தென்னை மரம்

**M.M.SENTHIL** · **M.M.SENTHIL** Wed Jun 04, 2014 6:46 pm

ஆசை ஆசையாய் வளர்த்தேன்
வீட்டின் முன்னால் ஒரு தென்னை மரம்,
மாமன் மகள் தெரட்டியின் போதும்
ஒரு மட்டையை கூட வெட்ட விடவில்லை,
கீத்துக் கொட்டாய் போடுற போதும்
யாரும் அதுல கை வைக்கல,
தேங்காய் பறிக்க ஏறினாலும்
மரத்துக்கு வலிக்காம வெட்டி வந்தேன்,
ஆத்தாளுக்கு அம்மை போட்டப்ப
அந்த மரத்து இளநீர்தான்,
மாரியம்மன் பொங்கலுக்கு
எங்க மரத்து கொலதான் தொங்கும்
கோயிலுக்கு முன்னால வரவேற்பா,
யார் கண் பட்டுச்சோ அது
பட்டுப் போயிருச்சே!!
பாலாப்போன வானம் இப்படி
பழிவாங்குமுன்னு யாரு கண்டா?
வாரத்துல ஒரு நாள்தான் – எங்க
பஞ்சாயத்து பைப்புல தண்ணி வருது,
குடிக்கவே தண்ணி இல்ல – இதுல
மரத்துக்கு ஊத்த நான் எங்க போவேன்!!
ஆசை ஆசையாய் வளர்த்த தென்ன மரத்த
வெட்ட வந்துட்டாங்க ஆளுங்க,
பொத்திப் பொத்தி வச்ச மரம்
போறப்ப ஐநூறு தந்துடுத்தான் போச்சு!!
யானை மட்டுமல்ல தென்னையும்
இருந்தாலும் பணத்தக் கொடுக்குது,
இறந்தாலும் பணத்தக் கொடுக்குது!!

**M.M.SENTHIL** · **M.M.SENTHIL** Thu Jun 05, 2014 1:43 pm

**ஜாஹீதாபானு** · **ஜாஹீதாபானு** Thu Jun 05, 2014 1:52 pm

பிள்ளைய பெத்தா கண்ணீரு தென்னைய பெத்தா இளநீரு இந்தப்பாடல் தான் நினைவில் வருகிறது.

தென்னையும் உங்களை கண்ணீர் விட வைத்து விட்டது அருமை செந்தில்

**M.M.SENTHIL** · **M.M.SENTHIL** Thu Jun 05, 2014 1:53 pm

ஜாஹீதாபானு wrote:பிள்ளைய பெத்தா கண்ணீரு தென்னைய பெத்தா இளநீரு இந்தப்பாடல் தான் நினைவில் வருகிறது.

தென்னையும் உங்களை கண்ணீர் விட வைத்து விட்டது அருமை செந்தில்

மேற்கோள் செய்த பதிவு: 1067762

தென்னை மரம் 1571444738