பிய்த்தெறிந்துவிட்டுப் போ...

by **ரா.ரா3275** Thu 5 Jun 2014 - 14:49

எந்தக் கூட்டில்தான் கிடக்கிறது
என் தாய்ப்பறவையின் சிறகுகள்?

எந்தக் காட்டில்தான் இருக்கிறது
என் முன்னோர்களின் முகவரி சொல்லும்
மரங்களும் கிளைகளும்?

சிறிய கால்வாய்கள் கூடவா
மிச்சமில்லை
என் பாட்டன்கள் தண்ணீர் தெறிக்க விளையாடியவை

பிரியமாய் என் பாட்டிகள் தொழுத
காதற் பெருமாள் கோயில்கள்
கண்பறிக்கும் சிவப்புச் சேலை அம்மன்கள்

குறைந்தபட்சம்
என்னவர்களின் உயிர் மூச்சையும்
அந்தரங்கத்தின் பெருமூச்சுகளையும்
மூங்கில் கழிகளிலும் கீற்றோலைகளிலும்
சேமித்துக் காத்தக் கூரை வீடுகளேனும்...

இப்படி நீ கேட்பினும்...

எந்தப் பதிலும் உன் கேள்விக்கு
விரோதி மவுனம் காப்பதென்றான பின்

பேசிப் பயனில்லை
பிய்த்தெறிந்துவிட்டுப் போ...

தனிப் பறவையாகு
தனிக் கூடு அமை
முடியும் அதன்வழியே
தனி வீடும்
தனி நாடும்!

by **M.M.SENTHIL** Thu 5 Jun 2014 - 14:54

அற்புதமான கவிதை, ரசித்தேன். பறவையின் தேடல் கடைசியில் தனித்து இருக்க வேண்டியதாயிற்று , அது போலவே நாமும் தனியே.

by **ரா.ரா3275** Thu 5 Jun 2014 - 15:01

M.M.SENTHIL wrote:அற்புதமான கவிதை, ரசித்தேன். பறவையின் தேடல் கடைசியில் தனித்து இருக்க வேண்டியதாயிற்று , அது போலவே நாமும் தனியே.

மேற்கோள் செய்த பதிவு: 1067753

நன்றி செந்தில்...

by **ஜாஹீதாபானு** Thu 5 Jun 2014 - 15:09

by **ரா.ரா3275** Thu 5 Jun 2014 - 15:46

ஜாஹீதாபானு wrote:

மேற்கோள் செய்த பதிவு: 1067758

பிய்த்தெறிந்துவிட்டுப் போ... 1571444738

by யினியவன் Thu 5 Jun 2014 - 17:46

அருமை அருமை ராரா ஆனால் தனிமை கொடுமை என்பதை உணர்ந்தும்
வெறுமையை தேடும் விட்டில் பூச்சிகளாய், விட்டேத்திகளாய்...

(பிச்செருஞ்சுட்டோம்ல - படிச்சு என்னத்த கிழிசிட்டோம்ன்னு ஒரு பயபுள்ள கேக்க முடியாதில்ல) புன்னகை

by **சிவா** Thu 5 Jun 2014 - 19:23

அருமை ரா.ரா.

by **ரா.ரா3275** Fri 6 Jun 2014 - 16:59

யினியவன் wrote:அருமை அருமை ராரா ஆனால் தனிமை கொடுமை என்பதை உணர்ந்தும்
வெறுமையை தேடும் விட்டில் பூச்சிகளாய், விட்டேத்திகளாய்...

(பிச்செருஞ்சுட்டோம்ல - படிச்சு என்னத்த கிழிசிட்டோம்ன்னு ஒரு பயபுள்ள கேக்க முடியாதில்ல)

மேற்கோள் செய்த பதிவு: 1067773

ஹாஹா...பின்னூட்டத்துல எதோ திட்டமிருக்கு போல தெரியுதே...

நன்றி அண்ணா...