சிறந்த சிப்ஸ் ரெசிபிகள்

**சிவா** · **சிவா** Fri Jun 13, 2014 4:28 am

First topic message reminder :

உருளைக்கிழங்கு சீப்பு சிப்ஸ்

தேவையானவை: உருளைக்கிழங்கு - 4, சாட் மசாலா - கால் டீஸ்பூன், எலுமிச்சம்பழம் - 1, எண்ணெய், உப்பு - தேவையான அளவு.

செய்முறை: உருளைக்கிழங்கை மண் போக நன்றாகக் கழுவி, தோல் சீவி இரண்டாக வெட்டி, மூழ்கும் அளவு தண்ணீர் விடவும். கலர் மாறாமல் இருக்க, அதில் அரை மூடி எலுமிச்சை சாறை விடவும்.

மற்றொரு பாத்திரத்தில் தண்ணீர் ஊற்றி அதில் மீதி அரை மூடி எலுமிச்சை சாறைப் பிழிந்து, சீப்பு போன்ற சிப்ஸ் கட்டையால் உருளைக்கிழங்கை சீவி போடவும். அந்தத் தண்ணீரிலேயே நன்றாக அலசி வடிய விட்டு, வெள்ளைத் துணியில் போட்டு, ஈரம் போக நன்றாகப் புரட்டவும். பிறகு, எண்ணெயில் பொரித்தெடுக்கவும். உப்பு, சாட் மசாலாத்தூள் கலந்து குலுக்கி, காற்றுப் புகாத டப்பாவில் போட்டு மூடி வைக்கவும்.

**சிவா** · **சிவா** Fri Jun 13, 2014 4:32 am

மரவள்ளி செவ்வக சிப்ஸ்

தேவையானவை: மரவள்ளிக் கிழங்கு - அரை கிலோ, மிளகாய்த்தூள், பெருங்காயத்தூள் - தலா கால் டீஸ்பூன், எண்ணெய், உப்பு - தேவையான அளவு.

செய்முறை: மரவள்ளிக் கிழங்கை மீடியம் சைஸில் வாங்கிக் கொள்ளவும். மிகவும் தடியாக இருந்தால் சீவ கடினமாக இருக்கும். கிழங்கை நன்றாகக் கழுவி தோல் சீவவும். விரல் அளவுக்கு துண்டுகளாக்கி, சிப்ஸ் கட்டையில் பட்டையாக செவ்வக வடிவில் சீவி, எண்ணெயில் போட்டு பொரித்தெடுக்கவும். கடைசியில் மிளகாய்த்தூள், பெருங்காயத்தூள், உப்பு போட்டு குலுக்கி வைக்கவும்.

**சிவா** · **சிவா** Fri Jun 13, 2014 4:33 am

பால்சேம்பு சிப்ஸ்

தேவையானவை: பால் சேம்பு (சேப்பங்கிழங்கில் ஒருவகை இது. சேப்பங்கிழங்கை விட பெரியதாக இருக்கும்) - அரை கிலோ, காய்ந்த மிளகாய் - 4, புளி - பாதி கொட்டைப்பாக்கு அளவு. பெருங்காயத்தூள் - கால் டீஸ்பூன், எண்ணெய், உப்பு - தேவையான அளவு.

செய்முறை: காய்ந்த மிளகாய், புளி, உப்பு, பெருங்காயத்தூள் இவற்றை கரகரப்பாக பொடித்துக் கொள்ளவும். பால் சேம்பை தோல் சீவி நன்றாகக் கழுவி சிப்ஸ் கட்டையால் சீவி, எண்ணெயில் பொரித்தெடுக்கவும். பிறகு, பொடித்து வைத்துள்ள மசாலாவில் போட்டு புரட்டவும்.

இந்த சிப்ஸ் சாப்பிட சுவையாக இருக்கும்.

**சிவா** · **சிவா** Fri Jun 13, 2014 4:33 am

நேந்திரங்காய் சிப்ஸ்

தேவையானவை: நேந்திரங்காய் - 3, மஞ்சள்தூள் - கால் டீஸ்பூன், எண்ணெய், உப்பு - தேவையான அளவு.

செய்முறை: மஞ்சள்தூளையும், உப்பையும் சிறிது தண்ணீரில் கரைத்துக் கொள்ளவும். நேந்திரங்காய் தோலை வாழைப்பழம் போல பட்டையாக உரிக்கவும். பிறகு, சிப்ஸ் கட்டையில் தேய்த்து எண்ணெயில் போட்டு பொரிக்கவும். நேந்திரங்காயை எண்ணெயில் போட்டவுடன், கரைத்து வைத்துள்ள உப்பு, மஞ்சள்தூள் கலந்த நீரை எண்ணெயில் தெளித்து, மொறுமொறுப்பாக வறுத்தெடுக்கவும்.

**சிவா** · **சிவா** Fri Jun 13, 2014 4:33 am

புடலங்காய் சிப்ஸ்

தேவையானவை: விதை நீக்கி வட்டமாக நறுக்கிய புடலங்காய் - ஒரு கப், கடலைமாவு - 2 டீஸ்பூன், அரிசிமாவு, கார்ன் ஃப்ளார் - தலா ஒரு டீஸ்பூன், மிளகாய்த்தூள் - அரை டீஸ்பூன், மஞ்சள்தூள், பெருங்காயத் தூள் - தலா கால் டீஸ்பூன், எண்ணெய், உப்பு - தேவையான அளவு.

செய்முறை: ஒரு அகலமான பாத்திரத்தில் புடலங்காயைப் போட்டு, அதில் அரிசிமாவு, கடலைமாவு, கார்ன்ஃப்ளார், உப்பு, மிளகாய்த்தூள், மஞ்சள்தூள், பெருங்காயத்தூள் சேர்த்து வட்டம் உடையாதவாறு கலக்கவும். லேசாக தண்ணீர் தெளித்தால் போதும். பிறகு ஒவ்வொன்றாக எடுத்துப் போட்டு பொரித்தெடுக்கவும்.

**சிவா** · **சிவா** Fri Jun 13, 2014 4:33 am

நேந்திரம் ஸ்வீட் சிப்ஸ்

தேவையானவை: நேந்திரம்பழம் - 2, எண்ணெய் - தேவையான அளவு, உப்பு - கால் சிட்டிகை.

செய்முறை: நேந்திரம்பழ தோலை உரித்து வைத்துக்கொள்ளவும். கடாயில் எண்ணெய் காய்ந்ததும் சிப்ஸ் கட்டையைக் கொண்டு எண்ணையிலேயே நேந்திரங்காயை சீவி பொரித்தெடுக்கவும். உப்பு சேர்த்து பிரட்டவும். தேங்காய் எண்ணெயில் பொரித்தால் சுவை இன்னும் அருமையாக இருக்கும்.

குறிப்பு: நேந்திரம் காயிலிருந்து பழமாகும் சமயமாகப் பார்த்து இந்த சிப்ஸை போடலாம்.

**சிவா** · **சிவா** Fri Jun 13, 2014 4:34 am

வாழைக்காய் மிளகு சிப்ஸ்

தேவையானவை: வாழைக்காய் - 2, மிளகு - 2 டீஸ்பூன், பெருங்காயத்தூள் - கால் டீஸ்பூன், எண்ணெய், உப்பு - தேவையான அளவு.

செய்முறை: வாழைக்காயை தோல் சீவிக் கொள்ளவும். மிளகை லேசாக வறுத்து பொடித்துக் கொள்ளவும். கடாயில் எண்ணெய் காய்ந்ததும், வாழைக்காயை, சிப்ஸ் கட்டையால் எண்ணெயிலேயே சீவவும். வறுத்தெடுத்த சிப்ஸில் உப்பு, பெருங்காயத்தூள், மிளகுத்தூளைத் தூவவும்.

**krishnaamma** · **krishnaamma** Fri Jun 13, 2014 11:46 am

சூப்பர் குறிப்புகள் சிவா புன்னகை

நன்றி !

**ஜாஹீதாபானு** · 16/04/2011

அனைத்து குறீப்புகளும் சுலபமா இருக்கு நன்றி தம்பி புன்னகை

**விஸ்வாஜீ** · **விஸ்வாஜீ** Fri Jun 13, 2014 12:19 pm

சிப்ஸ் எனக்கு பிடித்தமான ஒன்று, செய்வதற்கு
முயற்சி செய்கிறேன் தல

**M.M.SENTHIL** · **M.M.SENTHIL** Fri Jun 13, 2014 10:02 pm

சிறந்த சிப்ஸ் ரெசிபிகள் - Page 2 103459460

சிறந்த சிப்ஸ் ரெசிபிகள் - Page 2 1571444738

Sponsored content · Sponsored content

சிறந்த சிப்ஸ் ரெசிபிகள்

சிறந்த சிப்ஸ் ரெசிபிகள்

Re: சிறந்த சிப்ஸ் ரெசிபிகள்

Re: சிறந்த சிப்ஸ் ரெசிபிகள்

Re: சிறந்த சிப்ஸ் ரெசிபிகள்

Re: சிறந்த சிப்ஸ் ரெசிபிகள்

Re: சிறந்த சிப்ஸ் ரெசிபிகள்

Re: சிறந்த சிப்ஸ் ரெசிபிகள்

Re: சிறந்த சிப்ஸ் ரெசிபிகள்

Re: சிறந்த சிப்ஸ் ரெசிபிகள்

Re: சிறந்த சிப்ஸ் ரெசிபிகள்

Re: சிறந்த சிப்ஸ் ரெசிபிகள்

Re: சிறந்த சிப்ஸ் ரெசிபிகள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக