திருமண விழாவில் அப்பளத்தால் வெடித்த கோஷ்டி மோதல்

by soplangi Tue May 20, 2014 2:13 pm

குமரி மாவட்டம் குலசேகரத்தை சேர்ந்த வாலிபர் ஒருவருக்கும், மேல்புறத்தை சேர்ந்த ஒரு இளம்பெண்ணுக்கும் நேற்று மேல்புறத்தில் வைத்து திருமணம் நடந்தது.

இருவீட்டாரும் திரளாக பங்கேற்று சிறப்பாக நடைபெற்ற இவ்விழாவில் மதிய விருந்து பரிமாறப்பட்டது.

அப்போது வாலிபர் ஒருவர் தனக்கு கூடுதலாக ஒரு அப்பளம் வேண்டும் என கேட்டார். பந்தி பரிமாறியவர்கள் உங்களுக்கு மட்டும் கூடுதலாக அப்பளம் கொடுத்தால் பலரும் அதுபோல கேட்பார்களே என கூறியதாக தெரிகிறது. இதனால் அவர்களுக்கிடையே தகராறு மூண்டது. இருவருக்கும் ஆதரவாக மேலும் பலர் குரல் கொடுத்ததால் அது கோஷ்டி மோதலாக மாறி கைகலப்பு ஏற்பட்டது. இரு தரப்பினரும் ஒருவரையொருவர் சரமாரியாக தாக்கினர். இதனால் திருமண வீட்டில் பரபரப்பு நிலவியது. பின்னர் பெரியவர்கள் தலையிட்டு இரு தரப்பினரையும் சமாதானப்படுத்தினர்.

தொடர்ந்து, மாலையில் வீடு காணும் நிகழ்ச்சி குலசேகரத்தில் உள்ள திருமண மண்டபத்தில் நடந்தது. மதிய விருந்தில் மோதிக்கொண்ட இரு தரப்பினரும் இந்த நிகழ்ச்சியிலும் பங்கேற்றனர். அப்போது மீண்டும் இரு தரப்பினருக்கிடையே கடும் மோதல் ஏற்பட்டது. ஒருவரையொருவர் தாக்கிக் கொண்டனர். திருமண மண்டபத்தில் வெடித்த கோஷ்டி மோதல் சாலைக்கு வந்தது. ரோட்டில் வைத்து இருதரப்பினரும் மோதலில் ஈடுபட்டதால் அந்த பகுதியில் பெரும் பரபரப்பு நிலவியது.

இதுகுறித்து தகவல் அறிந்ததும் குலசேகரம் போலீசார் அங்கு விரைந்து சென்றனர். அவர்கள் மோதலில் ஈடுபட்ட 2 பேரை பிடித்து போலீஸ் நிலையம் அழைத்து சென்று விசாரணை நடத்தினர்.

இந்த நிலையில், திருமண வீட்டிற்கு வந்திருந்த பெரும்பாலானோர் போலீஸ் நிலையம் முன்பு திரண்டனர். கூட்டம் அதிகமாக இருந்ததால் போலீஸ் நிலைய வாயிற் கதவுகள் மூடப்பட்டது. இரு தரப்பினரிடமும் போலீசார் பேச்சுவார்த்தை நடத்தினர். இதில் சுமூக உடன்பாடு ஏற்பட்டது. மோதலில் காயமடைந்தவர்கள் தாங்களாகவே சிகிச்சையை பார்த்துக் கொள்கிறோம், போலீஸ் நடவடிக்கை வேண்டாம் என கேட்டுக் கொண்டனர். இதையடுத்து போலீசார் இருதரப்பினரிடமும் எழுதி வாங்கி அனுப்பினர். இச்சம்பவத்தால் குலசேகரத்தில் பரபரப்பு நிலவியது.

-- maalaimalar

by யினியவன் Tue May 20, 2014 2:27 pm

அடக் கொடுமையே பரபரப்பா தாக்கினதுல அப்பளம் நொறுங்கிருக்குமே

by **ராஜா** Tue May 20, 2014 3:54 pm

கொக்கமக்கா ..... கொல்லுங்கடா அவன .......... என்ன கொழுப்பு இருந்தா அப்பளம் கொடுக்க மாட்டேன்னு சொல்லியிருப்பான்

by **T.N.Balasubramanian** Wed May 21, 2014 8:21 am

வீரத்தமிழன் , கவரிமான் அவன்
அப்பளம் இல்லையெனில் உயிரையும் விடுவான் அவன் .
வட்டமாக, சரியான விட்டத்தில் இட்டு ,
வட்டமான சட்டியில் ,அளவாக , தரமான எண்ணையில் ,
சரியான சூட்டில் பொரித்து எடுக்கும் அப்பளம் ,
தமிழனின் கணித ,பௌதீக , வேதியல் சாத்திரத்தின் எடுத்துக்காட்டு .
அப்பளம் இல்லையெனில் no problem என்று சொல்ல அவன் என்ன அந்நியனா?

தமிழா , இது மாதிரி மானப் பிரச்சனைகளை சும்மா விடக்கூடாது !!
ரமணியன்

by **krishnaamma** Wed May 21, 2014 9:14 am

//தொடர்ந்து, மாலையில் வீடு காணும் நிகழ்ச்சி குலசேகரத்தில் உள்ள திருமண மண்டபத்தில் நடந்தது. //

இதை படித்ததும் நான் மாலை இல் நலுங்கு க்கு தரும் அப்பளாமும் ப்ரொப்லெம் மோ என்று நினைத்தேன் புன்னகை

ஹா...ஹா...ஹா....

by **SajeevJino** Wed May 21, 2014 9:32 am

.

இங்கு குமரி மாவட்டத்தில் நடப்பது எல்லாமே கொஞ்சம் வித்தியாசமாகத் தான் உள்ளது ..!!

பப்பட பிரச்சனைக்கு முன்பே ஏதோ பெரியதாக நடந்திருக்கும் ..பப்படம் மேட்டர் கிடைத்தவுடன் அதை பெரிதாக்கி பிரச்னை நடத்தி விட்டனர் ..!!

பொதுவாக இது போன்ற சில பிரச்சனைகள் இங்கு திருமண வீடுகளில் நடப்பது சாதாரணம் தான் ..

நானும் எனது நண்பர்களும் கூட இது போன்று பிரச்சனைகளை ஆரம்பித்தது உண்டு

.

by **krishnaamma** Wed May 21, 2014 9:56 am

SajeevJino wrote:[link="/t110395-topic#1064984"].

இங்கு குமரி மாவட்டத்தில் நடப்பது எல்லாமே கொஞ்சம் வித்தியாசமாகத் தான் உள்ளது ..!!

பப்பட பிரச்சனைக்கு முன்பே ஏதோ பெரியதாக நடந்திருக்கும் ..பப்படம் மேட்டர் கிடைத்தவுடன் அதை பெரிதாக்கி பிரச்னை நடத்தி விட்டனர் ..!!

பொதுவாக இது போன்ற சில பிரச்சனைகள் இங்கு திருமண வீடுகளில் நடப்பது சாதாரணம் தான் ..

நானும் எனது நண்பர்களும் கூட இது போன்று பிரச்சனைகளை ஆரம்பித்தது உண்டு

.

இருந்தாலும் அப்பளாத்துக்கு சண்டை ........கொஞ்சம் ஓவர் தானே புன்னகை

by **SajeevJino** Wed May 21, 2014 11:52 am

.

krishnaamma wrote:[link="/t110395-topic#1064986"]

இருந்தாலும் அப்பளாத்துக்கு சண்டை ........கொஞ்சம் ஓவர் தானே

.

பப்பட பிரச்சனைக்கு முன்பே ஏதோ பெரியதாக நடந்திருக்கும் ..பப்படம் மேட்டர் கிடைத்தவுடன் அதை பெரிதாக்கி பிரச்னை நடத்தி விட்டனர் ..!!

.

by **krishnaamma** Wed May 21, 2014 1:09 pm

SajeevJino wrote:[link="/t110395-topic#1064992"].

krishnaamma wrote:[link="/t110395-topic#1064986"]

இருந்தாலும் அப்பளாத்துக்கு சண்டை ........கொஞ்சம் ஓவர் தானே

பப்பட பிரச்சனைக்கு முன்பே ஏதோ பெரியதாக நடந்திருக்கும் ..பப்படம் மேட்டர் கிடைத்தவுடன் அதை பெரிதாக்கி பிரச்னை நடத்தி விட்டனர் ..!!

.

இருக்கும்...இருக்கும் புன்னகை