சென்னையில் அம்மா வாரச்சந்தை விரைவில் தொடக்கம்!

சென்னை: சென்னையில் ஒவ்வொரு வார்டிலும் அம்மா வாரச்சந்தை விரைவில் தொடங்கப்பட உள்ளது.

தமிழகத்திலுள்ள மாநகராட்சிகளில் அம்மா உணவகம் தொடங்கப்பட்டு வெற்றிகரமாக நடந்து வருகிறது. இந்நிலையில், சென்னையில் உள்ள ஒவ்வொரு வார்டிலும், மாநகராட்சி சார்பில் அம்மா வாரச் சந்தை அமைக்கப்படும் என மேயர் சைதை துரைசாமி அறிவித்தார்.

அதன்படி இந்த வாரச்சந்தையை இன்னும் 2 மாதத்தில் தொடங்க திட்டமிடப்பட்டு, பணிகள் முழுவீச்சில் நடைபெற்று வருகிறது. வாரச்சந்தை அமைக்க தேவையான இடங்களை தேர்வு செய்யும் பணியில் மாநகராட்சி ஈடுபட்டுள்ளது. மாநகராட்சிக்கு சொந்தமான கட்டிடங்கள், காலியாக உள்ள இடங்கள், விளையாட்டு மைதானங்கள் போன்றவற்றை கணக்கெடுக்கும் பணி நடந்து வருகிறது.

இந்த வாரச்சந்தையில், மகளிர் குழுக்கள் மற்றும் சிறைக் கைதிகள் தயாரித்த பொருட்கள், அரசு துறை சார்ந்த நிறுவனங்கள் தயாரித்த பொருட்கள் மற்றும் கய்கறிகள், சமையல் பொருட்கள், வீட்டு உபயோக பொருட்கள் விற்பனை செய்ய திட்டமிடப்பட்டுள்ளது.

மேலும், அம்மா உணவகங்களைப்போல, அம்மா வாரச்சந்தையையும் வெற்றிகரமாக செயல்படுத்த வேண்டும் என்பதால், இடம், கடை தேர்வு செய்யும் விவகாரத்தில் கவுன்சிலர்களுக்கு அனுமதி வழங்கப்படவில்லை. அதிகாரிகள், தனியார் ஆலோசனை நிறுவனங்கள் மூலம் வாரச்சந்தை அமைக்கும் பணி நடந்து வருகிறது.

வாரச்சந்தையைபோல, விளையாட்டு மைதானங்களில் மாலை நேர சந்தைகள் அமைக்கவும் திட்டமிடப்பட்டுள்ளது. இவை, சனி மற்றும் ஞாயிற்றுக்கிழமைகளில் மாலை 6 மணி முதல் இரவு 10 மணி வரை இயங்கும். இந்த சந்தையில், கடை நடத்த யாரை அனுமதிப்பது, கடைகளுக்கு உரிமம் வழங்கும் நடைமுறை, எந்த அளவுக்கு குறைந்த விலையில் பொருட்களை விற்பனை செய்ய முடியும் போன்ற விவரங்கள் சேரிக்கப்பட்டு வருகின்றன. காலணிகள், ஆடைகள் விற்பனைக்காக சில நிறுவனங்களை அழைத்து பேசவும் மாநகராட்சி திட்டமிட்டுள்ளது.

வரவேற்போம்.
காலத்தின் கட்டாயம் , அடுத்த முறையும் தமிழக சட்டசபையை அதிமுக கைப்பற்றவேண்டும் என்றால் , இது மாதிரி ஜனங்களுக்கு தேவையான சேவைகளை இப்போது முதலே ஆரம்பிக்கவேண்டியதுதான் .

ரமணியன்

சில இடங்களில் தினமும் குறிப்பிட்ட நேரம் இது போல காய்கறி மார்க்கெட் இருக்கிறது விலையும் கம்மியாக இருக்கிறது.

இது உழவர் சந்தை போல தானே

T.N.Balasubramanian wrote:[link="/t110274-topic#1063728"]வரவேற்போம்.
காலத்தின் கட்டாயம் , அடுத்த முறையும் தமிழக சட்டசபையை அதிமுக கைப்பற்றவேண்டும் என்றால் , இது மாதிரி ஜனங்களுக்கு தேவையான சேவைகளை இப்போது முதலே ஆரம்பிக்கவேண்டியதுதான் .

ரமணியன்

மக்களுக்குத் தேவையான நலத்திட்டங்கள் மக்கள் பணத்தைக் கொண்டுதான் செய்கிறார்கள், ஆனால் அவர்கள் அப்பன் வீட்டுப் பணத்தில் செய்வது போல் ஏன் அவர்கள் புகழ் பாடுகின்றன அந்த நலத்திட்டங்கள்!

பாலாஜி wrote:[link="/t110274-topic#1063758"]இது உழவர் சந்தை போல தானே

உழவர் சந்தையாக இருக்காது, இந்தக் கிழவி பெயரில் துவங்குவதால் அது கிழவர் சந்தையாக இருக்கும்!

என்னதான் வாரச் சந்தை வைத்தாலும், அதில் ஆளும் கட்சினர் நிர்ணயிக்கும் விலைதான் இருக்கும்.  மேலும், கஷ்டப்பட்டு விவசாயம் செய்யும் விவசாயி, தனது பொருளுக்கு விலை நிர்ணயம் செய்வது இயலாது.