ஐதராபாத்தில் ஐந்து ரூபாய்க்கு மதிய உணவு:

by soplangi Tue Jun 17, 2014 4:19 pm

தமிழகத்தில் முதலமைச்சர் ஜெயலலிதா உத்தரவுக்கிணங்க அம்மா உணவகங்களை சென்னை மாநகராட்சி நடத்தி வருகிறது. அதில் மதிய வேளைகளில் ஐந்து ரூபாய்க்கு சாம்பார் மற்றும் லெமன் சாதங்கள் வழங்கப்பட்டு வருகிறது.

தமிழகத்தை பின்பற்றி ஆந்திராவிலும் இத்திட்டம் அறிமுகப்பட்டது. ஆனால், அங்கு ஐந்து ரூபாய்க்கு சாப்பாடு வழங்கப்பட்டு வருகிறது. முதல் கட்டமாக எட்டு மையங்களில் மதிய வேளைகளில் சாப்பாடு தரப்படுகிறது. அந்த எட்டு மையங்களில் ஒன்றான நம்பள்ளி சராய் உணவகத்தை ஆய்வு செய்த அம்மாநகராட்சி மேயர் மஜித் ஹுசைன் மற்றும் ஆணையர் சோமேஷ் குமார் ஆகியோர் ஏழைகளுடன் சேர்ந்து தாங்களும் உணவை உட்கொண்டனர்.

பின்னர் செய்தியாளர்களிடம் பேசிய மஜித், மிகவும் ஏழ்மை நிலையிலுள்ளவர்கள் மதிய உணவை வயிறார உண்டபின் மகிழ்ச்சியுடன் செல்வதாக கூறினார். ஏழை மக்கள் பெருமளவில் கூடும் இடங்களான ரெயில் நிலையங்கள், பேருந்து நிறுத்தங்கள் மற்றும் முக்கிய இடங்களில் மேலும் 42 மையங்களை வரும் ஜூலை 1ந் தேதி முதல் திறக்க முடிவு செய்துள்ளதாக அவர் தெரிவித்தார். வரவிருக்கின்ற மாதங்களில் ஒரு ரூபாய்க்கு காலை சிற்றுண்டிகளான இட்லி, வடை மற்றும் உப்புமா வழங்க திட்டமிட்டுள்ளதாக அவர் மேலும் கூறினார்.

-- மாலை மலர்

by **ஜாஹீதாபானு** Tue Jun 17, 2014 6:14 pm

நல்ல அரிசில சாப்பாடு செய்யல.ரேஷன்ல போடுற அரிசியெல்லாம் வீணாகாம சாப்பாடாகுது

by **விஸ்வாஜீ** Tue Jun 17, 2014 8:45 pm

எலக்சன் அருகில் வரும்போது தமிழ்நாட்டிலும் இந்த திட்டம்
ஆரம்பிக்கப்படும் பாருங்கள்

by **சிவா** Tue Jun 17, 2014 9:52 pm

மகிழ்ச்சியான செய்தி! ஏழைகள் மீது கருணை காட்டும் அரசாங்கங்களும் இருக்கத்தான் செய்கின்றன!

ஆனால் நாம் ஒரு ரூபாய் உப்பு விற்க ஒருகோடி ரூபாய் செலவு செய்து விளம்பரம் செய்கிறோம்!

by **ayyasamy ram** Tue Jun 17, 2014 9:55 pm

ஆக இந்திய மக்கள் சுயமாக சம்பாதித்து
உணவு உட்கொள்ள முடியாத ஏழைகளாக
ஆகி வருகிறார்கள்...!
-
ஏழைகளின் வாங்கும் சக்தியை வளர்க்கும்
திட்டங்களை உருவாக்க வேண்டும்..
-

by Sponsored content

ஐதராபாத்தில் ஐந்து ரூபாய்க்கு மதிய உணவு:

ஐதராபாத்தில் ஐந்து ரூபாய்க்கு மதிய உணவு:

Re: ஐதராபாத்தில் ஐந்து ரூபாய்க்கு மதிய உணவு:

Re: ஐதராபாத்தில் ஐந்து ரூபாய்க்கு மதிய உணவு:

Re: ஐதராபாத்தில் ஐந்து ரூபாய்க்கு மதிய உணவு:

Re: ஐதராபாத்தில் ஐந்து ரூபாய்க்கு மதிய உணவு:

Re: ஐதராபாத்தில் ஐந்து ரூபாய்க்கு மதிய உணவு: