கவியரங்கில் வாலி சொன்னது

by குழலோன் Wed Jun 11, 2014 9:30 pm

கவிஞர் வாலி ஒரு பட்டிமன்றத்தில் தலைமையுரை ஆற்றிய போது இப்படித் தொடங்கினார்.

இது கவிக்கூட்டம்; இதற்குத் தலைவன் நான் வாலி!

மரபுக்கவிதைக்கும் புதுக்கவிதைக்கும் சர்ச்சையாய் இருந்த காலகட்டம்! அவர் எந்தப் பக்கம்!
'மரபுக்கவிதைகள் அழியாத கோலங்கள்
மற்றப் பாக்கள் - உதிரிப்பூக்கள்'
பிறகு சினிமாவில் கேட்டபடியெல்லாம் பாட்டெழுதுகிறீர்களே என்னும் ஐயத்திற்கு,
'எது கைகொடுக்கும் என்று அறிந்தபின்னர்
எதுகையைப் பற்றி நான் எண்ணுவானேன்!
மோனைமுகம் பார்த்து
முழங்கிட முயன்றிட்டால்
பானைமுகம் பார்த்து - என்
பத்தினியாள் பசித்திருப்பாள்'

இவ்வாறு கவித்துவம் மிக்க கவிஞர்களை இனிக் காணும் நாள் வருமோ???