உங்கள் வாழ்க்கையின் நிகழ்ச்சி நிரல்

by **M.M.SENTHIL** Fri Jun 13, 2014 1:49 pm

ஒரு விழாவிற்கோ, கூட்டத்திற்கோ செல்லும்போது அங்கு நடைபெறும் நிகழ்ச்சி நிரல் பற்றி கேட்கிறோம். துவங்கும் நேரம், எவ்வளவு நேரம் நிகழ்ச்சி, யார் யார் பங்கு பெறுகிறார்கள். தலைப்புகள் அல்லது முக்கியமானவைகள் குறித்த விசயங்களைக் கேட்டுக் கொள்கிறோம். ஒரு மணி அல்லது இரண்டு மணிநேரம் நிகழ்விற்கு “நிகழ்ச்சி நிரல்” கேட்கிறோமே, “நமது வாழ்க்கையின் நிகழ்ச்சி நிரல்” குறித்து சிந்தித்திருப்போமா?

நூறு சதவீதம் நாம் திட்டமிட்டபடி வாழ்க்கை நடக்காது என்றாலும், நமது வாழ்க்கை குறித்த ஏதேனும் ஒரு திட்டம் அல்லது இலக்கு நம்மிடம் உள்ளதா? புள்ளி விவரப்படி மூன்று சதவீதம் மக்கள் மட்டுமே தங்கள் வாழ்க்கை குறித்த இலக்கை ‘எழுதி’ வைத்துள்ளனர். ஒரு சதவீதத்தினர் மட்டுமே தினசரி இலக்கின்படி வாழ்க்கை செல்கிறதா? என ஆராய்ந்து வாழ்கின்றனர்.
இலக்கு, இலட்சியம், குறிக்கோள் என்பதை குறித்து பெரும்பாலோர் சிந்திக்கின்ற அளவிற்கு (சிலர் சிந்திப்பதே இல்லை) எழுதுவதோ, அதனை கடைபிடிப்பதோ இல்லை.
உதாரணத்திற்கு உடற்பயிற்சி, யோகா, வாக்கிங் உடலுக்கு மிகவும் நல்லது என்பது நாம் அனைவரும் அறிந்ததே. ஆனால் இதே இலக்கினை அடிக்கடி எடுக்கிறோம். அப்படியானால் அதன் பெயர் இலட்சியமா அல்லது ஆசையா? ஆசை என்பது அடிக்கடி மாறிக்கொண்டு இருக்கும். இலட்சியம் அல்லது இலக்கை எதற்காகவும் மாற்றக்கூடாது.
இலக்கினை இனியாவது நிர்ணயித்துக் கொள்வோம். அது குறித்து இனி சிந்திப்போம்.

எதில் இலக்கினை ஆரம்பிப்பது என்ற சந்தேகம் இருந்தால், நம் முன்னேற்றத்தில் உண்மையிலே அக்கறை கொண்டவர்களிடம் கூச்சப்படாமல் கேட்க வேண்டும். நமது ஆர்வம் எதில் உள்ளது, எதை செய்தால் சலிப்பு ஏற்படாமல் உள்ளது, எதை விரும்பிச் செய்கிறோம், இவை நமது வளர்ச்சிக்கு உதவுமா? முடிவெடுப்போம். நமது இலக்கு குறித்து தெளிவாக சிந்திக்க ஆரம்பிக்க வேண்டும். வாழ்க்கையின் நிகழ்ச்சி நிரலை கீழ்க்கண்டவாறு எழுதுங்கள்.

பெயர்:

வயது:

கல்வித்தகுதி:

தொழில் அனுபவம்:

ஆர்வம் உள்ளவைகள்:

இலக்கு:

அடைய வேண்டிய தேதி:

இலக்கை அடைய உள்ள தடைகள்:

1………

2………

3………

தடைகளைத் தவிர்க்கும் வழிகள்:

1………

2………

3………

4………

ஜே. மணவழகன், ஆத்தூர்