மோடிக்கு ஆதரவு என சொன்ன மலைச்சாமி அதிமுகவிலிருந்து நீக்கம்: ஜெயலலிதா அறிவிப்பு!

சென்னை: அதிமுகவிலிருந்து முன்னாள் எம்.பி. மலைச்சாமி நீக்கப்படுவதாக அக்கட்சியின் பொதுச் செயலாளரும், முதலமைச்சருமான ஜெயலலிதா அறிவித்துள்ளார்.

முன்னாள் ஐஏஎஸ் அதிகாரியான மலைச்சாமி, பணியிலிருந்து ஓய்வு பெற்றதும், 1999 ஆம் ஆண்டில் அதிமுகவில் இணைந்தார். அதனைத் தொடர்ந்து அவர் அக்கட்சியின் சார்பில் மாநிலங்களவை எம்.பி.யாக தேர்ந்தெடுக்கப்பட்டார். அதன்பின்னர் ராமநாதபுரம் மக்களவை தொகுதியில் போட்டியிட்டு அதிமுக எம்.பி.யானார்.

அந்த பதவிக்காலம் முடிவடைந்ததும், அதிமுகவில் சொல்லிக்கொள்ளும்படியான பொறுப்பில் ஏதும் இல்லாமல் இருந்தார்.

இந்நிலையில் நேற்று முன்தினம் வெளியான வாக்குப்பதிவுக்கு பிந்தைய கருத்துக்கணிப்புகள், பா.ஜனதா கூட்டணிக்கு சாதகமாக இருப்பதாக தெரிவித்தன.

இதனால் மோடி ஆட்சியமைத்தால் அதற்கு அதிமுக ஆதரவு அளிக்குமா? என்ற கேள்வி எழுந்த நிலையில், ஆங்கில தொலைக்காட்சி ஒன்றுக்கு பேட்டியளித்த மலைச்சாமி, ஜெயலலிதாவின் சிறந்த நண்பர்களில் ஒருவர் மோடி. அரசியல் ரீதியாக அவர்களுக்குள் கருத்து வேறுபாடுகள் இருந்தாலும், மோடி பிரதமரானால் அவருடன் நெருக்கமான உறவை ஜெயலலிதா பேணுவார்" என்று கூறியிருந்தார். இது தேர்தல் முடிவு வெளியான பின்னர் பா.ஜனதா கூட்டணியை அதிமுக ஆதரிக்கும் என்ற எண்ணத்தை ஏற்படுத்தியது.

அதிமுகவை பொறுத்தவரை இதுபோன்ற விஷயங்களையெல்லாம் பேச அக்கட்சித்தலைவர்களுக்கு அதிகாரமில்லை. 'அம்மா என்ன சொல்கிறாரோ அதுதான் வேதவாக்கு. அதனை மீறி எதையும் பேசிவிடக்கூடாது.

ஆனால் மலைச்சாமி முன்னாள் ஐஏஎஸ் அதிகாரி என்பதால், ஜெயலலிதா பயணிக்கிற ஹெலிகாப்டரை பார்த்து கீழே தரையில் விழுந்து கும்பிடு போடும் அளவுக்கு அவர் பக்குவப்படவில்லை. அதனால்தான் அம்மாவின் அனுமதி பெறாமலேயே துடுக்குத்தனமாக, மோடியை ஆதரிப்பார் என்ற அர்த்தம் வருகிற மாதிரி பேட்டியளித்துவிட்டார்.

அதன் எதிரொலியாகவே அவர் கட்சியிலிருந்து நீக்கப்படுவதாக ஜெயலலிதா இன்று அறிவித்துள்ளார். இது தொடர்பாக அவர் வெளியிட்டுள்ள அறிக்கையில், " கழகத்தின் கொள்கை– குறிக்கோள்களுக்கும் கோட்பாடுகளுக்கும் முரணான வகையில் செயல்பட்டதாலும், கழகத்தின் கண்ணியத்திற்கு மாசு ஏற்படும் வகையில் நடந்து கொண்டதாலும், கழகக் கட்டுப்பாட்டை மீறி கழகத்திற்கு களங்கமும் அவப் பெயரும் உண்டாகும் விதத்தில் செயல்பட்ட காரணத்தினாலும், தென் சென்னை வடக்கு மாவட்டத்தைச் சேர்ந்த டாக்டர் கே.மலைச்சாமி இன்று முதல் கழகத்தின் அடிப்படை உறுப்பினர் பொறுப்பு உட்பட அனைத்துப் பொறுப்புகளில் இருந்தும் நீக்கி வைக்கப்படுகிறார்.

கழக உடன்பிறப்புகள் யாரும் இவருடன் எவ்விதத் தொடர்பும் வைத்துக் கொள்ளக் கூடாது எனக் கேட்டுக் கொள்கிறேன்" என்று தெரிவித்துள்ளார்.

சுயமரியாதை உள்ள எவனும் அதிமுக அமைச்சரவையில் இருக்க மாட்டான்! பேச்சு சுதந்திரம் கூட இல்லாத பிணமாக எவன் உள்ளானோ அவனே அதிமுகவில் நீடிக்க முடியும்! வாயிலிருந்து வார்த்தை வந்தால் அது அம்மா வாழ்க என்று இருக்க வேண்டும். கை அசைந்தால் அது அவரைக் கும்பிடுவதாக இருக்க வேண்டும். கால் அசைவதாக இருந்தால் அது அவரை விழுந்து வணங்குவதற்காக இருக்க வேண்டும்!

ஒரு கேவலமான நடிகைக்கு இவ்வளவு இறுமாப்பா இல்ல தண்ணி அடிச்சதுல வந்த மப்பா.

கழக உடன்பிறப்புகள் யாரும் இவருடன் எவ்விதத் தொடர்பும் வைத்துக் கொள்ளக் கூடாது எனக் கேட்டுக் கொள்கிறேன்"
    

ஐ.ஏ.எஸ்.னாலும் இங்க வந்துட்டா ஆடுதான் மேய்க்கணும்...