புதிய மந்திரிசபையில் இடம் பெற்றுள்ள தமிழகத்தை சேர்ந்த மத்திய மந்திரிகளின் விவரம்

புதிய மந்திரிசபையில் இடம் பெற்றுள்ள தமிழகத்தை சேர்ந்த மத்திய மந்திரிகளின் வாழ்க்கை குறிப்பு விவரம் வருமாறு:–

பொன்.ராதாகிருஷ்ணன்

கன்னியாகுமரி மாவட்டம் ராஜாக்கமங்கலம் அருகே உள்ள அளத்தங்கரை கிராமத்தில், பொன்னையா ஐயப்பன் – தங்ககனி தம்பதிக்கு மகனாக 1952–ம் ஆண்டு மார்ச் மாதம் 1–ந் தேதி பொன்.ராதாகிருஷ்ணன் பிறந்தார்.

நாகர்கோவில் கோட்டார் டி.வி.டி. பள்ளியில் பள்ளிப் படிப்பை முடித்த இவர், கல்லூரி படிப்பை விருதுநகர் வி.எச்.என்.எஸ்.என். கல்லூரியில் முடித்தார். இங்கு பி.ஏ. பட்டம் பெற்று, பின்னர் சென்னை சட்டக்கல்லூரியில் பி.எல். முடித்தார். நாடார் சமுதாயத்தை சேர்ந்த பொன்.ராதாகிருஷ்ணன் திருமணம் ஆகாதவர்.

கடந்த 1999–ம் ஆண்டு நடைபெற்ற பாராளுமன்ற தேர்தலில் நாகர்கோவில் தொகுதியில் பா.ஜனதா கட்சி சார்பில் போட்டியிட்ட பொன்.ராதாகிருஷ்ணன் வெற்றி பெற்று எம்.பி. ஆனார். அதைத் தொடர்ந்து வாஜ்பாய் தலைமையிலான அமைச்சரவையில் 30–9–2000 முதல் 30–1–2003 வரை இளைஞர் நலம் மற்றும் விளையாட்டு ம்பாட்டு துறை இணை மந்திரியாக இருந்தார். தொடர்ந்து, 30–1–2003 முதல் 7–9–2003 வரை நகர்புற ம்பாடு மற்றும் வறுமை ஒழிப்பு துறை இணை மந்திரியாக பதவி வகித்தார். பின்னர், 8–9–2003 முதல் 2004–ம் ஆண்டு மாதம் வரை தரைவழி போக்குவரத்து மற்றும் நெடுஞ்சாலைத்துறை இணை மந்திரியாக இருந்தார்.

பின்னர் 2004–ம் ஆண்டு நடந்த பாராளுமன்ற தேர்தலில், நாகர்கோவில் தொகுதியில் பா.ஜனதா கட்சி சார்பில் (அ.தி.மு.க. கூட்டணி) போட்டியிட்ட இவர் தோல்வியடைந்தார். 2009–ம் ஆண்டு தேர்தலில், திருத்தி அமைக்கப்பட்ட கன்னியாகுமரி தொகுதியில் போட்டியிட்ட பொன்.ராதாகிருஷ்ணன் 2–ம் இடத்தை பிடித்தார். அதைத் தொடர்ந்து, நடந்து முடிந்த பாராளுமன்ற தேர்தலில் மீண்டும் போட்டியிட்டு, 3 லட்சத்து 72 ஆயிரத்து 906 வாக்குகள் பெற்று வெற்றி பெற்றார்.

பொன்.ராதாகிருஷ்ணனின் கட்சிப் பணியை எடுத்துக்கொண்டால், 2006–ம் ஆண்டு முதல் 2009–ம் ஆண்டு வரை தமிழக பா.ஜனதா துணை தலைவராகவும், 2003–ம் ஆண்டு முதல் 2006–ம் ஆண்டு வரை மாநில பொது செயலாளராகவும் பதவி வகித்தார். அதையடுத்து 2009–ம் ஆண்டு முதல் தற்போது வரை தமிழக பா.ஜனதா தலைவராக இருந்து வருகிறார்.

பொன்.ராதாகிருஷ்ணனுக்கு தமிழ், ஆங்கிலம், மலையாளம், இந்தி ஆகிய மொழிகள் சரளமாக பேசத் தெரியும் என்பது குறிப்பிடத்தக்கது.

நிர்மலா சீதாராமன்

பா.ஜனதா கட்சியின் தேசிய செய்தி தொடர்பாளராக உள்ள நிர்மலா சீதாராமன், திருச்சியில் 1959–ம் ஆண்டு ஆகஸ்டு மாதம் 18–ந் தேதி பிறந்தார். அங்குள்ள சீதாலட்சுமி ராமசாமி கல்லூரியில் 1980–ம் ஆண்டு பட்டப்படிப்பு முடித்தார். பின்னர், டெல்லியில் உள்ள ஜவஹர்லால் நேரு பல்கலைக்கழகத்தில் எம்.பில். படித்தார். தொடர்ந்து, பி.பி.சி. உலக சேவை நிறுவனத்தில் அதிகாரியாக வேலை பார்த்தார்.

டாக்டர் பிரகலா பிரபாகரை திருமணம் செய்து கொண்ட நிர்மலா சீதாராமனுக்கு ஒரு மகள் உள்ளார். தற்போது, டெல்லியில் வசித்து வரும் அவர், ஐதராபாத்தில் உள்ள பிரணவா பள்ளியின் நிறுவன இயக்குனர்களில் ஒருவராகவும் இருந்து வருகிறார்.

[thanks] தினத்தந்தி [/thanks]

எதுனா நல்லது செஞ்சா சரி...

வாழ்த்துகள் இருவருக்கும் ..

போற்றி புகழும் பொன்னான சேவைகளையும்
நிலைத்து நிற்க நிர்மலமான சேவைகளையும்  
செய்து புகழ் பெறுவீர்
ரமணியன்

T.N.Balasubramanian wrote:போற்றி புகழும் பொன்னான சேவைகளையும்
நிலைத்து நிற்க நிர்மலமான சேவைகளையும்  
செய்து புகழ் பெறுவீர்
ரமணியன்

நீங்க நிர்மலமான-ன்னு சொன்னதை அவங்க நிர்மூலம்-னு தப்பா புரிஞ்சிக்க போறாங்க..!!!

சிவா wrote:

T.N.Balasubramanian wrote:போற்றி புகழும் பொன்னான சேவைகளையும்
நிலைத்து நிற்க நிர்மலமான சேவைகளையும்  
செய்து புகழ் பெறுவீர்
ரமணியன்

நீங்க நிர்மலமான-ன்னு சொன்னதை அவங்க நிர்மூலம்-னு தப்பா புரிஞ்சிக்க போறாங்க..!!!

அப்போ பொன்னான சேவையை "பொண்"னான சேவை என்று தப்பா புரிஞ்சுக்காம இருந்தா இருந்தா நலம் .
ரமணியன்