காதலிக்கு ஒரு கடிதம்

by **M.M.SENTHIL** Fri Jun 06, 2014 9:06 pm

First topic message reminder :

அன்புள்ள காதலியே
எப்படி இருக்கிறாய் – நீ
எப்படி இருக்கிறாய்!!

காதல் என்பது சேர்ந்து வாழ்தலில்
மட்டும் இல்லை – பிரிந்து போயினும்
இறுதி வரை நினைப்பதே என்றவளே,
இன்றளவும் என்னை நீ நினைக்கிறாயா?

இளமைக் காலத்து தடுமாற்றங்களில்
இந்த காதலும் ஒன்று என்பது
பெற்றோர் வாதம் – ஆயினும்
இந்த தடுமாற்றம் வாழ்வின் இறுதிவரை
மனதில் ஆறாத வடுவை
உண்டாக்கி விடுகிறதே!!

மறக்க முயற்சித்தேன் நானும்
மனைவி வந்தவுடன்
குழந்தை பிறந்தவுடன்,
ஆனாலும் ஒரு ஆச்சரியம்
அது மட்டும் முடியவே இல்லை!!

உன் பெயர் கொண்ட ஏதேனும் ஒன்று
தினமும் என் கண்ணில் பட்டு விடுகிறது,
இன்று கூட அப்படியே
குல தெய்வ கோவில் போகையில்
எதிரே வந்த வண்டியில் உன் பெயர்!
மறக்க நினைத்தாலும் தோற்கிறேன்!!

வெகு நாட்களுக்குப் பிறகு
உனக்கொரு கடிதம் எழுத ஆசை,
நானே எழுதி, நானே படித்தாலும்
உனக்கொரு கவிதை எழுதியது
மனதிற்கொரு சுகமே,

சொல்லடி பெண்ணே
எப்படி இருக்கிறாய் – நீ
எப்படி இருக்கிறாய்??

- தொடரும்

by யினியவன் Wed Apr 22, 2015 9:12 pm

வெளியே தெரியாத எனைப் போன்றவரும் அப்படித்தான் அய்யா புன்னகை

by **T.N.Balasubramanian** Wed Apr 22, 2015 9:52 pm

உன் கண்ணில் நீர் வழிந்தால் ,
என் நெஞ்சில் உதிரம் கொட்டுதய்யா !
ரமணியன்

by **ayyasamy ram** Wed Apr 22, 2015 10:28 pm

எங்கிருந்தாலும் வாழ்க
உன் இதயம் அமைதியில் வாழ்க
மஞ்சள் வளத்துடன் வாழ்க
உன் மங்கலக் குங்குமம் வாழ்க
வாழ்க...வாழ்க...
-
நினைக்கத் தெரிந்த மனமே
உனக்கு மறக்கத் தெரியாதா...
-
வலி மறந்தாலும் வேதனை மறைவதில்லை.
ஆனால் எல்லா வேதனைகளையும் ஆற்றும்
மருந்து காலம்.

இப்போது அந்த வேதனையை விவரிக்கும்
மனப்பக்குவத்துக்கு வந்து விட்டது மனதுக்கு
நிம்மதியைத் தரும்

by **விமந்தனி** Thu Apr 23, 2015 12:14 am

ayyasamy ram wrote:நினைக்கத் தெரிந்த மனமே
உனக்கு மறக்கத் தெரியாதா...
-
வலி மறந்தாலும் வேதனை மறைவதில்லை.
ஆனால் எல்லா வேதனைகளையும் ஆற்றும்
மருந்து காலம்.

ரொம்பவும் அருமை ராம் ஐயா. மிக்க நன்றி.

by யினியவன் Thu Apr 23, 2015 12:32 am

நன்றி நன்றி அனைவருக்கும் - ஒரு ஆதங்கத்தில் சொல்லிவிட்டேன்

by **விமந்தனி** Thu Apr 23, 2015 12:44 am

by **M.M.SENTHIL** Tue Apr 28, 2015 2:44 pm

காதலி பேசவில்லையென
சிகரெட்டால் தன் கையில்
சூடு வைத்துக் கொள்ளும்
காதலன்களை கண்டிருக்கிறேன்!

அலைபேசியில் அழைத்து - அவள்
எடுக்காமல் விட்டால்
கோபத்தில் அலைபேசியை
உடைத்து போட்ட பைத்தியங்களை
நான் பார்த்திருக்கிறேன்!

ஆனாலும் இவர்களை
பின்னொரு நாளில் கண்டேன்
கணவன், மனைவியாய்!!

நீதானே சொன்னாய் பெண்ணே,
கையில் சூடு வைப்பதும்,
அலைபேசியை உடைப்பதும்
உண்மைக் காதலாய் இருக்காதென்று!

நம் காதல் உண்மைக் காதலெனில்
இருவரும் சேராமல் போனதேன்?

ஒரு வேளை உண்மையான காதலெல்லாம்
மனதில் புழுங்கும் காதலோ??