பொருளுக்குப் பொருளுண்டு

குழலோன் · குழலோன் Mon Jun 16, 2014 12:04 pm

பொருளில்லா வாழ்விலே பொருளில்லை -அந்த
வெறுமையைப் போக்கிட வழியில்லை
இருள்சூழ்ந்த தேடலில் இலக்கில்லை - என்றும்
இயலாமை நிலைக்கு முடிவில்லை

அருளுணர்வு வழிதேடிப் போவோரும் - அந்த
ஆண்டவன் திருப்பணியில் வாழ்வோரும்
கருமமே கண்ணெனக் கொள்வோரும் - என்றும்
கடமையாற்ற வேண்டுவது பொருள்தானே!

பொருளின்றி இவ்வுலகில் வாழ்வுண்டோ-அதைப்
போராடிப் பெறுவதில் பழுதுண்டோ
பிறர்பழி பாவங்கள் நாடாது - நல்ல
பொருளீட்டி வாழ்ந்திடுதல் முறையன்றோ!!!