முரட்டுப் பிரியம்

by **Aathira** Mon Jun 09, 2014 5:37 pm

பந்தயத்தில்
ஓடத் தயாராக இருக்கும்
தடகள வீரரைப் போல்
முற்றத்தில் காத்திருந்தது
என் மீதான
உன் பிரியம்

கதவு திறக்கும்
அக்கணத்தில்
உள்ளே நுழைய ஆயத்தமாக

ஆக்கிரமிப்புக்கு அஞ்சி
இருகத் தாளிட்டேன்
இரட்டைக் கதவுகளையும்

தாழ்க்கோல் துவாரத்தில்
நுழைந்து
அறைகள் தோறும் வியாபித்திருக்கும்
அந்த முரட்டுப் பிரியத்தை
எப்படிச் சுவாசிப்பது

by ஈகரையன் Mon Jun 09, 2014 5:40 pm

வாவ்

by **Aathira** Mon Jun 09, 2014 5:49 pm

ஈகரையன் wrote:வாவ்

மேற்கோள் செய்த பதிவு: 1068281
நன்றி

by **சிவா** Mon Jun 09, 2014 5:56 pm

என்ன அழகான கற்பனை?

தாழ்க்கோல் துவாரத்தில்
நுழைந்து
அறைகள் தோறும் வியாபித்திருக்கும்
அந்த முரட்டுப் பிரியத்தை
எப்படிச் சுவாசிப்பது

அருமை அக்கா!

by **Aathira** Mon Jun 09, 2014 6:01 pm

சிவா wrote:என்ன அழகான கற்பனை?
தாழ்க்கோல் துவாரத்தில்
நுழைந்து
அறைகள் தோறும் வியாபித்திருக்கும்
அந்த முரட்டுப் பிரியத்தை
எப்படிச் சுவாசிப்பது

அருமை அக்கா!

மேற்கோள் செய்த பதிவு: 1068286
நன்றி சிவா

by **Aathira** Mon Jun 09, 2014 9:03 pm

சிவா wrote:என்ன அழகான கற்பனை?
தாழ்க்கோல் துவாரத்தில்
நுழைந்து
அறைகள் தோறும் வியாபித்திருக்கும்
அந்த முரட்டுப் பிரியத்தை
எப்படிச் சுவாசிப்பது

அருமை அக்கா!

மேற்கோள் செய்த பதிவு: 1068286

இந்தக் கவிதையும் கூகுல் தேடலில் உடனே கிடைத்து விட்டது சிவா. இது வரை இப்படியெல்லாம் தேடிப் பார்த்தது இல்லை.

by சம்பத் Mon Jun 09, 2014 9:54 pm

by **ரா.ரா3275** Mon Jun 09, 2014 11:56 pm

ஆக்கிரமிப்புக்கு அஞ்சி இறுகத் தாளிட்டேன் இரட்டைக் கதவுகளையும் wrote:

ஆக்கிரமிப்பை எதிர்க்கும் இன்னோர் ஆக்கிரமிப்புக்குப் பெயர்தான் அதீத அன்பு...
அது எந்த உணர்வாயினும் சர்...அதனுள் பீறிட்டுக் கிளம்புவது அன்பு...அன்பு...அன்பு...
அன்பு மட்டுமே...

காற்றின் கீற்றாய் கதிரின் கிரணமாய் எப்படியும் உள்ளே நுழைந்துவிடும் என்று தெரிந்தே இறுகத் தாளிட்டதில்தான் நீங்கள் தமிழைத் திறந்துவிடுகிறீர்கள்...
அடைகாக்கும் அடர் அன்பைக் கசியவிடக்கூட ப்ரியமில்லை என்னும் உங்கள் நிலைப்பாடு நிலத்தில் நிற்கும் வானம்...

அறைகள் தோறும் வியாபித்திருக்கும் அந்த முரட்டுப் பிரியத்தை எப்படிச் சுவாசிப்பது wrote:

பிரும்மாண்டமான பிரபஞ்சம் வெல்லும் பேரன்பை வீட்டுக்குள் விடாமல் விரட்டியடித்தால் இப்படித்தான் முட்டித்தள்ளும் மூர்க்க கிடாவாய்க் கதவங்களை உடைத்துக்கொண்டு உள்ளேவரத்தான் செய்யும்...முட்டித் தள்ளி மூர்ச்சையாக்கத்தான் செய்யும்...

பிரும்மாண்ட ப்ரியத்தை பேரன்பை பெரும் நேசத்தை முரட்டுப் பிரியம் என்றழைத்தது அடர்ந்த அழகு...

தாழ்க்கோல் துவாரத்தில் நுழைந்து wrote:

அடேங்கப்பா உணர்வு பேசும் உளவியல் அழகியல் இந்த வரி...

சிறு துவாரத்தின் வழியே கசிந்து நசிந்து வழியும் நசியா அன்புக்கு இதற்குமேல் அற்புத விளக்கம் தரவியலுமா?.தெரியவில்லை.

இதில் நீங்கள் பேசும் உணர்வை அதுவென்றும் இதுவென்றும் முரண்பாட்டு முரட்டுவாதத்துடன் முடிச்சுப் போட முயலவே முடியவில்லை.

அழகியல் உளவியல்;உளவியல் அழகியல் இது...

நிறைமதியாளரின் தமிழுக்கு மட்டுமே குரல்வளைத் தாண்டியும் நிறைந்து வழியும் நேச வித்தை தெரிகிறது...

முரட்டுப் பிரியம் வாசித்து மூர்ச்சையாகிப் போனது என் மொழி.

முரட்டுப் பிரியம் 3838410834