ந.க.துறைவன் சென்ரியு கவிதைகள்

by ந.க.துறைவன் Mon Jun 02, 2014 4:26 pm

*
பூக்காரியின் கிண்டல்...!!
*
அழுகின்ற குழந்தையை
அடித்தால் அழுகை நிறுத்துமா?
அடிப்பது தாயின் வன்முறை.
*
தாழ்ந்துக் கிடப்பது தெரியாமல்
கண்கள் மூடிப் பிடித்திருக்கிறாள்
சமநீதி தராசு.
*
மல்லிகைப் பூவைக் கேட்டார்
முதியவரைத் தினுசாய் பார்த்து
கிண்டலடித்தாள் பூக்காரி.
*

by ந.க.துறைவன் Wed Jun 04, 2014 4:42 pm

*
நிகழும் தருணம் எதுவோ?
*
எப்பொழுது நிகழ வேண்டுமோ?
அப்பொழுது தான் நிகழுமா!
நினைத்தக் காரியங்கள் எதுவும்…
*
அளவுக்கு மீறி நம்பிக்கை வைப்பது
ஆபத்தாக முடியு மென்பது உண்மையா?
பிரிந்த நண்பன் அறிவான் வேதனை.
*
ஏதோவொரு தோல்வியால்
தற்கொலைக்கு தேடி வந்தவனை
தடுக்க இயலவில்லை கடலால்…
*

by ந.க.துறைவன் Sat Jun 07, 2014 9:45 am

*
வளம் நிறைந்த கடல்…!! [சென்ரியு].
*
இயற்கையின் கொடை
மீனவர்க்கு வாழ்வளிக்கும்
வளம் நிறைந்தக் கடல்.
*
இரக்கமில்லா இயற்கையே
ஏழைகளை ஏன் படைத்தாய்?
ஏழ்மை ஒழிக, ஏழைகள் வாழ்க.
*
பூவுலகின் சிறுவர்கள்
சிறகு விரித்துப் பறக்கும்
கள்ளமில்லாப் பறவைகள்.
*
கவிiதைகள், பாடல்கள் அழிவதில்லை
தினந்தினம் காற்றினில் மிதந்து வரும்
இசையில் வாழ்கிறாய் முத்தைய்யா.
*