காதலிக்கு ஒரு கடிதம்

by **M.M.SENTHIL** Fri Jun 06, 2014 7:36 pm

First topic message reminder :

அன்புள்ள காதலியே
எப்படி இருக்கிறாய் – நீ
எப்படி இருக்கிறாய்!!

காதல் என்பது சேர்ந்து வாழ்தலில்
மட்டும் இல்லை – பிரிந்து போயினும்
இறுதி வரை நினைப்பதே என்றவளே,
இன்றளவும் என்னை நீ நினைக்கிறாயா?

இளமைக் காலத்து தடுமாற்றங்களில்
இந்த காதலும் ஒன்று என்பது
பெற்றோர் வாதம் – ஆயினும்
இந்த தடுமாற்றம் வாழ்வின் இறுதிவரை
மனதில் ஆறாத வடுவை
உண்டாக்கி விடுகிறதே!!

மறக்க முயற்சித்தேன் நானும்
மனைவி வந்தவுடன்
குழந்தை பிறந்தவுடன்,
ஆனாலும் ஒரு ஆச்சரியம்
அது மட்டும் முடியவே இல்லை!!

உன் பெயர் கொண்ட ஏதேனும் ஒன்று
தினமும் என் கண்ணில் பட்டு விடுகிறது,
இன்று கூட அப்படியே
குல தெய்வ கோவில் போகையில்
எதிரே வந்த வண்டியில் உன் பெயர்!
மறக்க நினைத்தாலும் தோற்கிறேன்!!

வெகு நாட்களுக்குப் பிறகு
உனக்கொரு கடிதம் எழுத ஆசை,
நானே எழுதி, நானே படித்தாலும்
உனக்கொரு கவிதை எழுதியது
மனதிற்கொரு சுகமே,

சொல்லடி பெண்ணே
எப்படி இருக்கிறாய் – நீ
எப்படி இருக்கிறாய்??

- தொடரும்

by **M.M.SENTHIL** Tue Nov 11, 2014 4:53 pm

உன் பிறந்தநாளில்
உனக்காய் நான் வாங்கி வைத்த
உன்னதமான பரிசொன்றை
உன்னிடம் தர முடியாமல்
உறக்கம் இன்றி கிடந்தேன் நான்!

உனது தோழியிடம் தூது சொன்னேன் - மறுநாள்
உன்னை காண வேண்டும் என்று,
உன்னிடம் அந்த சேதி வரவில்லை,
உன்னையும் காண முடியவில்லை!!

உன்னைக் காணும்போது
உரித்தாக்குவோம் என்று
உன்னை என் இருதயம் தாங்குவது போல
உனக்கான உன் பரிசை
உண்மை காதலுடன் காத்து வந்தேன்!!

உறக்கம் தொலைத்தது ஒரு இரவில்
உந்தன் அழைப்பு,
உனக்கு நாளை காலை திருமணம் என்றாய்
உடைந்து போனேன் நான்!!

உன்னைக் காண முடியாது இனி
உயிருள்ளவரை என்பதை அறிந்தேன்,
உனக்காக உன் பரிசு இதுவரை
உன்னை நோக்கி காத்திருக்கிறது
உன்னிடம் எப்போதும் சேர்வோம் என!!

உண்மை காதல் என்று சொன்னோமே - அது
உண்மையானால் நிச்சயம் ஒருநாள்,
உந்தன் பரிசை மட்டுமாவது
உன்னிடம் கொடுக்கும் பாக்கியம்
உன் இஸ்ட தெய்வம் கொடுக்கட்டும்!!

by **M.M.SENTHIL** Tue Nov 11, 2014 5:11 pm

எப்படி நடந்தது - இது
எப்படி நடந்தது,
எண்ணி, எண்ணி பார்க்கிறேன்
எட்டவில்லை என் புத்திக்கு!

என்றேனும் ஒருநாள் நாமும்
என்னவள் இவள்
என்று சொல்வோம்
என நினைத்தது கூட இல்லை!!

எங்கிருந்தோ வந்தோம்
எதேச்சையாய் சந்தித்தோம்,
எண்ணங்கள் ஒன்றாகின
எப்பிறப்பும் நீயும், நானுமே
என்ற வண்ணம் நன்றாகின!!

என்ன பழகி என்ன செய்ய
என்னதான் மனிதன் கணக்கிட்டாலும்
எதற்கும் ஒரு எதிர்வினை உண்டல்லவா?
எந்த சாமியும் காக்கவில்லை நம்ம காதலை
எதிர்ப்பு பலப்படவே பிரிந்தோம்!!

என்றோ நடந்ததை நான் இன்று
எண்ணிப் பார்க்க காரணம் இல்லாமல் இல்லை?
என்னப்பா இது என்று என் மகள் கேட்டாள்
எந்தன் கைகளில் உன் பெயரை பார்த்து!!

எங்க ஊர் பண்டிகையின் போது
எத்தனை ஜென்மம் ஆயினும்
எனக்கானவள் நீதான் என்று
என் கையில் பச்சை குத்தினேனே?

எதை எதையோ அழித்து விட்டேன்
எடுத்துக் கொண்ட புகைப்படம்,
எனக்கு நீ கொடுத்த கடிதங்கள்,
என்று அனைத்தும் அழித்து விட்டேன்!!

எப்படி அழிப்பேன்
என் கையில் உள்ள உன் பெயரை,
என்ன சொல்வேன் என் மகளிடம்!!

by mbalasaravanan Tue Nov 11, 2014 6:45 pm

அருமையான உயிரோட்டமான கவிதை

by **T.N.Balasubramanian** Tue Nov 11, 2014 8:20 pm

செந்திலின் முத்திரை ,
மாசின்றி பதிந்து உள்ளது .
ரமணியன்

by **ayyasamy ram** Tue Nov 11, 2014 8:26 pm

by **M.M.SENTHIL** Tue Nov 11, 2014 10:35 pm

mbalasaravanan wrote:அருமையான உயிரோட்டமான கவிதை

மேற்கோள் செய்த பதிவு: 1102624

நன்றி அன்பு மலர்

by **M.M.SENTHIL** Tue Nov 11, 2014 10:37 pm

T.N.Balasubramanian wrote:செந்திலின் முத்திரை ,
மாசின்றி பதிந்து உள்ளது .
ரமணியன்

மேற்கோள் செய்த பதிவு: 1102633

காதலிக்கு ஒரு கடிதம் - Page 8 1571444738

by **M.M.SENTHIL** Wed Nov 12, 2014 10:49 am

ayyasamy ram wrote:
-

மேற்கோள் செய்த பதிவு: 1102635

நன்றி ஐயா அன்பு மலர்

by **விமந்தனி** Thu Nov 13, 2014 10:34 pm

எதை எதையோ அழித்து விட்டேன்
எடுத்துக் கொண்ட புகைப்படம்,
எனக்கு நீ கொடுத்த கடிதங்கள்,
என்று அனைத்தும் அழித்து விட்டேன்!!

எப்படி அழிப்பேன்
என் கையில் உள்ள உன் பெயரை,

காதலிக்கு ஒரு கடிதம் - Page 8 3838410834

நெகிழ்ச்சியான வரிகள் செந்தில், பாராட்டுக்கள்.
தொடரட்டும் கவிதைகள்... நினைவுகள் அல்ல...

by **M.M.SENTHIL** Thu Nov 13, 2014 11:12 pm

விமந்தனி wrote:
நெகிழ்ச்சியான வரிகள் செந்தில், பாராட்டுக்கள்.
தொடரட்டும் கவிதைகள்... நினைவுகள் அல்ல...

மேற்கோள் செய்த பதிவு: 1103330

நினைவுகள் நெஞ்சில்
நீங்காமல் உள்ளதால்தான்
நித்தமும் கவி பாடுகிறேன்,
நினைக்கிறேன் நானும்
நினைவுகளே வேண்டாமென,
நித்திரை கொள்ளும் நேரத்தில்
நித்தம் ஒரு கனவு அவள் வடிவில்..