பேஸ்புக் உலகளாவிய அளவில் சிறிது நேரம் ஸ்தம்பிப்பு!

**சிவா** · **சிவா** Thu Jun 19, 2014 9:48 pm

பேஸ்புக் உலகளாவிய அளவில் சிறிது நேரம் ஸ்தம்பிப்பு! லட்சக்கணக்கான பயனாளர்களுக்கு 'ஏரர் மெசேஜ்'

சமூக இணையதளமான பேஸ்புக் இன்று மதியம் 10 நிமிடங்களுக்கு மேலாக உலகளாவிய அளவில் ஸ்தம்பித்தது. லட்சக்கணக்கான பயனாளர்களுக்கு 'ஏரர் மெசேஜ்' வந்தது. இதனால் கம்ப்யூட்டர் மற்றும் செல்போன்களில் தகவலை பரிமாறிகொண்டிருந்த பயனாளர்களுக்கு மிகுந்த சிரமம் ஏற்பட்டது.

இதற்கிடையே பாதிப்பை சரி செய்ய அதற்கான பணிகளை மேற்கொண்டிருக்கிறோம். விரைவில் பணிகள் முடிந்துவிடும் என்று தகவல் தெரிவிக்கப்பட்டது. இது தொடர்பான செய்திகள் மற்ற சமூக வளைதளங்களில் பரவத்தொடங்கியது.

பேஸ்புக் இணையதளம் 10 நிமிடங்களுக்கும் மேலாக பாதிக்கப்பட்டாதால் இங்கிலாந்து, இஸ்ரேல் மற்றும் இந்தியா உள்ளிட்ட பல்வேறு நாடுகளில் உள்ள பயனாளர்கள் சிரமத்திற்குள்ளானார்கள். பின்னர் பிரச்சனை சரிசெய்யப்பட்டு மீண்டும் இயங்கத் தொடங்கியது. 1.28 பில்லியன் பயனாளர்கள் பேஸ்புக் இணையதளத்தை பயன்படுத்துகின்றனர் என்று பேஸ்புக் தெரிவித்துள்ளது.