மறு பிறவி எடுத்தார் ஷூ மாக்கர் ! கோமாவில் இருந்து திரும்பினார்

by soplangi Mon Jun 16, 2014 5:09 pm

கடந்த 6 மாதங்களாக கோமாவில் இருந்த பிரபல கார்பந்தய வீரர் ஷூ மாக்கர் உடல்நலம் பெற்றார். நலம் பெறுவது கடினம் என்று கூறப்பட்ட நிலையில் அவர் தேறியிருப்பது ரசிகர்களுக்கு மகிழ்ச்சியும், ஆச்சரியமும் ஏற்படுத்தியுள்ளது. பனிச்சறுக்கில் ஈடுபட்ட போது தலையில் பலத்த காயமடைந்த முன்னாள் 'பார்முலா-1' கார்பந்தய வீரர் மைக்கேல் சூமாக்கர், ஆறுமாதம் கழித்து 'கோமாவில்' இருந்து மீண்டார். நினைவு திரும்பிய இவர், வீட்டிற்கு திரும்பினார். ஜெர்மனியின் முன்னாள் 'பார்முலா-1' கார் பந்தய வீரர் சூமாக்கர், 44. மொத்தம் 7 முறை (1994, 1995, 2000 முதல் 2004 வரை) சாம்பியன் பட்டம் வென்றுள்ளார்.

கடந்த 2006ல் சர்வதேச போட்டிகளில் இருந்து ஓய்வு பெற்றார். 2010ல் மீண்டும் 'பார்முலா-1' போட்டிக்கு திரும்பிய போதும், பெரிய வெற்றிகள் கிடைக்காததால், 2012ல் மீண்டும் ஓய்வு பெற்றார். கடந்த 2013, டிச., 27ம் தேதி, 45வது பிறந்த நாள் கொண்டாட, குடும்பத்துடன் பிரான்ஸ் சென்றார் சூமாக்கர். அங்குள்ள ஆல்ப்ஸ் மலைப்பகுதியில், பனிச்சறுக்கு விளையாடினார்.

அப்போது, திடீரென நிலைதடுமாறிய இவர், அருகில் இருந்த பாறை மீது மோதினார். பாதுகாப்புக்காக 'ஹெல்மெட்' அணிந்திருந்த போதும், தலையில் பலத்த காயம் ஏற்பட்டது. இவருக்கு, மூளையில் இரண்டு 'ஆப்பரேஷன்' நடந்தது. காயம் சரியாகும் வரை தொடர்ந்து 'கோமா' நிலையில் வைக்கப்பட்டு இருந்தார். பின், மூளையில் வீக்கம் குறைந்த நிலையில், இவரை எழுப்ப முயற்சிகள் நடந்தன. இதற்கு பலன் கிடைக்கவில்லை. இதனிடையே கடந்த ஆறு மாதங்களாக கோமாவில் இருந்த சூமாக்கருக்கு, நேற்று நினைவு திரும்பியது.

இதுகுறித்து சூமாக்கர் மானேஜர் சபைன் கெம் வெளியிட்ட அறிக்கையில்,'சூமாக்கர் கோமாவில் இருந்து மீண்டார். இவர் கிரீனோபிள் மருத்துவமனையில் இருந்து வீடு திரும்பினார்,' என, தெரிவிக்கப்பட்டுள்ளது.

-- தினமலர்