்கானித்து கவியரங்கம் 77 மணி நேரம் தொடர்ந்து நடந்து ,395 கவிஞர்களால் ,3920 கவிதைகள் வாசிக்கப்பட்டு,370 நிமிடம் இடைவேளை நேரம் இருந்தும் எடுக்காமல் புதிய உலகசாதனை செய்யப்பட்டுள்ளது என அங்கிகரிக்கப்பட்டு பதிவு செய்யாப்பட்டுள்ளது.”
இந்த நிகழ்வை நமது உறவுகளுக்கு அறிவிப்பதில் மிகவும் மகிழ்ச்சியடைகிறேன்

அன்புடன்
முனைவர். சுந்தரராஜ் தயாளன்
பெங்களூரு.

75 மணிநேர தொடர் சாதனைக் கவியரங்கம் ! G4B4FahlSwOldaeBE3qG+Kavi01