மரீச்சாசனம்

by **சிவா** Mon Jun 16, 2014 2:25 am

மரீச்சி என்பது ஒரு துறவியின் பெயர், அவரது நினைவாக இந்த ஆசனத்திற்கு மரீச்சாசனம் என்று பெயரிடப்பட்டுள்ளது.

மரீச்சாசனம் செய்முறை

முதலில் இரண்டு கால்களையும் முன் பக்கமாக நீட்டி நிமிர்ந்து உட்காரவும். பிறகு வலது காலை மேல்நோக்கி மடக்கி வைக்கவேண்டும். வலது கால் பாதம், இடது தொடையை உள்பக்கமாகத்தொட்டுக் கொண்டு இருக்க வேண்டும். வலது தொடைப்பகுதி தரைக்குச் செங்குத்தாக இருக்கவேண்டும்.

பிறகு வலது பக்கமாக குனிந்து வலது கையை வலது முழங்காலைச் சுற்றி வளைத்து உள்ளங்கையை முதுகுக்கு கொண்டு வரவும். இடது கையை பின்பக்கமாக கொண்டு சென்று வலது கை மணிக்கட்டைப் பிடிக்கவும். இந்நிலையில் மூச்சை ஆழ்ந்து உள்இழுத்துக் கொண்டே முதுகை நன்கு நிமிர்த்தி மேலே பார்க்கவேண்டும்.

பிறகு மூச்சை வெளிவிட்டு கொண்டே முன்னே குனிந்து நெற்றியை அல்லது கீழ்த்தாடையை இடது முழங்காலில் வைத்து 20 விநாடிகளுக்கு அதே நிலையில் சாதாரண சுவாசத்தில் இருக்க வேண்டும்.

பிறகு ஆழ்ந்த உள் மூச்சுடன் நிமிர்ந்து கைகளை விடுவித்தவுடன் கால்களை விடுவித்தவுடன் கால்களை மாற்றி மேலே செய்தது போல் செய்யவும்.

மரீச்சாசனத்தின் பயன்கள்

இந்த ஆசனம் உள் உறுப்புகளுக்கு இரத்த ஓட்டத்தை அதிகரித்து அவற்றை நன்கு தொழிற்படுத்துகிறது. உள் உறுப்புகளை சுற்றி இருக்கும் கொழுப்புகளை கரைத்து உடலின் எடையை குறைக்க உதவுகிறது. முதுகெழும்பு, இடுப்பெழும்பு கழுத்து போன்றவற்றை வன்மையடையச் செய்கிறது. மார்பு எலும்பினை பலப்படுத்துகிறது. இதயம், நுரையீரல் போன்றவற்றை வன்மையடையச் செய்கிறது.

கணையத்தின் சுரப்பினை அதிகரித்து உடலுக்கு நன்மையளிக்கிறது. கல்லீரல், மண்ணீரல் இவற்றை இயல்பு நிலையில் வைத்து உடலை பாதுகாக்கிறது. உடல் எடையை குறைக்க உதவுகிறது. கைகளில் உள்ள அனைத்து மூட்டுகளுக்கும் வலிமையை கொடுத்து அவற்றை எளிதாக இயக்க உதவி புரிகிறது. தண்டுவடத்தின் இயக்கத்தை தூண்ட செய்கிறது.

‪#‎யோகாசனம்‬ ‪#‎மரீச்சாசனம்‬

by **சிவா** Mon Jun 16, 2014 2:49 am

by **மாணிக்கம் நடேசன்** Mon Jun 16, 2014 2:04 pm

செய்ய முயற்சி பண்ணேன், இடுப்ப புடிச்சிக்கிச்சி,

by **சிவா** Mon Jun 16, 2014 3:50 pm

மாணிக்கம் நடேசன் wrote:செய்ய முயற்சி பண்ணேன், இடுப்ப புடிச்சிக்கிச்சி,

யார் உங்க இடுப்பை பிடிச்சது?

by **மாணிக்கம் நடேசன்** Mon Jun 16, 2014 4:35 pm

நாமிதா.

by **சிவா** Mon Jun 16, 2014 4:37 pm

மாணிக்கம் நடேசன் wrote:நாமிதா.

நமீதா இடுப்பை பிடிக்க வேண்டாம், அந்தப் பக்கமா நடந்து போனாலே போதும், அந்த அதிர்வுல உடம்பு எலும்பெல்லாம் நொறுங்கிப் போயிடும்! சிரி

by **மாணிக்கம் நடேசன்** Mon Jun 16, 2014 4:45 pm

செ, அப்படி எல்லாம் நீங்க எங்க அதாவது எங்க எங்க நமிதாவ பத்தி இப்படி எல்லாம் நீங்க சொல்லப் படாது மாமா அங்கள். அவுங்க எனக்கு கடவுள் மாதிரி. அவங்கல பாத்தாலே எல்லா வலியும் காத்தா பறந்து போயிடும்.