இளமையாக இருக்க நெல்லிக்காய்!

நீண்டகாலம் வாழ்ந்து, அவ்வையார் தமிழுக்கு தொண்டு செய்ய வேண்டும் என்ற நோக்கில், தனக்கு கிடைத்த அரிய வகை நெல்லிக்கனியை, அவ்வையாருக்கு மன்னர் அதியமான் கொடுத்ததாக வரலாறு உண்டு.

இவ்வளவு சிறப்பும், பயனும் உள்ள நெல்லிக்காயில் ஏராளமான சத்துக்கள் உள்ளன. வைட்டமின் – சி அதிகம் உள்ள இந்த நெல்லிகாய் உடலுக்கு புரதச்சத்தை தரக்கூடியது.

நோய் எதிர்ப்பு சக்தி உடையது. சர்க்கரை நோயாளிகள் நெல்லிக்கனியை தொடர்ந்து சாப்பிடலாம். கால்சியம், இரும்பு சத்துள்ள இந்த நெல்லிகாய் தலைமுடியை பாதுகாப்பதில் முக்கிய பங்கு வகிக்கிறது. தலைமுடி வேர்கள் வலுவாக இருக்க உதவுகிறது.

முடி உதிர்வதை தடுக்கிறது. இதயம் தொடர்பான நோய்கள் வராமல் தடுக்கிறது. நோய் எதிர்ப்பு சக்தி உடைய இந்த நெல்லிக்காய் பார்வை குறைபாடு ஏற்படாமல் கண்களை பாதுகாக்கிறது. வயிற்றுபோக்கு ஏற்படாமல் தடுக்கிறது.

உடல் அசதி மற்றும் அஜிரணக் கோளாறுகளுக்கு இது கைகண்ட மருந்தாகும். அத்துடன் வாயுத் தொல்லைகளைப் போக்கக்கூடிய குணம் இதற்கு உண்டு. இரத்த உறைவினால் உண்டாகும் பல நோய்களைப் போக்கும் ஆற்றலும் முக்கியமாக பித்தத் தொடர்பான வியாதிகளுக்கு நெல்லிக்காய் லேகியம் தினசரி வெறும் வயிற்றில் உட்கொள்வதால் நல்ல பலன் பெறலாம்.

நெல்லிக்காயில் அடங்கியுள்ள சத்துக்கள்:

புரதம் – 0.4 கி
கொழுப்பு – 0.5 கி
மாச்சத்து – 14 கி
கல்சியம் – 15 மி.கி
ஸ்பரஸ் – 21 மி.கி
இரும்பு – 1 மி.கி
நியாசின் – 0,4 மி.கி
வைட்டமின் ´பி1` – 28 மி.கி
வைட்டமின் ´சி` – 720 மி.கி
கலோரிகள் – 60

இதுபோன்ற பல்வேறு நன்மைகளை உடைய இந்த நெல்லிக்காய், முதுமையை தடுத்து நம்மை இளைமையாக வைத்திருக்க உதவுகிறது. ஏராளமான பயன்களை கொண்ட நெல்லிக்காய், தாராளமாக கிடைக்க கூடியது. எனவே, நீங்களும் நெல்லிக்காயை விரும்பி சாப்பிடலாமே.

நெல்லிக்காயை எப்படி சாப்பிட்டாலும் நன்மையே .
வேக வைத்தும் சாப்பிடலாம்  
பச்சையாகவும் சாப்பிடலாம்
துருவி தயிரில் கலந்து சாப்பிடலாம்
துருவி வெல்லத் தண்ணீரில் வேக வைத்து ,கொதி வந்தவுடன் இறக்கி 3 --4 நாட்கள்    வெய்யிலில் காய வைத்து உபயோகிக்கலாம் . ரோட்டி , சப்பாத்தி இவைகளுக்கு jam போல் உபயோக்கிகலாம் . வட நாட்டில் இதை சுந்தா என்பார்கள்
துருவி காய வைத்து , வயிற்றில் கோளாறு வாந்தி வரும் போல் இருக்கிறது என்றால் , இதை வாயில் போட்டு மெல்ல , அந்த வாந்தி எடுக்கும் உணர்ச்சி குறையும் .
வேக வைத்து , வெல்ல பாகில் ஊறவைத்து வெறும் வயிற்றில் எழுந்தவுடன் சாப்பிட்டால் , அன்று முழுதும் சோர்வே வராது .
.உப்பு போட்டு ஊற வைத்து உண்ணலாம்
காரப்பொடி கலந்து கார ஊறுகாய் ஆகவும் உண்ணலாம் .
எந்த முறையில் சாப்பிட்டாலும் இதன் சத்து குறையவே குறையாது
ரமணியன்