100 கிமீ மைலேஜ் தரும் உலகின் முதல் கார்

**சிவா** · **சிவா** Tue Jun 17, 2014 12:52 am

இந்தியாவில் அறிமுகப்படுத்தப்பட்டுள்ள கார்களில் அதிகபட்சமாக 30 கிமீ(இந்திய சாலைகளில்) மைலேஜ் கிடைப்பதே அரிதான ஒன்றாக இருந்துவருகிறது. இந்நிலையில் பிரபல கார் தயாரிப்பு நிறுவனமான வோக்ஸ்வோகன், அதிக மைலேஜ் கொண்ட கார் தயாரிப்பில் புதிய புரட்சியை ஏற்படுத்தியுள்ளது. இந்நிறுவனம் கடந்த ஆண்டு சோதனை அடிப்படையில் 100 கிமீ மைலேஜ் தரும் காரை உருவாக்கியது.

இதில் வெற்றியடைந்ததை தொடர்ந்து ஜெர்மனியில் உள்ள வோக்ஸ்வோகன் ஆலையில், இந்த கார்களை தயாரிக்கும் பணியில் களமிறங்கியது. சோதனை ஓட்டத்தை பார்த்தவர்கள் அப்போதே முன்பதிவை துவங்கினார்கள். இதையடுத்து இந்த காருக்கு எக்ஸ்.எல்&1 என பெயரிட்டு தயாரிப்பு பணியில் களமிறங்கியது. அலுமினியம் மற்றும் சி.ஆர்.எப்.பி தொழில்நுட்பத்துடன் கூடிய பைபர் பிளாஸ்டிக் பாகங்களால் கார்கள் உருவாக்கப்பட்டுள்ளது.

உயர்தொழில்நுட்பத்தால் ஆன, 800சிசி திறன்கொண்ட 2 சிலிண்டர்கள் கொண்ட டீசல் என்ஜினும், 27 குதிரைத்திறனை வெளிப்படுத்தும் வகையிலான மோட்டார்களும் இதில் பொருத்தப்பட்டுள்ளது. இதன் மூலம் அதிகபட்சமாக 47 குதிரைத்திறன் சக்தியை கார் வெளிப்படுத்தும். தொழிற்சாலையில் நடந்த சோதனையின் போது இந்த கார் 900 மில்லி டீசலில் 100 கிமீ மைலேஜ் அளித்தது. மேலும் ஒரு கிலோமீட்டருக்கு 21 கிராம் கார்பனை மட்டுமே வெளியிடுகிறது. இதனால் சுற்றுச்சூழல் பாதிக்கப்படுவதும் கணிசமாக தடுக்கப்படுகிறது.

எக்ஸ்.எல்&1 வகை கார் அதிகபட்சமாக மணிக்கு 160 கிமீ வேகத்தில் செல்லும். தொழிற்சாலை சோதனைகளின் படி இந்த கார் 12.7 வினாடிகளில் 100 கிமீ வேகத்தை எட்டும். சீரான வேகத்தில் செல்வதற்காகவும், அதிக மைலேஜ் கிடைப்பதற்காகவும் இதில் ஏரோ டைனாமிக் டெக்னாலஜி பயன்படுத்தப்பட்டுள்ளது.

இதன் பேட்டரி சக்தியும் இன்ஜினுக்கு ஏற்றார் போல 5.5 கிலோவாட் திறன் கொண்ட லிதியம்&ஐயன் தொழில்நுட்பத்தால் ஆனது. மேலும் காரின் உள்ளேயும் பல்வேறு நவீன வசதிகள் அறிமுகப்படுத்தப்பட்டுள்ளது. இத்தனை அம்சங்கள் நிறைந்துள்ள வோக்ஸ்வோகன் எக்ஸ்.எல்&1 காரின் மொத்த எடை வெறும் 795 கிலோ மட்டுமே.

இரண்டு பேர் மட்டுமே அமர்ந்து பயணம் செய்யும் வகையில் வடிவமைக்கப்பட்டுள்ள இந்த காரை வாங்க ஆயிரக்கணக்கானவர்கள் முன்பதிவு செய்திருந்தாலும், முதற்கட்டமாக 200 கார்கள் மட்டுமே தயாரித்துள்ள வோக்ஸ்வோகன் நிறுவனம், வாடிக்கையாளர்களை தேர்வு செய்து கார்களை விற்பனை செய்ய முடிவு செய்துள்ளது. இருப்பினும் அடுத்த சில ஆண்டுகளில் இந்த கார்களின் தயாரிப்புகள் அதிகம் வெளிவரும் என எதிர்பார்க்கலாம்.

தினகரன்

**ayyasamy ram** · **ayyasamy ram** Tue Jun 17, 2014 10:29 pm

பயனுள்ள பகிர்வு
-
100 கிமீ மைலேஜ் தரும் உலகின் முதல் கார் Yd4CRH45SiCf73GL7r6b+75

-

100 கிமீ மைலேஜ் தரும் உலகின் முதல் கார்

100 கிமீ மைலேஜ் தரும் உலகின் முதல் கார்

Re: 100 கிமீ மைலேஜ் தரும் உலகின் முதல் கார்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக