ஜெயலலிதாவை பழிவாங்குவதற்காக சொத்து குவிப்பு வழக்கு தொடரப்பட்டது

by **சிவா** Sun 22 Jun 2014 - 17:55

பெங்களூரு: ''ஜெயலலிதாவை பழி வாங்கும் விதமாக, அவர் வீட்டில் இல்லாத போது, அப்போதைய, தி.மு.க., அரசு, அவரது வீட்டில் சோதனை நடத்தியது,'' என, பெங்களூரு சிறப்பு கோர்ட்டில், அவரின் வழக்கறிஞர் குமார் வாதிட்டார்.தமிழக முதல்வர் ஜெயலலிதா மீதான சொத்து குவிப்பு வழக்கு, பெங்களூரு சிறப்பு கோர்ட்டில், நேற்று விசாரணைக்கு வந்தது. ஜெயலலிதா தரப்பு வழக்கறிஞர் குமார், தன் வாதத்தை துவக்கினார்.

ஜெயலலிதாவை பழி வாங்கும் விதமாக, அவர் மீது சொத்து குவிப்பு வழக்கை அப்போதைய தி.மு.க., அரசு தொடர்ந்தது.எந்த வழக்கிலும் விசாரணை நடத்தி, அதன் பின்பே, எப்.ஐ.ஆர்., போடுவது வழக்கம். ஆனால், இந்த வழக்கில், எப்.ஐ.ஆர்., போட்ட பின்பே, விசாரணை துவங்கியது; ஜெயலலிதா கைது செய்யப்பட்டார்.அவர் சிறையில் இருந்தபோது, எஸ்.பி., நல்லம்ம நாயுடு, ஜெயலலிதாவின் போயஸ் கார்டன் வீட்டில், ஐந்து நாள், இரவும், பகலுமாக சோதனையிட்டார்.வீடு உட்பட சொத்து, வீடு கட்டிய செலவு என, பலவற்றின் மதிப்பை அதிகாரிகள் மிகைப்படுத்தி காண்பித்தனர்.ஜெயலலிதாவிடம் இருந்த சொத்துகள், அவர், முதல்வர் பதவிக்கு வருவதற்கு முன்பிருந்தவை. தன் பதவியை துஷ்பிரயோகம் செய்து, சொத்து சேர்த்தார் என்பதற்கு எந்த ஆதாரமும் இல்லை. இந்த வழக்குக்கும் ஆதாரம் இல்லை.இவ்வாறு அவர் வாதிட்டார்.

by **ayyasamy ram** Sun 22 Jun 2014 - 21:49

பழி வாங்க போடப்பட்ட வழக்குகளில் இது ஒன்று
தவிர மற்ற கேசுகளில் ஜெயலலிதா விடுவிக்கப்
பட்டுள்ளார்...!
-
இந்த வழக்கின் முடிவை பொறுத்திருந்து பார்ப்போம்..
-

ஜெயலலிதாவை பழிவாங்குவதற்காக சொத்து குவிப்பு வழக்கு தொடரப்பட்டது

ஜெயலலிதாவை பழிவாங்குவதற்காக சொத்து குவிப்பு வழக்கு தொடரப்பட்டது

Re: ஜெயலலிதாவை பழிவாங்குவதற்காக சொத்து குவிப்பு வழக்கு தொடரப்பட்டது