ந.க.துறைவன் ஹைக்கூ கவிதைகள்

ந.க.துறைவன் · ந.க.துறைவன் Sat May 24, 2014 9:12 am

*
நிர்மலமான பரந்த ஆகாயம்
எண்ணங்கள் கடந்த மனம்
வார்த்தைகளற்ற மௌனம்.
*
விசும்பை எட்டும்
குசும்புப் பேச்சு
கலக மொழி.
*
யார் வெறுத்தாலும் சரி
என்னைக் கவரும் அழகு நிறம்
காக்கையின் கருமை.
*
சொல்லடி படுவான் மனிதன்
கல்லடி படுவான்
கனி தரும் மாமரம்.
*
குறைந்தால் குறைபடுவார்கள்
மிகுந்தால் சபிப்பார்கள்
மண்ணில் இறங்கும் மழை.
*

ந.க.துறைவன் · ந.க.துறைவன் Mon May 26, 2014 11:41 am

*
நீரில் அலையும் மீன்கள்…!!.
*
நேரம் தவறாமல் தினமும்
வணங்குகிறது சூரியனை
சூரிய காந்திப் பூ.
*
தன் நிழலை நீரில்
தானே பார்க்fகிறது
தாமரைப் பூ.

*
வண்ணங்களால் அழகு செய்து
பெண்களை ஈர்க்கிறது
மருதாணி.

*
நீரைத் தூய்மை செய்கிறது
அழுக்கைத் தின்று
நீரில் அலையும் மீன்கள்.

*
திருமண மேடையை பளிச்சென
அழகு செய்கிறது
காகிதப் பூக்கள்.
*

ந.க.துறைவன் · ந.க.துறைவன் Fri May 30, 2014 9:09 am

*
காற்றை நேசித்து….!!
*

காற்றை நேசித்து
உறவு கொள்கின்றன
பசுமையான மரங்கள்.
*
சுற்றுச் சூழல் மாசு
மாநாட்டில் விவாதித்தன
சிட்டுக் குருவிகள்.
*
பெட்ரோல், டீசல் கக்கும்
நச்சுப் புகை எதிர்த்து
போராடுகின்றன காற்று.
*
தடுமாறி திரிகின்றன
வழி தவறிவிட்டு
தவிக்கும் பறவைகள்.
*
அடர்வனத்தில் தேடல்
துப்பாக்கிச் சூட்டில்
புள்ளிமான்கன் மரணம்.
*

ந.க.துறைவன் · ந.க.துறைவன் Sun Jun 01, 2014 10:01 am

*
எல்லாமே ஒரு நிறம்…!!
*
*
அச்சுறுத்துகிறது அச்சம்
விடுதலைப் பெற துடிக்கிறது
சாதுர்யமாய் மனம்.
*
வேண்டுவது வேண்டாமென
பொய்யாய் உரைக்கிறது
சஞ்சலமாய் சபலம்.
*
பார்ப்பதெல்லாம் நிறமல்ல
நிறம் பலவாயினும்
எல்லாமே ஒரே நிறம்.
*

ந.க.துறைவன் · ந.க.துறைவன் Sat Jun 07, 2014 9:01 am

*
,இலைகளை அசைத்து…!!.

*

எதிர்ப்பார்த்து காத்திருக்கிறார்கள்
பருவமழை தொடங்கி வி்ட்டதா?
மேகமூட்டமாயிருக்கிறது வானம்.
*
கருத்து வருகிறது மேகம்
குளிர்க் காற்றில்
பறந்து திரிகின்றன ஈசல்கள
*
பருவமழையை
மரங்கள் வரவேற்கின்றன
இலைகளை அசைத்து…
*
உயர்ந்தும் தாழ்ந்தும் மிக
வேகமாய வருகின்றன
ஆர்பாட்ட அலைகள்.
*
சேமித்துக் கொள்கிறது
மழை நீரை
வளமான பூமி.
*

ந.க.துறைவன் · ந.க.துறைவன் Sun Jun 08, 2014 8:40 am

*
குபேரன் பொம்மை….!!.
*
உடலைச் சிலிர்த்துத்
துவட்டிக் கொள்கின்றன
மழையில் நனைந்தப் பறவைகள்.
*
குழந்தைக்குப் பால்
கொண்டு வரச் சொல்லி
கொக்கை அழைக்கிறாள் தாய்.
*
முகத்தைச் சுளித்து
வாயிலிருந்ததைத் துப்பினான்
புளிப்புத் திராட்சை.
*
பணம் சேரும் என்ற நப்பாசை
குபேரன் பொம்மை வாங்கி வைத்தான்
உடைத்துவிட்டுச் சிரித்தது குழந்தை.
* .

**Aathira** · **Aathira** Sun Jun 08, 2014 9:06 am

சுற்றுச் சூழல் மாசு
மாநாட்டில் விவாதித்தன
சிட்டுக் குருவிகள்.
*
பெட்ரோல், டீசல் கக்கும்
நச்சுப் புகை எதிர்த்து
போராடுகின்றன காற்று.

குழந்தைக்குப் பால்
கொண்டு வரச் சொல்லி
கொக்கை அழைக்கிறாள் தாய்.

எல்லா கவிதைகளும் அழகு. இந்தச் சிந்தனை மிகவும் மிகவும் ரசித்தது.

ந.க.துறைவன் · ந.க.துறைவன் Sun Jun 08, 2014 10:11 am

பாராட்டுக்கு மிக்க நன்றி ஆதிரா மேடம்...

ந.க.துறைவன் · ந.க.துறைவன் Mon Jun 09, 2014 11:19 am

*
வாழ்வை அனுபவி…!!
*
இயற்கையின் பரிந்துணர்வை
என்றுமே சலிப்பதில்லை
வாழ்வை அனுபவிக்கும் மரங்கள்.
*
யாரும் கவனிப்பதில்லை என்று
எப்பொழுதும் வருந்துவதில்லை
தும்பைப் பூக்கள்.
*
கிளிகளும் பார்த்ததில்லை
நானும் பார்த்ததில்லை
அத்தி மரம் பூப்பதை….
*
பெண்கள் அனைவரும்
அரவணைக்கிறார்கள்
கள்ளிச் செடிகளை….
*
அமைதியாயிருக்கிறது
அணில் பசியாறும் வரை
பப்பாளி பழம்.
*

Sponsored content · Sponsored content

ந.க.துறைவன் ஹைக்கூ கவிதைகள்

ந.க.துறைவன் ஹைக்கூ கவிதைகள்

Re: ந.க.துறைவன் ஹைக்கூ கவிதைகள்

Re: ந.க.துறைவன் ஹைக்கூ கவிதைகள்

Re: ந.க.துறைவன் ஹைக்கூ கவிதைகள்

Re: ந.க.துறைவன் ஹைக்கூ கவிதைகள்

Re: ந.க.துறைவன் ஹைக்கூ கவிதைகள்

Re: ந.க.துறைவன் ஹைக்கூ கவிதைகள்

Re: ந.க.துறைவன் ஹைக்கூ கவிதைகள்

Re: ந.க.துறைவன் ஹைக்கூ கவிதைகள்

Re: ந.க.துறைவன் ஹைக்கூ கவிதைகள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக