நரேந்திரமோடிக்கு குவியும் வாழ்த்துகள்

**சிவா** · **சிவா** Fri May 16, 2014 4:25 pm

பாரதிய ஜனதா பிரதமர் வேட்பாளர் நரேந்திரமோடிக்கு நாடு முழுவதும் இருந்து வாழ்த்துகள் குவிந்த வண்ணம் இருக்கின்றன.

வாக்கு எண்ணிக்கை தொடங்கியது முதலே, பாரதிய ஜனதாவுக்கு சாதகமான சூழலே காணப்படுகிறது. தற்போதைய நிலையில், 320க்கும் இடங்களில் பாரதிய ஜனதா கூட்டணி முன்னிலை பெற்றுள்ளது. தனிப் பெரும்பான்மையை நோக்கி நடைபோடும், பாரதிய ஜனதா 270க்கும் அதிகமான தொகுதிகளில் முன்னணியில் இருக்கிறது. அடுத்த பிரதமராக நரேந்திரமோடி பொறுப்பேற்பது கிட்டத்தட்ட உறுதியாகியிருக்கிறது. இதையடுத்து, காந்தி நகரில் தமது தாயார் ஹிராபென்னை சந்தித்து ஆசி பெற்றார் நரேந்திர மோடி. நாடு முழுவதும் இருந்து அவருக்கு வாழ்த்துகள் குவிந்த வண்ணம் இருக்கின்றன. பாரதிய ஜனதா தலைவர் ராஜ்நாத் சிங், மூத்த தலைவர் எல்.கே.அத்வானி உள்ளிட்டோர் நரேந்திரமோடிக்கு வாழ்த்து தெரிவித்துள்ளனர்.

**சிவா** · **சிவா** Fri May 16, 2014 4:25 pm

இந்தியாவை வல்லரசாக்குவார் மோடி: விஜயகாந்த் வாழ்த்து

இந்திய பிரதமராக பதவியேற்கவுள்ள நரேந்திர மோடி உலக அரங்கில் இந்திய தேசத்தை வல்லரசாக மாற்ற வாழ்த்துவதாக தேமுதிக தலைவர் விஜயகாந்த் தெரிவித்துள்ளார்.

இது தொடர்பாக அவர் வெளியிட்டுள்ள அறிக்கையில்: "மக்களவை தேர்தலில் உங்கள் (மோடி) தலைமையிலான தேசியஜனநாயக கூட்டணி கட்சி பெற்றுள்ள வெற்றிக்காக மனமார்ந்த வாழ்த்துகளை தெரிவித்துக் கொள்கிறேன்.

சாமான்ய மக்களின் எதிர்பார்ப்புகளை புரிந்து கொண்டு அவற்றை நீங்கள் நிறைவேற்றுவீர்கள் என நம்புகிறேன். குஜராத்தில் இருப்பதை போல் ஊழலற்ற அரசை அமைக்க வேண்டும். உங்கள் ஆட்சியில் இந்திய தேசத்தில் வறுமை முற்றிலுமாக ஒழிக்கப்படும். பொருளாதாரம் மேம்படும்.

உங்களது அனைத்து செயல்பாடுகளும் வெற்றிகரமாக அமைய மீண்டும் ஒருமுறை வாழ்த்துகளை தெரிவித்துக் கொள்கிறேன்". இவ்வாறு விஜயகாந்த் தனது அறிக்கையில் குறிப்பிட்டுள்ளார்.

**சிவா** · **சிவா** Fri May 16, 2014 4:26 pm

நரேந்திர மோடிக்கு கருணாநிதி வாழ்த்து

நாடாளுமன்றத் தேர்தலில் வெற்றி பெற்றுள்ள பா.ஜ.க. அணியினருக்கும், பிரதமர் பொறுப்பை ஏற்கவுள்ள நரேந்திர மோடி-க்கும் திமுக தலைவர் கருணாநிதி வாழ்த்து தெரிவித்துள்ளார்.

இதுக்குறித்து அவர் வெளியிட்டுள்ள அறிக்கையில் கூறியிருப்பதாவது:

”நடைபெற்ற நாடாளுமன்றத் தேர்தலில் திராவிட முன்னேற்றக் கழகமும், அதன் தோழமைக் கட்சிகளும் வெற்றி வாய்ப்பினை முழுவதுமாக இழந்திருக்கின்றது.

மக்களின் இந்த முடிவை, "மக்கள் குரலே மகேசன் குரல்" என்ற ஜனநாயகத் தத்துவத்தின் அடிப்படையில் திராவிட முன்னேற்றக் கழகம் தலை வணங்கி ஏற்றுக் கொள்கிறது. திராவிட முன்னேற்றக் கழகம் இது போன்ற தோல்வியையும் சந்தித்திருக்கின்றது; தமிழகத்தில் எந்த அரசியல் கட்சியும் பெறாத அளவிற்கு மிகப் பெரிய வெற்றியையும் பெற்றிருக்கிறது. "வெற்றி கண்டு வெறி கொள்வதுமில்லை, தோல்வி கண்டு துவண்டு போவதுமில்லை" என்று பேரறிஞர் அண்ணா அவர்கள் அறிவுறுத்தியவாறு, வாக்களிக்கும் மக்களின் நம்பிக்கையை மேலும் உறுதியாக பெறக் கூடிய வகையில் எங்கள் தொண்டினைத் தொய்வின்றி தொடர்ந்து நிறைவேற்றுவோம்.

இந்தத் தேர்தலில் இந்திய அளவில் மிகப் பெரிய வெற்றியைப் பெற்றுள்ள பா.ஜ.க. அணியினருக்கும், குறிப்பாக பிரதமர் பொறுப்பை ஏற்கவுள்ள திரு. நரேந்திர மோடி அவர்களுக்கும் திராவிட முன்னேற்றக் கழகத்தின் சார்பில் என்னுடைய வாழ்த்தினைத் தெரிவித்துக் கொள்கிறேன்.”

இவ்வாறு கருணாநிதி கூறினார்.

**சிவா** · **சிவா** Fri May 16, 2014 4:29 pm

நரேந்திர மோடிக்கு ரஜினி வாழ்த்து

பாராளுமன்றத்தேர்தலில் பாரதீய ஜனதா கட்சி தனிப்பெரும்பான்மை பலத்துடன் வெற்றி பெறுள்ளது. பாரதீய ஜனதா மற்றும் கட்சியின் பிரதமர் வேட்பாளருக்கு நடிகர் ரஜினி காந்த் வாழ்த்து தெரிவித்துள்ளார்.

**சிவா** · **சிவா** Fri May 16, 2014 4:43 pm

15வது பிரதமராக பதவியேற்க இருக்கும் நரேந்திர மோடிக்கு பா.ம.க. நிறுவனர் ராமதாஸ் வாழ்த்து தெரிவித்துள்ளார்.

இதுகுறித்து அவர் மோடிக்கு அனுப்பியுள்ள கடிதத்தில் ''இந்தியாவில் நடைபெற்ற 16ஆவது மக்களவைத் தேர்தலில் வரலாறு காணாத வகையில் தேசிய ஜனநாயக கூட்டணி அமோக வெற்றி பெற்றமைக்காக நான் எனது பாராட்டுக்களைத் தெரிவித்துக் கொள்கிறேன்.

அதுமட்டுமின்றி இந்தியாவின் 15 ஆவது பிரதமராக பதவியேற்க இருப்பதற்கு எனது வாழ்த்துக்களைத் தெரிவித்துக் கொள்கிறேன். 30 ஆண்டுகளுக்குப் பிறகு மத்தியில் ஒரு கட்சி தனிப்பெரும்பான்மையுடன் ஆட்சி அமைப்பதற்குக் காரணமான இந்த மிகப்பெரிய வெற்றியை கட்டி எழுப்பியவர் நீங்கள் தான்.

குஜராத் மாநிலத்தில் எட்டப்பட்டது போன்ற வளர்ச்சி தான் ஒட்டுமொத்த இந்தியாவுக்கும் பயனளிக்கும் என்பதை இந்திய மக்கள் நன்றாக உணர்ந்திருப்பதால், உங்களிடமிருந்து அவர்கள் அதிகமாக எதிர்பார்க்கிறார்கள்.

தமிழகத்தில் நமது கூட்டணி எதிர்பார்த்த அளவு வெற்றி பெறவில்லை என்ற போதிலும் இரு தொகுதிகளில் நாம் வெற்றி பெறுவது உறுதியாகிவிட்டது. தமிழ்நாட்டில் நமது கூட்டணியின் எதிர்காலத்திற்கு இது வகை செய்யும். தமிழகத்தின் நலன் தொடர்பான மக்களின் எதிர்பார்ப்புகளையும், தேசிய ஜனநாயக கூட்டணியின் வாக்குறுதிகளையும் தாங்கள் நிறைவேற்றுவீர்கள் என்று நம்புகிறேன்.

**சிவா** · **சிவா** Fri May 16, 2014 5:05 pm

மோடிக்கு கெஜ்ரிவால் வாழ்த்து

வாரணாசி: ஆம் ஆத்மி ஒருங்கிணைப்பாளர் அரவிந்த் கெஜ்ரிவால் அளித்த பேட்டியில், 'வாரணாசியில் இருந்து தேர்வு பெற்றுள்ள நரேந்திரமோடிக்கு எனது வாழ்த்துக்கள். எனக்கு ஓட்டளித்த அனைத்து மக்களுக்கும் எனது நன்றி. பஞ்சாப்பில் நான்கு இடங்களில் எங்கள் கட்சி முன்னிலை பெற்றுள்ளது மிகவும் மகிழ்ச்சி அளிக்கிறது. இது எங்களுக்கு நல்ல துவக்கமாக அமையும்,' என்றார்.

**சிவா** · **சிவா** Fri May 16, 2014 5:42 pm

மோடிக்கு இங்கிலாந்து பிரதமர் டேவிட் கேமரூன் வாழ்த்து

இந்தியாவின் அடுத்த பிரதமராக பதவி ஏற்கவுள்ள நரேந்திர மோடிக்கு இங்கிலாந்து பிரதமர் டேவிட் கேமரூன் தொலைபேசி மூலம் வாழ்த்து தெரிவித்தார்.

டுவிட்டர் வலைத்தளத்தில், ”இந்திய தேர்தல்களில் வெற்றி பெற்றுள்ளதற்காக நரேந்திர மோடிக்கு வாழ்த்துக்கள். இங்கிலாந்து-இந்தியா உறவுகள் மேலும் தொடர இருவரும் ஒன்றிணைந்து பணியாற்றுவோம்” என்றும் கேமரூன் கருத்து தெரிவித்துள்ளார். கடந்த 10 ஆண்டுகளாக மோடிக்கு விசா வழங்க மறுத்துவந்த இங்கிலாந்து, கடந்த அக்டோபர் மாதம் இந்தியாவுக்கான இங்கிலாந்து தூதர் மோடியை சந்தித்து 50 நிமிடங்கள் பேசிய பின்னர் அந்த பிரச்சினை முடிவுக்கு வந்தது குறிப்பிடத்தக்கது.

**ராஜா** · **ராஜா** Fri May 16, 2014 8:35 pm

வாழ்த்துகள் திரு மோடி அவர்களே

**ரா.ரா3275** · **ரா.ரா3275** Fri May 16, 2014 8:38 pm

வாழ்த்துகள் மோடி அவர்களே.

**SajeevJino** · **SajeevJino** Sat May 17, 2014 8:41 am

.

யூதாவின் பிரதமர் பெஞ்சமின் நெதன்யஹு மோடிக்கு வாழ்த்து

அவர் தொலை பேசியில் தொடர்பு கொண்டு இந்தியாவிற்கும் இஸ்ரேலுக்கும் இருக்கும் உறவை இன்னும் விரிவுபடுத்தவும் பரஸ்பரம் ஒன்றுபட்டு இருக்கவும் கூறியுள்ளார்

இஸ்ரேலுக்கு பயணம் செய்த இந்திய தலைவர்களில் மோடியும் ஒருவர்

இந்த பதிவைத் துவங்கியவர் நன்றி கூறியுள்ளார் SajeevJino

Sponsored content · Sponsored content

நரேந்திரமோடிக்கு குவியும் வாழ்த்துகள்

நரேந்திரமோடிக்கு குவியும் வாழ்த்துகள்

Re: நரேந்திரமோடிக்கு குவியும் வாழ்த்துகள்

Re: நரேந்திரமோடிக்கு குவியும் வாழ்த்துகள்

Re: நரேந்திரமோடிக்கு குவியும் வாழ்த்துகள்

Re: நரேந்திரமோடிக்கு குவியும் வாழ்த்துகள்

Re: நரேந்திரமோடிக்கு குவியும் வாழ்த்துகள்

Re: நரேந்திரமோடிக்கு குவியும் வாழ்த்துகள்

Re: நரேந்திரமோடிக்கு குவியும் வாழ்த்துகள்

Re: நரேந்திரமோடிக்கு குவியும் வாழ்த்துகள்

Re: நரேந்திரமோடிக்கு குவியும் வாழ்த்துகள்

Re: நரேந்திரமோடிக்கு குவியும் வாழ்த்துகள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக