ஐதராபாத்தில் மதக்கலவரம்: 3 பேர் பலி

ஐதராபாத்தில் ஒரு மதத்தை சேர்ந்தவர்களின் கொடி எரிக்கப்பட்டதால் மதக்கலவரம் மூண்டது. அதில் மூன்று பேர் பலியானார்கள். மேலும் 10 காவலர்கள் உள்பட 17 பேர் படுகாயமடைந்தனர். ஐதராபாத் அருகேயுள்ள கிஷன்பாக் பகுதியில் ஒரு மதத்தை சார்ந்தவர்களின் கொடி எரிக்கப்பட்டதால் கலவரம் மூண்டது.

கொடி எரிக்கப்பட்டது தெரிந்தவுடன் அந்த மதத்தை சார்ந்த நூற்றுக்கணக்கானோர் அங்கு திரண்டனர். அதில் சில இளைஞர்கள் அங்குள்ள வேறொரு மதத்தை சார்ந்தவர்களின் வீடுகளையும், வாகனங்களையும் தாக்கினர். இதில் அந்த பகுதி முழுவதும் போர்க்களம் போல் காட்சியளித்தது.

இதனையடுத்து இரு மதத்தை சேர்ந்த ஆயிரத்துக்கும் மேற்பட்டவர்கள் எதிரெதிர் திசையில் திரண்டு ஒருவர் மீது ஒருவர் கற்களை வீசி தாக்கிக்கொண்டனர். அப்போது அங்கு வந்த போலீசார் கல்வீச்சில் ஈடுபட்டவர்களை கலைந்து போகுமாறு கூறினர். ஆனால் இரு தரப்பினரும் தொடர்ந்து மோதலில் ஈடுபடவே லத்தி சார்ஜ் செய்யப்பட்டது. அதுவும் பலனளிக்காமல் போகவே துப்பாக்கி சூடு நடத்தி கலவரம் கட்டுக்குள் கொண்டு வரப்பட்டதாக ஐதராபாத் மாநகர காவல்துறை ஆணையரான அனுராக் ஷர்மா தெரிவித்துள்ளார்.

காயமடைந்த அனைவரும் அருகிலுள்ள மருத்துவமனையில் சேர்க்கப்பட்டனர். இக்கலவரத்தை தூண்டிவிட்டதாக சந்தேகத்தின் பேரில் ஒரு சிலரை போலீசார் விசாரணைக்காக காவல் நிலையத்திற்கு அழைத்து சென்றனர்.

ஐதராபாத் எங்க இருக்குது ? இந்தியாவில் தானே ?!

ஹைதராபாத்: ஹைதராபாத்தில் சீக்கியர்களின் மதக் கொடி எரிக்கப்பட்டதால் அவர்களுக்கும், முஸ்லீம்களுக்கும் இடையே மோதல் ஏற்பட்டது. ஹைதராபாத்தின் கிஷன்பாக் பகுதியில் உள்ள சிக் சவுனியில் நேற்று முன்தினம் இரவு மர்ம நபர்கள் சீக்கியர்களின் மதக்கொடியை எரித்துள்ளனர். இதைடுத்து சீக்கயர்களுக்கும், அந்த பகுதியில் வசிக்கும் முஸ்லீம்களுக்கும் இடையே காரசார வாக்குவாதம் நடந்துள்ளது. அதன் பிறகு பிரச்சனை அடங்கி அவரவர் வீடுகளுக்கு சென்றுவிட்டனர்.

இந்நிலையில் நேற்று அதிகாலை சில சீக்கிய வாலிபர்கள் வாள்களுடன் வந்து சிக் சவுனியில் வசிக்கும் முஸ்லீகளின் வீடுகளுக்குள் புகுந்து தாக்கியுள்ளனர். மேலும் முஸ்லீம்களின் உடைமைகளை தீ வைத்து எரித்துள்ளனர். இது குறித்து தகவல் அறிந்த பக்கத்து பகுதி முஸ்லீம்கள் அங்கு கூடினர்.

இதையடுத்து சீக்கியர்கள் மற்றும் முஸ்லீம்கள் ஒருவர் மீது ஒருவர் கற்களை வீசி தாக்கினர். மேலும் 10 தனியார் வாகனங்கள் தீ வைத்து எரிக்கப்பட்டன.

உடனே எல்லை பாதுகாப்பு படையினர் அங்கு வந்தனர். துணை ராணுவத்தினர் முதலில் கண்ணீர் புகை குண்டுகளை வீசியுள்ளனர். அப்படியும் கூட்டம் கலையாததால் துப்பாக்கிச்சூடு நடத்தினர். இதில் ஒருவர் குண்டடிபட்டு சம்பவ இடத்திலேயே பலியானார். காயம் அடைந்த 20 பேர் மருத்துவமனையில் அனுமதிக்கப்பட்டனர். அதில் 3 பேர் சிகிச்சை பலனின்றி பலியாகினர். பலியான 4 பேரும் முஸ்லீம்கள்.

மோதல் நடந்த இடத்தில் 144 தடை உத்ததரவு பிறப்பிக்கப்பட்டதுடன் போலீசார் குவிக்கப்பட்டுள்ளனர். சிக் சவ்னி பகுதியில் முன்னதாக 2006ம் ஆண்டு சீக்கியர்கள் மற்றும் முஸ்லீம்களுக்கு இடையே நடந்த மோதலில் ஒருவர் கொல்லப்பட்டார் என்பது குறிப்பிடத்தக்கது.