மனை மடித் தூக்கம்!

by jawhar Tue May 27, 2014 11:15 pm

உன் அழகு
எனை ஈர்க்கும்
பார்க்கும் பலரும்
பொறாமை கொள்ளும்
அழகில் வீழும்
பலரைக்காண
பயம் கொள்வேன்

சில வேளை
உன் தெகிட்டாத
அழகில் வீழும்
கோடிப் பணமுடையான்
உன் உளம் மாற்றி
எனை அகற்றி
உன் அகம் நிரப்ப
வந்திட்டால் என் செய்வேன்
என்னவளே

உன் அழகு சில வேளை
எனக் கெதிரி
எனக் கருதி
உன் ஒப்பனைக்கெதிரியாய்
கதிரவன் ஔியாய் வந்து
ஒப்பனை களைத்து
உனை மீட்பேன்

நீ காணும் காட்சி
நானாக வேண்டும்
நான் காணும் காட்சி
நீயாக வேண்டும்
என்றும் எதிலும்
உனைக் காண வேண்டும்

நீ இல்லா மணம்
மனமில்லா ஜடமாகும்
உன் கரம் பற்றா
என் கரங்கள் உணர்வில்லா
கொம்பாகும்

உன் முகம் காண
உன் தெரு உலா வந்து
பித்தம் கலங்க
உன் மேல் பித்தனாகி
வெற்கம் மறந்து
உனை நினைந்து உருகி
உடல் நிறை குறைந்து
சுள்ளானாகி நிற்கிறேன்
உன் நினைவாய்

அன்பே ஆருயிரே
என்பேன் தனியறையில்
கோழையாக
பழைய பஞ்சாங்கமாக
கொஞ்சம் துணிவாக
என்றும் உன் நினைவாக

உனக்காக உடையுடுத்து
தலை முடி கோதி
உனைக் கண்டு
முடி களைந்து வாரி
உன் கரு விழியோடு
என் விழிகள் உறவாடும்
கண்சிமிட்டி
சாடை காட்டி

உன் மடி
என் தலை தாங்க
நிம்மதியாய்
நீண்ட நேரம்
பாசாங்காய் நித்திரையாகி
சுகம் கொள்வேன்
கனவல்ல நிஜமாக

ஜவ்ஹர்

by **விமந்தனி** Tue May 27, 2014 11:20 pm

by **ரா.ரா3275** Tue May 27, 2014 11:34 pm

இப்ப...அந்தம்மா என்னத்தான் சொல்லுது...இருக்கா/இல்லையான்னு ரெண்டுல ஒண்ணு சொல்லச் சொல்லுங்க...எவ்ளோ கஷ்டப்படுறீங்க நீங்க...

ஹாஹா...சும்மா...

மனை மடித் தூக்கம்! 103459460

by **M.M.SENTHIL** Wed May 28, 2014 12:02 pm

கோடிப் பணமுடையவன் வந்து
மனம் மாற்றினாலும்
மாறாததுதானே காதல்?
ஒருவேளை இது
ஒருதலைக் காதலோ???

by jawhar Sun Jun 01, 2014 9:01 pm

ஒருவேளை இது ஒருதலைக் காதலோ??? wrote:

பணம் என்றால் பினமும் வாய் திறக்கும் போது இது எம்மாத்திரம்!
ஜாலி

by **M.M.SENTHIL** Mon Jun 02, 2014 12:37 pm

jawhar wrote:
ஒருவேளை இது ஒருதலைக் காதலோ??? wrote:
பணம் என்றால் பினமும் வாய் திறக்கும் போது இது எம்மாத்திரம்!

மேற்கோள் செய்த பதிவு: 1067118

உயிர் இல்லாத பிணம் வாய் திறக்குமா?. அப்படியே திறக்கும் என்று வைத்துக் கொள்வோம்.
ஆனாலும், மனதின் உணர்வுகளால் வந்த காதல் ஒரு போதும், பணத்திற்காய் சோடை போகாது. அப்படி போனால் அது காதலே இல்லை, வெறும் காமம்.